Deuteronomio 5:2 - DIOSPA QHELQACHISQ

² Tata Diosninchejqa noqanchejwan uj tratota Horeb orqopi ruwarqa.

Qheshwa Biblia DC

² Señor Diosninchej noqanchejwan Horeb orqopi uj tratota ruwarqa.

DIOSPA QHELQACHISQAN DEUTEROCANONICAL

² Tata Diosninchejqa noqanchejwan uj tratota Horeb orqopi ruwarqa.

Deuteronomio 5:2 ပူးပေါင်းရင်းမြစ်များ

2 Reyes 17:35

Paykunawan Tata Dios tratota ruwaspa, kamachisqa: Ama waj dioskunata yupaychankichejchu, nitaj jatunchankichejchu, nillataj uywa ñak'asqata q'olachispa jaywankichejchu.

Éxodo 19:1

Israelitakuna Egiptomanta llojsimusqankumanta kinsa kaj killa qallariypi Sinaí ch'innejman chayarqanku.

Éxodo 24:8

Chantá Moisés yawarta jap'iytawan, runakunata ch'ajchuspa, nerqa: Kay yawarwanmin Tata Diosqa qankunawan trato ruwasqanta sut'inchan, tukuy kay nisqaman jina, nispa.

Éxodo 34:10

Chantá Tata Dios kuticherqa: Noqa tukuy israelitakunaj rikunankuta uj tratota qanwan ruwasaj. Rikushajtiykichej, t'ukunata ruwasaj, chay jinaqa kay pachamanta ni uj suyupi, nitaj jayk'ajpis karqachu. Maypichus kashankichej chaypi, tukuy runakuna Tata Diospa ruwasqanta rikonqanku. Qankunawan imatachus ruwasqayqa manchay t'ukuna kanqa.

Jeremías 11:4

Kay tratota ñawpa tatankukunawan ruwarqani, maypachachus Egiptomanta paykunata orqhomorqani, chaypacha. Egipto suyoqa fierro unuyachina horno jina karqa. Chaypachataj noqa nerqani: Kasuwaychej, ruwaychejtaj tukuy kamachisqayta, chantá qankuna aylluy kankichej, noqataj Diosniykichej kasaj, nispa.

Jeremías 31:32

Chay mosoj tratoqa mana ñawpa tatankuwan ruwarqani jinachu kanqa. Chay tratota paykunawan ruwarqani, maypachachus Egiptomanta paykunata orqhomorqani makinkumanta jap'ispa, chaypacha. Chaywanpis noqa qosanku jina kashajtiypis, paykunaqa trato ruwasqayta mana junt'arqankuchu. Noqa Tata Diosmin chayta nini.

Jeremías 34:13

Noqa Tata Dios, Israelpa Diosnin ñawpa tataykichejkunawan uj tratota ruwarqani, maypachachus Egiptopi wata runa kashajtinku paykunata orqhomorqani, chaypacha.

Malaquías 4:4

4 (3.22) Horeb orqopi kamachiy Moisesman kamachisqaykunata yachachisqaymanta yuyarikuychej. Chay kamachisqakuna tukuy israelitakunapaj karqa.

Deuteronomio 1:6

Horebpi kashajtinchej, Tata Diosqa kayta niwarqanchej: Qankunaqa kay orqopi unaytaña kashankichej.

Deuteronomio 29:1

1 (28.69) Tata Diosqa Horeb orqopi israelitakunawan tratota ruwasqanmanta qhepata, Moisesta kamacherqa Moab suyupi israelitakunawan ujtawan uj tratota ruwananta.

Deuteronomio 4:13

Chantá Tata Diosqa trato ruwasqanta rejsichisorqachej, kamachisorqachejtaj chayman jina ruwanaykichejta. Chay tratoqa chunka kamachisqakuna karqa, chay kamachisqatataj iskay p'alta rumipi qhelqarqa.

Deuteronomio 4:23

Allinta qhawakuychej, Tata Diosniykichej qankunawan tratota ruwasqanta ama qonqanaykichejpaj. Ama ni imaman rijch'akoj lantita ruwakunkichejchu. Tata Diosniykichejqa lantikunata ruwakunaykichejta mana munanchu.

Deuteronomio 5:1

Moisés tukuy israelitakunata tantaspa, nerqa: Israelitakuna, kamachisqakunata, yachachiykunata ima kunan willashaykichej, chaykunata uyariychej. Sumajta yachaqaychej, chaykunaman jinataj ruwaychej.