Deuteronomio 26:16 - DIOSPA QHELQACHISQ

¹⁶ Kunanqa Tata Diosniyki kay kamachisqakunata, yuyaychaykunata ima junt'anaykita kamachisunki. Chaykunataqa tukuy sonqoykiwan, tukuy almaykiwan ima kasuspa ruway.

Qheshwa Biblia DC

¹⁶ Señor Diosniykichej kunan kamachisunkichej, kay leyesta, kay kamachisqasnintataj junt'anaykichejta. Chaykunataqa tukuy sonqoykichejwan, tukuy almaykichejwan ima kasunkichej.

DIOSPA QHELQACHISQAN DEUTEROCANONICAL

¹⁶ Kunanqa Tata Diosniyki kay kamachisqakunata, yuyaychaykunata ima junt'anaykita kamachisunki. Chaykunataqa tukuy sonqoykiwan, tukuy almaykiwan ima kasuspa ruway.

Deuteronomio 26:16 ပူးပေါင်းရင်းမြစ်များ

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

San Juan 14:15

Jesús yachachisqankunata nillarqataj: Munakuwankichejchus chayqa, kamachisqaykunata kasuychej.

Deuteronomio 10:12

Israelitakuna, qankunamanta Tata Diosniykichej imatataj mañakusunkichejri? Tata Diosqa kayllata ruwanaykichejta munan: Payta may jatun respetowan qhawanaykichejta, chantá kamachisqanta kasunaykichejta ima. Munallantaj payllata munakunaykichejta, tukuy sonqoykichejwan tukuy almaykichejwan ima yupaychanaykichejta.

Deuteronomio 11:1

Tata Diosniykichejta munakuychej, paypa nisqantataj tuta p'unchay junt'aychej. Kamachisqankunata, yachachisqankunata ima kasuychej.

Deuteronomio 11:8

Chayrayku, kunan qoykichej, chay tukuy kamachisqakunata kasuychej ari. Ajinata ruwaspa kallpayoj kankichej qosqaykichej chay jallp'ata jap'inaykichejpaj.

Deuteronomio 12:1

Kaymin kamachisqakuna, yuyaychaykuna ima kanku. Chaykunata qankunaqa kawsanaykichej p'unchaykama junt'anaykichejpuni tiyan, ñawpa tataykichejkunaj Tata Diosnin qosunkichej chay jallp'api.

Deuteronomio 12:32

32 (13.1) Kay tukuy kamachisqayta junt'aychejpuni, ama yapaspa, nitaj chaymanta imatapis qhechuspa.

Deuteronomio 26:17

Israelitakuna kunan p'unchay Tata Diosqa Diosniyki kasqanta sut'inchankichej. Jinallataj nisqanta kasuspa purinaykichejta, kamachisqankunata, yuyaychayninkunata, chantá nisqanta ima junt'anaykichejta nillankichejtaj.

Deuteronomio 4:29

Chaywanpis sichus chaypi tiyakushaspa, tukuy sonqoykichejwan, tukuy almaykichejwan ima Tata Diosniykichejta mask'ankichej chayqa, payta tarinkichej.

Deuteronomio 6:1

Kaymin kamachisqakuna, yachachiykuna, yuyaychaykuna ima kanku. Chaykunata Tata Diosniykichej qankunaman yachachinaypaj kamachiwarqa, jap'inkichej chay jallp'api junt'anaykichejpaj.

Deuteronomio 6:17

Tata Diosniykichej qosusqan kamachisqanta, yachachiyninta, yuyaychayninta ima allinta kasunkichej.

Deuteronomio 6:5

Tata Diosniykita tukuy sonqoykiwan, tukuy almaykiwan, tukuy kallpaykiwan ima munakunki.

Deuteronomio 8:2

Qankuna tukuy ch'innejta tawa chunka watata purisqaykichejta yuyarikuychej. Tata Diosniykichej chaynejta pusamusorqachej qankunata k'umuykuchinanpaj, chantá sonqoykichejpi imachus kasqanta yachananpaj.