Deuteronomio 7:2 - DIOSPA QHELQACHISQ

² Maypachachus Tata Diosniykichej, chay suyukunata atipanaykichejpaj makiykichejman jaywasonqachej chaypacha, paykunata kantumanta wañuchinkichej. Amapuni paykunawan ni ima tratota ruwankichejchu, nitaj khuyarikullankichejpischu.

Qheshwa Biblia DC

² Maypachachus Señor Diosninchej chay nacionesta qankunaman qopusonqachej, atipankichejtaj, chaypacha paykunata chinkachinkichej. Amapuni paykunawan ni ima tratota ruwankichejchu, ni khuyakullankichejpischu.

DIOSPA QHELQACHISQAN DEUTEROCANONICAL

² Maypachachus Tata Diosniykichej, chay suyukunata atipanaykichejpaj makiykichejman jaywasonqachej chaypacha, paykunata kantumanta wañuchinkichej. Amapuni paykunawan ni ima tratota ruwankichejchu, nitaj khuyarikullankichejpischu.

Deuteronomio 7:2 ပူးပေါင်းရင်းမြစ်များ

Génesis 14:20

Patapi Kaj Dios yupaychasqa kachun, pichus awqaykikunata atipachisorqa, chay, nispa. Chantá Abramqa tukuy imatachus qhechusqanmanta, sapa chunkamanta ujta Melquisedecman qorqa.

2 Samuel 21:2

Chantá Davidqa gabaonitakunata wajyaspa, paykunawan parlarqa. Gabaonitakunaqa mana Israel ayllumantachu karqanku, manachayqa amorreokunamanta puchojkuna karqanku. Chaykunawantaj israelitakunaqa tratota ruwasqanku. Saulqa gabaonitakunata Israelmanta, Judamanta ima mayta sientespa, tukuchiyta munarqa.

1 Reyes 20:34

Ben Adadtaj payta nerqa: Tatay ima llajtakunatachus Israelmanta qhechusqa, chaykunata kutichipusqayki, nispa. Jinataj Damascopi qhatuna wasikunata ruwakuy, imaynatachus tataypis Samariapi ruwakorqa, ajinata, nispa. Ajabtaj kuticherqa: Noqataj kacharipusqayki trato ruwasqanchejman jina, nispa. Ajinata Ben Adadwan tratota ruwaytawan, kacharipullarqa.

Esdras 10:3

Kunanqa Diosninchejwan tratota ruwasqayku waj llajtayoj warmikunata, wawankukunatawan kachapunaykuta ajinamanta Diospa kamachisqanta junt'anaykupaj, imaynatachus qan, chantá pikunachus Diospa kamachisqanta kasunku, chaykuna yuyaychawasqaykuman jina.

Salmos 106:34

Chaymanta qhepaman Tata Dios israelitakunata kamacherqa Diosta mana qhatejkunata chinkachinankuta. Paykunatajrí mana chay runakunata chinkacherqankuchu.

Éxodo 22:20

20 (19) Pichus uywa ñak'asqata Tata Diosllaman jaywananta, waj dioskunallaman jaywajqa wañuchisqa kanqa.

Números 21:2

Chaymanta israelitakunaqa tiluspa, Tata Diosta nerqanku: Sichus qan Tata Dios, kay runakunata atipayta yanapawasqayku chayqa, noqayku tukuy llajtankukunata thuñispa, chinkachisqayku, nispa.

Números 31:17

Jinaqa kunanpacha Madianmanta tukuy qhari wawakunata, jinallataj qharita rejsej tukuy warmita wañuchiychej.

Números 33:52

tukuy chaypi tiyakojkunata qharqoychej. Phiriychejtaj rumimanta ruwasqa, chantá metalmanta ruwasqa lantinkunata. Orqo patapi lanti yupaychana cheqakunatapis thuñiychej.

Deuteronomio 13:8

8 (9) Qanrí ama chay nisqanta kasunkichu, nitaj uyarinkipischu. Ama paymanta khuyakunkichu, nitaj llakikunkichu, nillataj payta pakaykunkichu.

