Deuteronomio 4:9 - DIOSPA QHELQACHISQ

⁹ Chayrayku qankunaqa imatachus rikusqaykichejta, ama ni jayk'aj qonqanaykichejmanta allinta qhawakuychej. Aswanpis wawaykichejkunaman, allchhiykichejkunaman ima chay kamachisqakunata yachachiychej.

Qheshwa Biblia DC

⁹ Ajina ari, qankunaqa allinta qhawakuychej, ama qonqapuychejchu imatachus rikusqaykichejta. Amataj jayk'ajpis chayqa tukuy kausayniykichejpi umaykichejmanta karunchakuchunchu. Aswampis wawasniykichejman allchhisniykichejman ima chayta willaychej.

DIOSPA QHELQACHISQAN DEUTEROCANONICAL

⁹ Chayrayku qankunaqa imatachus rikusqaykichejta, ama ni jayk'aj qonqanaykichejmanta allinta qhawakuychej. Aswanpis wawaykichejkunaman, allchhiykichejkunaman ima chay kamachisqakunata yachachiychej.

Deuteronomio 4:9 ပူးပေါင်းရင်းမြစ်များ

Génesis 18:19

Noqa payta ajllakullarqanitaj wawankunata, miraynintapis kamachinanpaj, ajinamanta noqata kasuwaspa chantá cheqan kajta, allin kajtataj ruwaspa purinankupaj. Sichus Abraham nisqayta ruwanqa chayqa, noqa payman tukuy nisqayta junt'asaj, nispa. Ajinata Tata Dios Abrahamta nerqa.

Salmos 119:11

Contraykipi ama juchallikunaypaj nisqaykita sonqoypi jap'ikuni.

Salmos 71:18

Allin machituña yuraj umaña kashajtiypis, Diosníy, amapuni saqerpariwaychu, imajtinchus may jina atiyniyoj kasqaykimanta kunan kashajkunaman, jinataj qhepanejman kajkunaman willanayraj kashan.

Éxodo 10:2

Noqa Egiptopi imatachus ruwasqayta, paykuna ukhupi t'ukunakunata ruwasqaytapis, wawaykikunaman, allchhiykikunaman ima willanaykipaj ruwarqani. Ajinata ruwasqayrayku, qankuna yachankichej noqamin Tata Dios kasqayta, nispa.

Éxodo 23:13

Tukuy kamachisqayta kasuychej. Ama jayk'ajpis waj dioskunaman k'umuykuychejchu, nitaj sutillankutapis oqharinkichejchu.

Proverbios 1:8

Wawáy, tataykej k'amisusqanta uyariy, amataj pisipaj qhawaychu mamaykej yachachisusqantapis.

Proverbios 23:26

Wawáy, tukuy sonqoykiwan uyariway. Imaynatachus kawsasqayta qhawaspa qhatiy.

Proverbios 3:21

Wawáy, yachayniyoj kaymanta, allinta yuyaychakuspa ruwanamanta ima ama qonqapuychu.

Proverbios 7:1

Wawáy, nisusqayta kasuway, yuyayniykipi kamachisqayta waqaychay.

Isaías 38:19

Kawsajkunalla yupaychasuyta atinku, imaynatachus noqapis kunan yupaychashayki, ajinata. Nisqaykita junt'aj kasqaykimanta tatakunaqa wawankukunaman willanku.

Isaías 42:20

Tukuy imata qhawashaspapis, mana imatapis reparankichu. Uyariyta atishaspapis, mana imatapis uyarinkichu.

Jeremías 17:21

Tata Dios nin: Allinta qhawakuychej: Ama samarina p'unchaypi q'epita q'epiychejchu, nitaj Jerusalenpa punkunnejta apaykuychejchu.

San Lucas 8:18

Chayrayku, allinta uyariwaychej ari: Kapuyniyojmanqa Dios astawanraj qonqa. Mana kapuyniyojmantatajrí kapusqanta yuyasqantapis Dios qhechonqa, nispa.

Efesios 6:4

Qankunarí tata, mama, ama wawaykichejta phiñachiychejchu. Manachayqa paykunata uywaychej cheqan ñanman churaspa, jinataj Tukuyta Kamachej Jesuspa munasqanman jina yachachispa.

Deuteronomio 11:19

Wawaykichejkunamanpis kay nisqayta yachachiychej, ñanpi purishaspa, wasiykichejpi kashaspa, puñunaykichejpaj sirikapushaspa, tutamanta jatarishaspapis.

Deuteronomio 12:1

Kaymin kamachisqakuna, yuyaychaykuna ima kanku. Chaykunata qankunaqa kawsanaykichej p'unchaykama junt'anaykichejpuni tiyan, ñawpa tataykichejkunaj Tata Diosnin qosunkichej chay jallp'api.

Deuteronomio 16:3

Uywa ñak'asqaj aychantaqa mana levadurayoj t'antatawan mikhunkichej. Mana levadurayoj t'antata qanchis p'unchayta mikhunkichej, imaraykuchus chay t'anta niyta munan “ñak'ariy t'anta”. Qankunaqa Egiptomanta usqhay usqhayta llojsimorqankichej, chayrayku kawsanaykichejkama mayk'ajchus Egiptomanta llojsimusqaykichejta yuyarikunkichej.

Deuteronomio 17:19

Chay thallichisqan qhelqaqa paywanpuni kanqa. Kawsanankamataj sapa p'unchay ñawirenqa, Tata Diosninta manchachikuyta yachananpaj, kamachisqakunata kasuspa junt'ananpaj ima.

