Deuteronomio 2:7 - DIOSPA QHELQACHISQ

⁷ Qankunataqa Tata Diosniykichej tukuy ima ruwasqaykichejpi yanapasorqachej. Kay tawa chunka wata junt'ata qankunawan karqa, kay chhika karu ch'inkunatataj qhawaspa pusaykachasorqachej, mana imamanta pisichispa.

Qheshwa Biblia DC

⁷ Qankunataqa Señor Diosniykichej bendicisunkichej tukuy ima ruwasqasniykichejpi. Kay tawa chunka watas junt'ata qankunawan karqa Señorqa. Kay chhika karu ch'inkunasta pay pusaykachasorqachej sumajta waqaychaspa, nitaj imatapis pisichisorqachejchu.

DIOSPA QHELQACHISQAN DEUTEROCANONICAL

⁷ Qankunataqa Tata Diosniykichej tukuy ima ruwasqaykichejpi yanapasorqachej. Kay tawa chunka wata junt'ata qankunawan karqa, kay chhika karu ch'inkunatataj qhawaspa pusaykachasorqachej, mana imamanta pisichispa.

Deuteronomio 2:7 ပူးပေါင်းရင်းမြစ်များ

San Lucas 22:35

Chantá Jesús paykunata taporqa: Maypachachus sumaj willayta willaramojta kacharqaykichej mana qolqeyojta, mana wayaqayojta, nitaj waj juk'utayojta chaypacha, imallapis pisisorqachejchu? nispa. Paykunataj kuticherqanku: Mana imapis pisiwarqaykuchu, nispa.

Nehemías 9:21

Tawa chunka wata junt'ata ch'in pampapi mikhuyta qorqanki, manataj jayk'ajpis imallankupis piserqachu. P'achankupis mana thantakorqachu, nitaj chakinkupis punkerqachu.

Deuteronomio 29:5

5 (4) Noqaqa tawa chunka wata junt'ata ch'in pampata pusamorqaykichej. Ch'innejta jamushajtiykichejqa, ni p'achaykichej, nitaj juk'utaykichejpis thantakorqachu.

Salmos 31:7

7 (8) Khuyakuyniykipi maytapuni kusikusaj. Qan llakiyniyta cuentaman churanki, phutisqa kashasqaytataj yacharqanki.

Job 23:10

Chaywanpis sapa thaskisqayta pay yachan. Payqa imaynatachus kasqayta yachariyta munaspa, tukuy imata ñak'arichiwan, chaymantataj ch'uwa qori jina llojsimusaj.

Salmos 90:17

Tukuyta Kamachej Diosniyku, k'acha kayniykita rikuchiwayku. Qan makiykoj ruwasqanta sinch'ita sayachiy, ari, makiykoj ruwasqanta sayachiy.

Génesis 26:12

Chay wata Isaac chay jallp'api tarporqa, sumajtataj poqocherqa, imaraykuchus Tata Dios payta yanaparqa.

Génesis 24:35

Patronniy Abrahamqa manchay qhapaj, Tata Dios may jinata yanapasqanrayku. Tata Dios payman qon ovejakunata, wakakunata, qolqe metalta, qorita, qhari kamachikunata, warmi kamachikunata, camellokunata, chantá burrokunata ima.

Génesis 12:2

Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

Génesis 39:5

Chaymantapacha Tata Dios Joserayku Potifarta samincharqa. Wasinpi tukuy ima kajpi, jinataj chajranpipis Tata Dios yanaparqa.

San Juan 10:27

Noqaqa ovejaykunata rejsini, paykunataj parlasqayta rejsinku, kasuwaspataj, qhepayta jamunku.

Salmos 1:6

Tata Dios cheqan runakunaj puriyninkuta waqaychan. Millayta ruwaspa purejkunaj ruwasqankurí chinkayman paykunata apan.

Génesis 30:27

Labantajrí kuticherqa: Ama ripuychu ari, kakullay. Noqa yachani qanrayku Tata Dios saminchaspa yanapawasqanta.

Números 14:33

Chaykamataj wawaykichejqa tawa chunka watata mana llajtayoj jina kay ch'innejpi purenqanku. Ajinamanta paykuna ñak'arenqanku mana kasuwasqaykichejrayku tukuyniykichej kay ch'innejpi tukukunaykichejkama.