Deuteronomio 13:9

9 (10) Manachayqa chay jinata parlaj runata wañuchinki. Qanpuni ñawpajta rumiwan ch'anqaykunki, chaymantataj tukuy ch'anqaykullanqankutaj.

Deuteronomio 19:13

Chay runataqa ama khuyankichejchu. Ajinata ruwaspa, israelitakunamanta mana juchayoj runata wañuchejta chinkachinkichej. Chaypacha tukuy imapi allin risonqachej.

Deuteronomio 2:33

Tata Diosninchejtajrí paykunata makinchejman jaywaykuwarqanchej, Noqanchejtaj payta, churinkunata, chantá tukuy soldadonkunata ima atiparqanchej.

Deuteronomio 2:34

Atipaspaqa, tukuy llajtankunata thuñerqanchej. Chantá qharikunata, warmikunata, wawakunata ima wañuchispa, mana ujtapis kawsashajta saqerqanchejchu.

Deuteronomio 23:14

14 (15) Tata Diosniykichejqa qankunaj chawpiykichejpi purishan, yanapanasuykichejpaj, awqaykichejtapis atipachisunaykichejpaj. Chayrayku jaraykichejqa Diospaj t'aqasqa kasqanrayku, llimphu kanan tiyan. Manachayqa qankuna ukhupi ch'ichita rikuspa, Diosqa qankunamanta karunchakonqa.

Deuteronomio 25:12

ama khuyakuspa chay warmej makinta khuchunkichej.

Deuteronomio 3:3

Ajinata Tata Diosninchejqa Basanta kuraj kamachej Ogtapis, tukuy soldadonkunata ima, tukuyninkuta tukuchinanchejkama yanapawarqanchej.

Deuteronomio 31:5

Tata Dios chay suyukunata makiykichejman jaywaykusojtiykichejqa, qankuna kamachisqayman jina paykunawan ruwanaykichej tiyan.

Deuteronomio 33:27

Israel, wiñaypaj kawsaj Diosqa qanpa pakakunayki, paytaj wiñay atiyniyoj makinwan jap'isunki. Awqaykikunata ñawpaqeykimanta wijch'orqa, wañuchispa tukuchinaykitataj kamachisorqa.

Deuteronomio 7:16

Tata Dios makiykichejman jaywasonqachej, chay suyukunapi tiyakojkunata wañuchispa tukuchinaykichej tiyan. Paykunataqa ama khuyankichejchu, diosninkutapis ama yupaychankichejchu. Mana jinata ruwankichejchu chayqa, qankuna pantaykunaykichejpaj tojlla jina kanman.

Deuteronomio 9:3

Chaywanpis qankuna yachankichej Tata Diosniykichejqa qankunaj ñawpaqeykichejta rinanta. Payqa ruphaj nina jina ñawpaqeykichejpi chay suyukunapi tiyakojkunata k'umuykuchispa, chinkachenqa. Qankunaqa Tata Dios kamachisusqaykichejman jina, paykunata wijch'unkichej, chantá uj ñawi ch'irmiyllapi tukuchinkichej.

Josué 10:28

Chay kikin p'unchayllataj Josueqa Maceda llajtata jap'ispa, chay llajtayojkunata, chantá kuraj kamachejnintapis espadawan wañuracherqa. Ajinata mana uj puchuyojta wañurachispa, ch'inpachata chay llajtata saqerparerqa. Maceda llajtaj kuraj kamachejninta ruwarqa, imaynatachus Jericó llajtaj kuraj kamachejninta ruwarqa, kikillantataj.

Josué 10:30

Tata Diosqa chay llajtatapis, kuraj kamachejnintawan khuska israelitakunawan atipaykuchillarqataj. Chantá paykunaqa chay llajtapi tukuy tiyakojkunata ni ujta saqespa wañuracherqanku. Libna llajtaj kuraj kamachejnintapis, imaynatachus Jericó llajtaj kuraj kamachejninta ruwarqa, kikillantataj ruwarqa.

