Eclesiastés 12:7 - DIOSPA QHELQACHISQ

⁷ Chay p'unchay jallp'aqa jallp'allamantaj kutenqa, ñawpajta karqa, chayllamantaj. Qanman kawsay qosqa karqa, chaytaj Diosman kutiponqa.

Qheshwa Biblia DC

⁷ Chaypacha, ñut'u jallp'aqa, jallp'allamantaj tukonqa ñaupajta karqa ajinaman, runaman qosqan almataj Diosllaman kutiponqa.

DIOSPA QHELQACHISQAN DEUTEROCANONICAL

⁷ Chay p'unchay jallp'aqa jallp'allamantaj kutenqa, ñawpajta karqa, chayllamantaj. Qanman kawsay qosqa karqa, chaytaj Diosman kutiponqa.

Eclesiastés 12:7 ပူးပေါင်းရင်းမြစ်များ

Génesis 18:27

Chantá Abraham Tata Diosta ujtawan nillarqataj: Qanqa Diosmin kanki, noqataj mana ni imachu kani. Chaywanpis ama jina kaspa, mañakusqayta uyariway ari.

Génesis 2:7

Chantá Tata Dios runata jallp'amanta ruwarqa, senqanmantaj kawsay samayta samaykorqa. Ajinamanta runaqa kawsajman tukorqa.

Génesis 3:19

Mikhunaykipaj jump'i suruyta llank'anayki kanqa, wañupunayki p'unchaykamataj ajina kanqa. Qanqa jallp'amanta ruwasqa kanki, chayrayku jallp'allamantaj kutinki, nispa.

Job 20:11

Kallpallanpiraj waynapacha kashaspa, jallp'aj sonqonman yaykuspa, tukukaponqa.

Job 7:21

Manachu juchayta pampachawankiman? Manachu mana allin ruwasqaytapis pampachallawajtaj? Noqaqa ñapis jallp'aj sonqonman yaykupusajña. Mask'awanki, noqataj manaña kasajchu, nispa.

Salmos 103:14

Payqa imamantachus ruwasqa kasqanchejta yachan, jinallataj jallp'allamanta kasqanchejta yuyarikun.

Salmos 104:29

Uyaykitachus pakanki chayrí, mancharikunku. Samayninkuta qhechupojtiykitaj, wañupunku, jallp'allamantaj tukupunku.

Salmos 146:4

Paykuna wañupuspaqa, jallp'aman tukupunku, chay p'unchaypachataj yuyaychakusqankupis chinkapun.

Salmos 31:6

6 (7) Noqaqa qhasi manakaj lantikunata yupaychajkunata chejnikuni. Aswanpis Tata Diosllapi atinikuni.

Salmos 90:3

Qanqa runata jallp'aman kutichinki: Wañoj runakuna, jallp'aman kutiychej, nispa.

Isaías 57:16

Mana wiñaypajchu aylluyta juchachasaj, nitaj wiñaypaj phiñakusajchu. Sichus wiñaypaj phiñakuyman chayqa, ruwasqay runakuna ñawpaqeypi q'enaqakunkuman.

Jeremías 38:16

Chantá kuraj kamachej Sedequías pakayllapi tiluspa, Jeremiasta kay jinata nerqa: Pichus kawsayta qowanchej, chay Tata Diospa sutinrayku tiluyki: Mana wañuchichisqaykichu nitaj kunanpis wañuchiyta munajkunaman jaywaykusqaykichu, nispa.

Daniel (hebreo) 12:2

Wañusqakunamanta ashkha kawsarimonqanku, ujkunaqa wiñayta kawsanankupaj, wakinkunataj wiñay p'enqaypi, phutiypitaj kanankupaj.

Zacarías 12:1

Tata Dios kayta sut'incharqa imachus Israelwan kananmanta. Qallariypeqa paymin janajta toldota jina mast'arqa, kay pachatapis sayacherqa, runamanpis kawsayta qorqa. Kunantaj pay nin:

Números 16:22

Chayta uyarispa, Moiseswan, Aaronwan pampakama k'umuykuspa, nerqanku: Diosniyku, tukuy runaman kawsayta qoj, uj runa juchallisqanraykuchu kay tukuy runaj contrankuta phiñakunki? nispa.

Números 27:16

Tukuyta Kamachej Tata Diosníy, tukuyman kawsayta qoj Dios, uj runata paykunallamantataj ajllaspa churay ari.

San Lucas 23:46

Jinapi Jesusqa sinch'ita qhaparerqa: Tatáy, makiykiman kawsayniyta jap'ichikamuyki, nispa. Chayta nispataj, Jesús wañuporqa.

Hechos 7:59

Chay jinata payta ch'anqaykushajtinku, Estebanqa Diosmanta mañakuspa, nerqa: Tukuyta Kamachej Jesusníy, almayta jap'ikapuy, nispa.

Hebreos 12:23

Ajinallataj qankuna Diospa kuraj kaj wawankunaj tantakuyninman qayllaykunkichej, pikunaj sutinkuchus janaj pachapi qhelqasqa kashan, chaykunajman. Jinallataj qankuna Diosmanpuni qayllaykunkichej, pichus tukuypa Jueznin, chayman. Cheqanpaj qhawasqa runakunamanpis qayllallankichejtaj, pikunachus mana pantayniyojman tukuchisqaña kanku, chaykunaman.

Hebreos 12:9

Mana chayllachu, wawa kashajtinchej tata mamanchej cheqan ñanman churanawanchejpaj jasut'iwasqanchejrayku, noqanchej paykunata jatun respetowan qhawakoj kanchej. Jina chayqa, manachu astawanraj janaj pacha Tatanchejman k'umuykusunman wiñaypaj kawsananchejpaj?