Deuteronomio 3:4 - DIOSPA QHELQACHISQ

⁴ Chantá tukuy llajtankuta jap'ikaporqanchej, Argob jap'iypi, Basanta kamachej Ogpata kamachiyninpi kaj llajtakunaqa tukuyninpi sojta chunka karqa.

Qheshwa Biblia DC

⁴ Jinamanta tukuy llajtasninkuman yaykorqanchej, chaypacha ni uj llajtata qhepacherqanchejchu. Tukuynimpi karqanku sojta chunka llajtas. Chaykuna karqa tukuynin Argob jallp'aspi, Basanmanta rey Ogpa kamachinan llajtas.

DIOSPA QHELQACHISQAN DEUTEROCANONICAL

⁴ Chantá tukuy llajtankuta jap'ikaporqanchej, Argob jap'iypi, Basanta kamachej Ogpata kamachiyninpi kaj llajtakunaqa tukuyninpi sojta chunka karqa.

Deuteronomio 3:4 ပူးပေါင်းရင်းမြစ်များ

1 Reyes 4:13

Ben Gueberqa Galaadmanta Ramotpi churasqa karqa. Paypa kamachiynillanpitaj karqa Galaadpi Manasespa churin Yairpa llajtankunapis, Basanmanta Argob cheqapis. Chaynejpeqa sojta chunka jatuchaj llajtakuna karqanku, sumaj perqawan muyuykuchisqa, punkunkunapis broncemanta aldabayoj karqanku.

Números 21:35

Ajinata israelitakunaqa kuraj kamachej Ogta, churinkunata, chantá tukuy soldadonkunata ima wañucherqanku. Mana ujtapis kawsashajta saqerqankuchu, suyunkutataj jap'ikaporqanku.

Deuteronomio 3:13

Manasés khuskan jatun ayllumantaj Galaad jap'iymanta khuskanta, tukuy Basán jap'iytawan ima qorqani. Chay jap'eyqa kamachej Ogpata karqa. Chaymanta tukuynin Argob jallp'atawan qollarqanitaj. Chaynejqa refaitakunaj jap'iyninkumanta rejsisqa karqa.

Deuteronomio 3:14

Manasespata churin Yairqa Argob nisqa cheqanejta, Gesurwan, chantá Macawan tinkuykama jap'erqa. Chantá Basán cheqanejta kikin sutillanwantaj suticharqa “Basán Havot Yaír”, nispa. Jinamanta chay cheqanejqa kunankama chay sutillawanpuni rejsisqa kashan.

Deuteronomio 3:3

Ajinata Tata Diosninchejqa Basanta kuraj kamachej Ogtapis, tukuy soldadonkunata ima, tukuyninkuta tukuchinanchejkama yanapawarqanchej.

Deuteronomio 3:5

Tukuy chay llajtakunaqa sumaj perqawan muyurichisqa karqanku, chantá jatuchaj punkuyoj, sumaj wisq'anayoj ima. Mana perqawan muyurichisqachu karqanku chay llajtakunataqa mana yuparqanchejchu.

Deuteronomio 4:47

Israelitakunaqa Sijonpata, chantá Basanta kuraj kamachej Ogpata jallp'antapis jap'ikapullarqankutaj. Amorreokunaj chay iskay kuraj kamachejninkoqa Jordán mayumanta inti llojsimuynejpi tiyakorqanku.

Josué 12:4

Moisés chantá israelitakunaj atipasqanku ujnin kaj kamachejtaj, Basanmanta kuraj kamachej Og karqa. Payqa refaitakunamanta qhepa kaj karqa. Kamachej Ogqa Astarotpi chantá Edrey sutiyoj llajtakunapi kamacherqa.