Josué 10:32

Q'ayantintaj Tata Diosqa Laquis llajtayojkunata israelitakunawan atipaykucherqa. Paykunaqa chay llajtapi tukuy tiyakojkunata wañuracherqanku, imaynatachus Libna llajtapi ruwarqanku, kikinta.

Josué 10:40

Ajinata Josueqa chay tukuynin llajtata jap'erqa, orqo kinraykunapi tiyakoj kuraj kamachejkunata wañurachispa. Néguev orqokunapi, wichay pampakunapi, wichaynejpi tiyakojkunata ima tukuynintapuni wañuracherqa, Israelpa Tata Diosnin kamachisqanman jina.

Josué 10:42

Ajinata Josueqa ujllapi jallp'ankuta jap'ikaporqa, imaraykuchus Israelpa Tata Diosnin israelitakunaman kutikuspa, paykunarayku maqanakorqa.

Josué 11:8

Tata Diostaj paykunata israelitakunawan atipaykucherqa, israelitakunataj paykunata wañuracherqanku. Wakinkunata Sidón jatun llajtakama qhatiykorqanku, chaymantataj Misrefot Mayinkama, inti llojsimuynejpi Mispá pampakama ima tukuyninkuta tukuchinankukama wañucherqanku.

Josué 2:14

Chantá chay wateqajkuna kuticherqanku: Sichus kay nisqaykuta mana junt'aykumanchu chayqa, Dios wañuchiwachuyku. Qanrí kaypi kasqaykumanta amapuni pimanpis willankichu. Maypachachus Tata Dios kay jallp'ata qowasqayku chaypacha, noqayku nisqaykuta junt'aspa qanmanta khuyakusqayku, nispa.

Josué 21:44

Tata Dios nisqanta junt'arqa, tukuy suyupitaj allin kawsaypi tiyakorqanku. Awqankukunapis manaña ujtawan paykunaman sayaykuyta aterqankuñachu, imaraykuchus Tata Diosqa awqankukunata atipaykuyta yanaparqa.

Josué 8:24

Israelitakunaqa Haimanta soldadokunata qhatiykuspa, tukuyninkuta espadawan wañuracherqanku. Chaymantataj Hai llajtaman kutiykuspa, puchojkunatapis wañurachillarqankutaj.

Josué 9:24

Paykunataj Josueman kuticherqanku: Noqayku chayta ruwarqayku qankuna wañuchinawaykuta manchachikuspa, imaraykuchus yachayku Tata Diosniykichej kamachin Moisesman kamachisqanta, kay cheqanejpi tiyakojkunata wañurachispa, qankunaman kay jallp'ata qosunaykichejta.

Josué 9:7

Israelitakunatajrí heveokunaman kuticherqanku: Ichapis qankunaqa kay qayllallamanta kankichej. Imaynatataj qankunawan uj tratota ruwaykumanri? nispa.

Jueces 1:24

Chay wateqajkunataj llajtamanta uj runata llojsimushajta rikuspa, payta jap'erqanku, nerqankutaj: Sichus qan rikuchiwasqayku maynintachus llajtaman yaykunata chayqa, qanta khuyasqayku, nispa.

Jueces 1:4

Ajinamanta Judá jatun ayllumanta kajkunaqa maqanakoj yaykorqanku cananeokunaj jallp'ankuman, jinataj ferezeokunajmanpis. Tata Diostaj Judá jatun aylluta yanaparqa maqanakupi atipanankupaj. Paykuna Bezec cheqapeqa cananeokunata chantá ferezeokunatawan 10.000 runakunata atiparqanku. Chaypi kuraj kamachej Adonibesectapis atipallarqankutaj.

Jueces 2:2

Qankunataj amapuni chay llajtayojkunawan ima tratotapis ruwankichejchu, manachayqa lantinkoj altarninkukunata phirirankichej, nispa. Qankunarí mana kasuwarqankichejchu. Imaraykutaj jinata ruwarqankichejri?