Eclesiastés 11:9 - DIOSPA QHELQACHISQ

⁹ Waynapis, sipaspis kashaspa kusikuy, imachus allin kajwan kusikullaytaj. Sonqoykej munasqanpi, ñawiykej rikusqanpi ima puriy. Chaywanpis yachay tukuy chaykunamanta Dios cuentata mañasunanta.

Qheshwa Biblia DC

⁹ Wayna, mayta kusikuy tiempoykipi; wayna kashaspa imaschus allin kajwan kusikuy. Sonqoykej munasqampi puriy, imastachus rikusqaykipitaj. Chantaqa yachanayki tiyan, chay tukuymanta Dios cuentata mañasunanta.

DIOSPA QHELQACHISQAN DEUTEROCANONICAL

⁹ Waynapis, sipaspis kashaspa kusikuy, imachus allin kajwan kusikullaytaj. Sonqoykej munasqanpi, ñawiykej rikusqanpi ima puriy. Chaywanpis yachay tukuy chaykunamanta Dios cuentata mañasunanta.

Eclesiastés 11:9 ပူးပေါင်းရင်းမြစ်များ

Génesis 3:6

Chantá warmeqa chay sach'aj poqoynin mikhunapaj sumaj kasqanta qhawarqa, jinaqa maytapuni mikhuyta munarerqa. Qhawallarqataj yachayniyoj kanapaj jina sumajllataj kasqanta. Jinaqa pay ujnin poqoyta p'itispa, mikhuykorqa. Qosanmanpis jaywarqa, paypis mikhullarqataj.

Génesis 6:2

Diospa churinkunarí runakunaj ususinkuna k'achita kasqankuta rikuspa, casaranankupaj munasqankuman jina ajllakorqanku.

1 Reyes 18:12

Noqa rejtiykamataj, Tata Diospa Espíritun mana yachasqay cheqaman pusasonqa. Noqa Ajabman willamojtiytaj, qanta mana taripasuspa, payqa wañuchiwanqa ari. Noqaqa juch'uymantapacha Tata Diosta kasuspa purikuni.

1 Reyes 18:27

Chantá chawpi p'unchayta Eliasqa paykunamanta alqorakuspa jina nerqa: Aswan jatunmanta qhapariychej ari, imaraykuchus payqa dioschari. Ichá imata ruwashan, jisp'arikojchus rin, chayri ñan puriypichus kashan. Ichapis puñushan. Rijch'arichiychej ari, nispa.

1 Reyes 22:15

Micaías kuraj kamachejman jamojtintaj, Ajab taporqa: Micaías, Galaadmanta Ramot llajtaj contranpi maqanakoj risqaykuchu, amachu? nispa. Micaiastaj kutichispa, nerqa: Rillay, maqanakuspa chay llajtata jap'inki, imaraykuchus Tata Diosqa atipanaykipaj yanapasonqa, nispa.

Job 31:7

Sichus cheqan ñanmanta pantaykorqani, sitajchus ñawiypa rikusqanwan apachikorqani, sichus wajpa imanta jap'ikaporqani chayqa,

Salmos 81:12

12 (13) Chayrayku noqa sonqonkoj munasqanman jina ruwajta saqerqani, munasqankuman jinataj kawsarqanku.

Eclesiastés 12:1

Waynapis, sipaspis kashaspa, pichus ruwasoj Diosniykimanta yuyarikuy. Manaraj mana allin p'unchaykuna chayamushajtin, chay watakunapitaj qan niwaj: Kay kawsayqa mana kusikunaypaj jinachu, nispa.

Eclesiastés 12:14

Diosqa tukuy ima ruwasqanchejmanta cuentata mañawasunchej. Jinallataj pakasqa kajmanta, sut'ipi kajmanta, allin kajmanta, mana allin kajmantapis watuwasunchej.

Eclesiastés 2:10

Tukuy ima munasqayta ruwaspa, chay ruwasqaywan sonqoyta kusicherqani. Tukuy llank'asqaypi mayta kusikorqani, chay kusikuytaj llank'asqaymanta t'inkay karqa.

Eclesiastés 3:12

Noqa imachus runapaj astawan allin kasqanta yachani: Payqa kusikunan, kawsanankamataj allin kajta ruwanan.

Eclesiastés 3:17

Chaypacha sonqoypi nerqani: Cheqan runatawan, millayta ruwaj runatawanqa Dioslla juzganqa, imaraykuchus tukuy ima ruwanapajpis tiempo kanqa, nispa.

Eclesiastés 6:9

Imachus runaj makinpiña kashan, chayqa aswan allin, imatachus munapayaspalla mana tariyta atinchu, chaymanta nisqaqa. Chaypis qhasi manakajlla, wayra jap'iyta munay jinalla kasqanta repararqani.

Eclesiastés 7:14

Allin risojtenqa, kusikuy. Mana allin risojtinrí, sumajta unanchakuy, imajtinchus allinpi kayta, mana allinpi kaytapis Diospuni qon. Chayrayku runaqa imachus qhepaman jamunanta mana yachayta atinchu.