Deuteronomio 29:29

Pakasqa imakunaqa Tata Diosninchejpata kashan. Diosninchej sut'inchawasqanchejrí noqanchejpata, wawanchejkunajtawan ima wiñaypaj kanku, tukuy chay kamachisqakunata junt'ananchejpaj.

Deuteronomio 31:19

Kunanqa kay takiyta qhelqaspa, takirikunankupaj israelitakunaman yachachiy. Kay takeyqa paykuna yuyarikunankupaj kanqa.

Deuteronomio 32:46

Kay tukuy nisusqaypi allinta unanchaychej, chantá wawaykichejkunata kay kamachisqakunata junt'anankuta kamachiychej.

Deuteronomio 4:10

Sinaí orqopi Diosniykichejpa ñawpaqenpi kashajtiykichej, Tata Dios niwarqa: Nisqayta uyarinankupaj israelitakunata tantay. Chantá kawsanankukama noqata manchachikuwaspa puriyta yachanqanku, jinallataj wawankutapis noqata manchachikuspa kawsayta yachachenqanku, nispa.

Deuteronomio 4:15

Maypachachus Tata Dios Horeb orqopi nina chawpimanta parlamusorqachej chaypacha, imayna rijch'ajchus kasqanta mana rikorqankichejchu. Chayrayku ari, sumajta qhawakuychej.

Deuteronomio 4:23

Allinta qhawakuychej, Tata Diosniykichej qankunawan tratota ruwasqanta ama qonqanaykichejpaj. Ama ni imaman rijch'akoj lantita ruwakunkichejchu. Tata Diosniykichejqa lantikunata ruwakunaykichejta mana munanchu.

Deuteronomio 6:12

Jina kajtin amapuni Tata Diosta qonqapunkichejchu, imaraykuchus paymin Egiptopi wata runa kashasqaykichejmanta orqhomusorqachej.

Deuteronomio 6:2

Qankuna, wawaykichej, allchhiykichej ima kay pachapi kawsanaykichejkama, Tata Diosniykichejta may jatun respetowan qhawakuychej. Sichus tukuy kamachisqanta, yachachisqanta ima kasunkichej chayqa, unayta kawsankichej.

Deuteronomio 6:20

Qhepanejman wawaykichejkuna tapusonqanku: Tata Diosninchej kay kamachisqakunata, yachachiykunata, yuyaychaykunata ima qowasqanchej, imatataj niyta munanri? nispa.

Deuteronomio 6:7

Chantá wawaykikunaman sapa kuti yachachiy. Wasipi kashaspa, ñanta purishaspa, puñukapushaspa, chayrí jatarishaspapis chaykunamanta parlallaypuni.

Deuteronomio 8:11

Tata Diosniykichejta ama qonqakapunaykichejmanta allinta qhawakuychej. Kunan kamachishaykichej, Diospa chay kamachisqankunata, chantá nisqanta ima junt'aychejpuni.

Deuteronomio 8:14

ama wapuykachaspa jatunchakunkichejchu. Nillataj Tata Diosniykichejmanta qonqakapunkichejchu, imaraykuchus payqa Egiptopi wata runa kashajtiykichej, chaymanta orqhomusorqachej.

Hebreos 2:1

Chayrayku allinmin qhespichisqa kanamanta uyarisqanchejta tukuy sonqo kasunanchej, ama chaymanta pantaykunanchejpaj.

Hebreos 2:3

Ajina kajtenqa, sichus noqanchejman kunan Dios qoshawanchej, chay jina ashkha valorniyoj qhespichiyta pisipaj qhawasunman chayqa, imaynatataj jasut'iyninmanta llusp'isunmanri? Chay qhespichiymanta Tukuyta Kamachej Jesús ñawpajta willarqa, payta uyarejkunataj chay willasqan cheqapuni kasqanta willallawarqanchejtaj.

Santiago 2:22

Yachanki jina, Abrahamqa Diosta kasuspa ruwasqannejta yachayta qorqa Diospi tukuy sonqo atinikusqanmanta. Chantá ajinata kasusqanrayku yachayta qollarqataj Diospi atinikusqan cheqapuni kasqanmanta.

Josué 1:18

Pillapis kamachisqaykita mana kasukuyta munajqa, chayrí churanakojqa, wañuchisqa kachun. Qanqa sinch'ita kallpachakuy, waputaj kay, nispa.

Josué 23:11

Chayrayku qankunaqa imaynatachus purisqaykichejta allinta qhawakuychej, jinataj Tata Diosniykichejta munakuychej.

Josué 4:21

Chantá israelitakunata nerqa: Sichus qhepaman wawaykichejkuna tapusonqachej: Kay rumikuna, ima niytataj munanri? nispa chayqa,

Apocalipsis 3:3

Chayrayku Diosmanta imatachus yachakusqaykita yuyarikuy, chantá watej kasuy, noqamantaj kutirikamuy. Manachus rijch'arinki chayqa, suwa jina mana yuyasqayki p'unchayta jamusaj.

Jueces 3:7

Israelitakunaqa Tata Diosta qonqayman churaspa, paymanta karunchakorqanku, yupaycharqankutaj Baalpa lantinkunata, Aseraj lantinkunata ima.

Jueces 8:34

Tata Diosmanta qonqakaporqanku, paymari tukuy awqankukunamanta paykunata kacharichejtinpis.