Deuteronomio 7:7 - DIOSPA QHELQACHISQ

⁷ Tata Diosqa qankunata munakususqanrayku ajllakusorqachej, mana waj llajtayojkunamanta nisqa aswan ashkha kasqaykichejraykuchu. Qankunaqa paykunamanta nisqa mana kasu ruwana karqankichej.

Qheshwa Biblia DC

⁷ Señorqa qankunata munakusunkichej, ajllakusunkichejtaj, mana qankuna waj nacionmanta aswan jatun nación kasqaykichejraykuchu. Qankunaqa aswan juch'uy nación kankichej tukuy nacionesmanta nisqaqa.

DIOSPA QHELQACHISQAN DEUTEROCANONICAL

⁷ Tata Diosqa qankunata munakususqanrayku ajllakusorqachej, mana waj llajtayojkunamanta nisqa aswan ashkha kasqaykichejraykuchu. Qankunaqa paykunamanta nisqa mana kasu ruwana karqankichej.

Deuteronomio 7:7 ပူးပေါင်းရင်းမြစ်များ

1 Crónicas 16:19

Chaypacha paykuna pisilla karqanku, waj llajtayoj jina kay pachapi.

Salmos 105:12

Paykuna pisilla karqanku, Canaanpi waj llajtayoj jina purispa.

Salmos 105:6

Abrahampa miraynin, Tata Diosmanta yuyarikuychej, jinallataj Jacobpa miraynin, pikunatachus Dios ajllakorqa, chaykuna.

Salmos 115:1

Tata Diosniyku, qanlla jatunchasqa kanapaj jina kanki, mana noqaykuchu. Khuyakuyniykirayku, nisqaykita junt'aj kasqaykiraykutaj qanmin jatunchasqa kay.

Salmos 44:3

3 (4) Tataykukunaqa manamin kallpankuwanchu jallp'ata jap'ikaporqanku, nitaj espadankuwanchu chaypi tiyakojkunata atiparqanku. Manachayqa atiyniyki, kallpayki, paykunawan kasqaykej k'anchaynin ima paykunata atipayta yanaparqa, qan paykunata munakusqaykirayku.

Isaías 51:2

Unanchariychej ñawpa tataykichej Abrahammanta, ñawpa mamaykichej Saramantawan, pichus qankunata paqarisorqachej, paymanta. Manaraj wawayoj kashajtinku, paykunata wajyarqani, samincharqani, miracherqanitaj.

Isaías 63:9

Israelitakuna llakisqa kashajtinku, Tata Diospis llakisqallataj karqa. Mana pi angeltapis kachamorqachu paykunata kacharichinanpaj. Manachayqa paymin munakuyninwan, khuyakuyninwantaj pagota pagaspa, paykunata kacharicherqa. Paykunata marq'arikuspa, apaykacharqa, imaynatachus unaymantapacha ruwarqa, ajinata.

Ezequiel 20:5

Jinaspa, paykunata niy: Tukuyta Kamachej Tata Dios kay jinata nin: Maypachachus Israelta ajllakorqani, Egiptopitaj Jacobpa ayllunman rejsichikorqani chaypacha, noqaqa tiluspa paykunata nerqani: Noqamin Tata Diosniykichej kani, nispa.

Ezequiel 36:22

Chayrayku Israel aylluman niy: Tukuyta Kamachej Tata Dios kay jinata nisunkichej: Imatachus ruwasaj, chayta mana qankuna Israel aylluraykuchu ruwasaj, manachayqa llimphu sutiyrayku ruwasaj. Ajina kanqa, imaraykuchus may suyumanchus chayarqankichej, chaypi sutiyta p'enqaypi rikhuricherqankichej.

San Mateo 7:14

Chaywanpis wiñay kawsayman pusaj ñanqa k'ullkumin, chayman yaykuna punkupis k'ullkullataj. Chayta tarejkunataj pisilla kanku.

San Lucas 12:32

Qankuna pisi t'aqa oveja jinalla kaspapis, ama manchachikuychejchu, imaraykuchus Tataykichej kamachishaspa, mayta munan paywan khuska kamachinaykichejta.

Romanos 11:6

Paykunaqa Diospa qhasilla k'acha yanapayninrayku ajllasqa karqanku, mana imata ruwasqankuraykuchu. Manachus jina kanman karqa chayqa, Diospa qhasilla k'acha yanapaynenqa manaña qhasillachu kanman.

Romanos 9:18

Ajinamanta yachanchej Diosqa pimantachus khuyakuyta munan, chaymanta khuyakusqanta. Jinallataj pejpa sonqontachá rumiyachiyta munan, chaypa sonqonta rumiyachin.

Romanos 9:21

Chayrí, t'uru mankata ruwajqa manachu atinman chay t'urullamantataj mankata ruwayta jatun p'unchayllapi oqharinapaj, ujtataj sapa p'unchay oqharinapaj?

Deuteronomio 1:10

Tata Diosniykichejqa kay chhikata mirachisunkichej, chayrayku kunan qankunaqa janajpi ch'aska jina ashkha kankichej.

Deuteronomio 10:22

Maypachachus ñawpa tataykichejkuna Egiptoman chayarqanku chaypacha, qanchis chunkalla karqanku. Kunanrí qankunata Tata Diosniykichejqa janajpi ch'askakunata jina, ashkhata mirachisunkichej.

Deuteronomio 14:2

Qankunaqa Tata Diosniykichejpata kanaykichejpaj t'aqasqa kankichej. Paymin tukuy suyumanta ajllakusorqachej, paypata uj k'ata ayllun kanaykichejpaj.

Deuteronomio 4:37

Payqa ñawpa tataykichejkunata munakusqanrayku, mirayninkuta ajllakorqa. Paymin jatun atiyninwan Egiptomanta orqhomusorqachej.

1 Juan 3:1

Reparaychej may jinatapunichus Tata Dios munakuwasqanchejta, Diospa wawankuna nisqa kananchejpaj. Jinapunitaj Diospa wawankuna kanchej. Diosman mana kutirikojkunarí mana Diospa wawankunapajchu rejsiwanchej, Diosta mana allinta rejsisqankurayku.

1 Juan 4:10

Cheqatapuni munakunaqa ajinamin: Mana noqanchejchu Diosta munakorqanchej, manachayqa Diosmin munakuwarqanchej. Chayrayku pay Churinta kachamorqa wañusqannejta juchanchejta pampachananpaj.