Números 14:34

Qankunaqa Canaán jallp'ata tawa chunka p'unchayta qhawaspa purerqankichej. Ajinallatataj tawa chunka watata, sapa p'unchaymanta uj watata, jasut'isqa kankichej. Ajinata qankunaqa contraypi oqharikuna qhasi manakaj kasqanta yachankichej.

Números 32:13

Chaymanta Tata Dios manchayta phiñakuspa, tawa chunka watata israelitakunata ch'innejpi puricherqa Tata Diosta tukuy mana kasojkuna wañuspa tukukunankukama.

Deuteronomio 1:19

Chantá Tata Dios kamachiwasqanchejman jina Horebmanta puririspa, amorreokunaj orqorara cheqanejman chayarqanchej. Tata Diosninchej kamachiwasqanchejman jina purerqanchej, chay jina manchachikuna jatun ch'innejta Cadés Barneaman chayananchejkama. Chayta qankuna rikorqankichej.

Deuteronomio 1:46

Chayrayku qankunaqa Cadés cheqanejpi unayta karqankichej.

Deuteronomio 2:6

Qankunaqa paykunamanta qolqewan mikhunata rantikunkichej, jinallataj yakuta ujyasqaykichejmantapis pagankichej, nispa.

Deuteronomio 2:14

Cadés Barneamanta llojsimusqanchejmantapacha Zered mayuta chimpananchejkama, kinsa chunka pusajniyoj wata karqa. Chaykama chay ñawpa mit'amanta pikunachus maqanakupaj jina ajllasqa kajkunamanta tukuy wañorqankuña, Tata Dios tiluspa, nisqanman jina.

Josué 5:6

Israelitakunaqa tawa chunka watata ch'innejta purerqanku. Chaypi Egiptomanta llojsimoj tukuy israelitakuna maqanakuman rinapaj jina llojsimojkuna wañupusqankuña. Chay qharikunaqa Tata Diosta mana kasusqankuchu. Chayrayku Tata Dios tiluspa, nisqa tatankuman qonanta nisqan jallp'ata mana rikunankuta. Chay jallp'a manchay sumaj jallp'a kasqanrayku lechewan chantá abeja misk'iwan yaku jina purishaj jallp'a karqa, nispa.

Salmos 107:4

Israelitakunaqa ch'innejpi mana wasiyoj chinkasqa purerqanku. Tiyakunankupaj llajtaman rina ñanta mana tarerqankuchu.

Jeremías 2:2

Rispa, Jerusalén llajtapi tiyakojkunaman willamuy, allinta uyarinankupaj jina sinch'ita qhapariy: Tata Dios kay jinata nin: Imaynatachus qan sipasllaraj kashaspa, noqallata munakuwasqaykita yuyarikuni. Maypachachus warmiypaj aysarikorqayki chaypacha, manchayta munakuwasqaykita yuyarikuni. Ch'in pampanejta, mana jayk'aj tarpusqa jallp'anejta qhepayta jamusqaykita yuyarikullanitaj.

Oseas 13:5

Noqamin sansarishaj ch'innejpi waqaycharqayki.

Amós 2:10

Qankunatarí Egipto suyumanta orqhomorqaykichej, tawa chunka watatataj ch'innejpi pusaykacharqaykichej, amorreokunaj jallp'ankuta jap'inaykichejpaj.

Génesis 39:3

Patronnintaj repararqa Tata Diosqa Josewan kashasqanta, chayraykutaj Joseta tukuy ima ruwasqanpi allin rishasqanta.

Éxodo 16:35

Chaymantapacha israelitakunaqa tawa chunka watata maná nisqa t'antata mikhorqanku. Mikhorqanku runa karqaña chaynejman chayanankukama. Chayqa Canaán suyoj mojonninña karqa.

Números 1:1

Israelitakuna Egiptomanta llojsimusqanku uj wata kurajña kashajtin, iskay kaj killa qallariyta Sinaí ch'innejpi kasharqanku. Chantá Dioswan Tinkukuna Toldopi Moisés kashajtin, Tata Dios kay jinata nerqa:

Números 22:12

Tata Diostajrí Balaamta nerqa: Ama paykunawan riychu, nitaj israelitakunata maldiciychu, imaraykuchus paykunata noqa saminchani, nispa.

Deuteronomio 29:4

4 (3) Chaywanpis kunankama Tata Diosqa entiendej sonqota manaraj qosunkichejchu, nitaj reparanaykichejta munanchu imaraykuchus chaykunata ruwasqanta.