Jeremías 23:17

Noqaj willasqayta pisipaj qhawajkunaman nillankupuni: Tukuy ima allillan risonqachej, nispa. Chantá pikunachus rumi sonqoyoj kaspa, millay yuyasqanman jinalla ruwanku, chaykunatapis ninku: Mana ima mana allin kajpis jamusonqachejchu, nispa.

Jeremías 7:24

Chaywanpis paykuna mana kasuwarqankuchu, nitaj uyariwarqankuchu. Manachayqa rumi sonqo kayninkuwan apachikorqanku, jinallataj sonqonkoj millay ruwayta munasqanwan ima. Noqaman kutirikamunawankutaqa wasanchawarqanku.

Lamentaciones 3:27

Runapaj allinpuni wayna kasqanmantapacha kasukoj sonqo kananqa.

Números 15:30

Sichus mayqellanpis, israelitapis kachun, chayrí waj llajtayojpis kachun, yachashaspa juchallinman chayqa, noqata manakajpaj qhawawan. Chayrayku chay runaqa israelitakuna ukhumanta wijch'usqa kanqa.

Números 15:39

Chay waych'akunata qhawaspa, noqaj tukuy kamachisqayta kasunaykichejmanta yuyarikunkichej. Ajinata kamachisqayta junt'aspa, mana sonqoykichejpa munasqanwan, nitaj ñawiykichejpa rikusqanwan apachikunkichejchu, mana kasuwaspa purinaman aysachikunaykichejpaj.

Números 22:32

Tata Diospa angelnintaj Balaamta nerqa: Ima nispataj burroykita kinsa kutita maqarqankiri? Noqa jark'asoj jamuni, imajtinchus Moabman rishasqayki mana allinchu rijch'awan.

San Mateo 5:28

Noqatajrí niykichej: Sichus pipis uj warmita qhawaspa paywan puñuykunanpaj munapayan chayqa, ñapis paywan sonqonpi khuchichakunña, nispa.

San Lucas 12:19

Chantá sonqoypi nisaj: Kunanqa kapuwasqan ashkhaña, sumaj jallch'asqataj unaypaj. Chayrayku kunanqa chhika patapi kawsakuspa mikhusaj, ujyasaj, kusikusajtaj, nispa.

Hechos 14:16

Ñawpajtaqa Dios saqellarqa tukuy runakuna munayninkuta ruwajta.

Hechos 24:25

Chaypacha Pabloqa cheqan kajta ruwanamanta, sonqoj munayninwan mana atipachikoj kanamanta, jamoj juicio p'unchaymanta ima parlarqa. Felixtajrí chayta uyarispa, mancharikorqa. Chayrayku Pablota nerqa: Kunanqa amaña chaymanta astawan parlawayñachu. Noqa waj p'unchaypi ujtawan wajyasqayki, nispa.

Romanos 14:10

Qanrí, imaraykutaj wawqeykita juchachankiri? Chayrí, imaraykutaj wawqeykita pisipaj qhawankiri? Kayta ama qonqaychejchu: Tukuyninchej Diospa ñawpaqenpi rikhurinanchej kanqa pay juzganawanchejpaj.

1 Corintios 4:5

Chayrayku amaraj imatapis juzgaychejchu manaraj Jesucristo kutimushajtin. Pay kutimuspa, laqhapi pakasqa kajta sut'inchanqa, rikuchenqataj imatachus sapa uj sonqonchejpi yuyasqanchejta. Chaymantataj sapa ujta ruwasqanman jina Dios jatunchanqa.

2 Corintios 5:10

Chayqa ajina, imaraykuchus tukuyninchej Cristoj ñawpaqenpi juzganawanchejpaj rikhurinanchejpuni tiyan. Ajinamanta sapa uj jap'isunchej, kawsashaspa imachus allin kajta, chayrí mana allin kajtapis ruwasqanchejman jina.

Deuteronomio 29:19

19 (18) Ichá pipis tiluspa kay trato ruwasqapi imatachus nisqanta uyarishaspa, sonqonpi ninman: Mana kasukuspa sonqoypa munasqanta ruwasaj chaypis, allillanpuni riwanqa, nispa chayqa, chay runarayku tukuyniykichejta mana allinchu risonqachej.

Hebreos 9:27

Nisqa kashan runaqa uj kutillata wañunan, chaymantataj Diospa ñawpaqenpi juzgasqa kanqa.

Josué 7:21

Jericopi chay tukuy ima qhechusqayku ukhupi, Babiloniamanta manchay sumaj mantata rikorqani, 200 qolqeta, khuskan kilo kuraj jina qoritawan ima. Chaykunata anchatapuni moq'erisqayrayku oqharerqani. Chantá toldoy uraman p'ampaykorqani, qolqetataj aswan ukhuman churaykorqani, nispa.

2 Pedro 3:7

Kunan kashaj janajpis, kay pachapisrí Diospa nisqannejta ninapi q'olachisqa kanankupaj waqaychasqa kashanku Diospa juzganan p'unchaykama. Chaypachallataj Diosqa paywan churanakojkunata juzgaspa, chinkarparichenqa.