Deuteronomio 7:4 - DIOSPA QHELQACHISQ

⁴ Ajinatachus ruwawaychej chayqa, paykuna wajkunaj diosninkuta yupaychanankupaj churiykichejta, ususiykichejta ima Tata Diosmanta karunchachinkuman. Jina kanman chayqa, Tata Dios qankunaj contraykichejpi anchatataj phiñakuspa, manaraj imapi chinkachisunkichejman.

Qheshwa Biblia DC

⁴ Paykunaqa wawasniykichejta Señorta qhatikunankumanta t'aqachinkuman waj dioskunata yupaychachispa. Chayta ruwankichej chayqa, Señorpa sinch'i phiñakuynenqa jamusonqanchej, ujllapi chinkachinasuykichejpaj.

DIOSPA QHELQACHISQAN DEUTEROCANONICAL

⁴ Ajinatachus ruwawaychej chayqa, paykuna wajkunaj diosninkuta yupaychanankupaj churiykichejta, ususiykichejta ima Tata Diosmanta karunchachinkuman. Jina kanman chayqa, Tata Dios qankunaj contraykichejpi anchatataj phiñakuspa, manaraj imapi chinkachisunkichejman.

Deuteronomio 7:4 ပူးပေါင်းရင်းမြစ်များ

1 Reyes 16:31

Payqa Nabatpa churin Jeroboanpa jucha ruwasqanmantapis astawanraj juchallerqa. Casarakorqataj sidoniokunaj kuraj kamachejninku Etbaalpa ususin Jezabelwan. Chantá manaraj imapi Baal lantita yupaycharqa.

Éxodo 20:5

Amallataj chaykunaman qonqorikunkichu, nillataj yupaychankichu, imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima.

Éxodo 34:16

Ichapis churiykichejkunata ususinkukunawan casarachiwajchej. Jinataj ususinkukuna millayta ruwaspa, diosninkuta yupaychanaman rispa, churiykichejtapis juchallichillankumantaj.

Deuteronomio 20:18

Sichus mana paykunata chinkachiwajchejchu chayqa, paykuna millayta ruwaspa, diosninkuta yupaychayta yachaykuchisonqachej. Chayta ruwaspa, qankunaqa Tata Diosniykichejpa contranta juchalliwajchej.

Deuteronomio 4:26

Chaytachus ruwawajchej chayqa, noqa janaj pacha, kay pacha uyarinanta niykichej: Qankunaqa Jordán mayu chimpapi jallp'ata jap'inkichej, chaymanta chinkachisqa kankichej. Chay jallp'api mana unaytachu tiyakunkichej, manachayqa ujkama chinkachisqa kankichej.

Deuteronomio 6:15

imajtinchus Tata Diosniykichejqa qankunawan kashan. Payqa manchay celoso. Qankunaj contraykichejpichus phiñakunman chayqa, chinkarparichisunkichejman.

Josué 22:15

Galaadman chayaspataj, Rubén jatun aylluman, Gad jatun aylluman, chantá Manasespa khuskan jatun aylluman ima nerqanku:

Josué 23:12

Sichus Diosta mana kasuspa, qankuna ukhupi tiyakushankuraj chay llajtayojkunawan chhapukunkichej chayqa, sitajchus paykunawan casarakunkichej chayqa, kayta sut'ita yachaychej:

Jueces 2:11

Chaymantataj israelitakunaqa Tata Diospa mana munasqan millaykunata ruwarqanku. Baalman rijch'akoj tukuy imaymana lantikunata yupaychayta qallarerqanku.

Jueces 2:20

Chayraykumin Tata Diosqa Israelpa contranpi sinch'ita phiñakuspa, nerqa: Kay runakunaqa ñawpa tatankuwan tratota ruwasqayta p'akinku, manataj kasuwayta munankuchu.

Jueces 3:6

Chantá israelitakunaqa ususinkukunata chay waj llajtayoj runakunawan casaracherqanku, churinkukunatataj chay runakunaj ususinkukunawan. Jinallataj chay llajtayojkunaj diosninkukunatapis yupaycharqanku.