Eclesiastés 1:16 - DIOSPA QHELQACHISQ

¹⁶ Chantá noqa sonqoypi nerqani: Noqa manchay uyarisqa runaman tukorqani. Jerusalenpi noqamanta ñawpajta tukuy kamachejkunamanta nisqaqa, noqa astawan yachayniyoj kani, nispa.

Qheshwa Biblia DC

¹⁶ Noqataj sonqoypi nerqani: Noqaqa may jina kasqayta yuyakuni, Jerusalempi noqamanta ñaupajta tukuy kajkunamanta nisqaqa aswan yachayniyoj kani; Noqaqa sonqoypi aswan yachayniyoj, yuyayniyojtaj kani.

DIOSPA QHELQACHISQAN DEUTEROCANONICAL

¹⁶ Chantá noqa sonqoypi nerqani: Noqa manchay uyarisqa runaman tukorqani. Jerusalenpi noqamanta ñawpajta tukuy kamachejkunamanta nisqaqa, noqa astawan yachayniyoj kani, nispa.

Eclesiastés 1:16 ပူးပေါင်းရင်းမြစ်များ

1 Reyes 10:7

Manataj noqaqa creerqanichu, noqa kikiy jamuspa ñawiywan rikunaykama. Chaywanpis mana khuskallantapis niwasqankuchu. Yachayniykeqa, kapuyniykipis uyarisqaymanta aswanraj kasqa.

1 Reyes 4:30

30 (5.10) Salomonpa yachaynenqa inti llojsimuynejpi yachaysapa runakunamanta, jinataj Egiptopi yachaysapa runakunamantapis aswanpuni karqa.

1 Reyes 5:9

9 (23) Noqaj kamachiykunaqa Libanomantapacha mama qocha kantukama chay k'utusqa kurkuta apamonqanku, chaymantataj qochanejta balsapi jina apachimusqayki, maymanchá qan nimuwanki, chaykama. Chaypitaj phaskaraspa, qanqa apakapunki. Chantá nisqayman jina mikhunata aylluypaj apachimuwanki, nispa.

2 Reyes 5:20

Eliseoj kamachin Guejazí sonqonpi nerqa: Wiraqocheyqa chay sirio runa Namán apamusqanmanta mana imatapis jap'ikuyta munaspa kachapullan. Tata Diospa sutinrayku tiluni: Usqhayta rispa, taripamusaj. Ichapis imallatapis qowanman, nispa.

2 Crónicas 2:12

12 (11) Nillarqataj: Yupaychasqa kachun Israelpa Tata Diosnenqa. Paymin kay pachata, janaj pachatapis ruwarqa. Kuraj kamachej Davidman uj churita qorqa sumaj yachayniyoj, allin yuyayniyojtaj, Tata Diospaj uj Templota ruwachinanpaj, jinataj kamachinan wasita ruwachikunanpaj.

Salmos 4:4

4 (5) Phiñakusqaykichejwan apachikuspa, ama juchallikuychejchu. Puñunaykichejpi sirikushaspa, sonqoykichejta qhawarikuychej.

Salmos 77:6

6 (7) Sapa ch'isi takisqayta yuyarikuni, sonqoypitaj unanchaspa tapukuni:

Eclesiastés 2:1

Chantá sonqoypi nerqani: Imaynachus kusikuy kasqanta yachanaypaj kunan munasqayta ruwasaj, chantapis mayta kusikusaj, nispa. Chaypis qhasi manakajlla karqa.

Eclesiastés 2:15

Chaymanta sonqoypi nerqani: Imachus wampu runata qhatirin, chayllataj noqatapis qhatiriwanqa. Jina kajtenqa, ima allintaj yachayniyoj kasqayri? Chaypis qhasi manakajllataj kasqa, nispa.

Eclesiastés 2:9

Ajinamanta noqaqa manchay uyarisqa runa karqani, Jerusalenpi noqamanta ñawpajta kamachejkunamanta nisqaqa. Chaywanpis yachayniyojllapuni karqani.

Eclesiastés 3:17

Chaypacha sonqoypi nerqani: Cheqan runatawan, millayta ruwaj runatawanqa Dioslla juzganqa, imaraykuchus tukuy ima ruwanapajpis tiempo kanqa, nispa.

Jeremías 22:14

Qan ninki: Uj jatun wasita ruwachikusaj, alto patapi jatuchaj cuartoyojta, nispa. Jinallataj jatuchaj ventanayojta ruwachinki. Perqantapis cedrowan k'askaykuchispa, pukata pintaykuchinki.

Daniel (hebreo) 4:30

30 (27) nerqa: Qhawariychej, imayna jatunchus Babilonia llajta kasqanta. Noqamin chayta jatun atiyniywan sayaricherqani suyuypa jatun llajtan kananpaj, ajinamanta atiyniyoj kasqayta tukuy yachanankupaj, nispa.

Hebreos 5:14

Mikhunarí wiñay tukusqa runakunapaj, pikunachus imachus allin, imatajchus mana allinchu kasqanta sapa kuti reparaspa yachankuña, chaykunapaj.