Deuteronomio 2:4 - DIOSPA QHELQACHISQ

⁴ Israelitakunata kay jinata kamachiy: Qankunaqa aylluykichej Esaúj mirayninpa jallp'ankunejta chimpankichej, pikunachus Seirpi tiyakunku, chaykunaj jallp'ankunejta. Paykunaqa qankunata manchachikusunkichej. Chayrayku qankunaqa allinta qhawakuychej.

Qheshwa Biblia DC

⁴ Israelita runasman kamachiy kay jinata: Qankuna aylluykichej Esauj miraynimpa jallp'annejta pasankichej. Paykunaqa tiyakunku Seir jallp'aspi. Paykuna manchachikusunkichej. Chaywampis, qankunaqa allinta qhawakuychej.

DIOSPA QHELQACHISQAN DEUTEROCANONICAL

⁴ Israelitakunata kay jinata kamachiy: Qankunaqa aylluykichej Esaúj mirayninpa jallp'ankunejta chimpankichej, pikunachus Seirpi tiyakunku, chaykunaj jallp'ankunejta. Paykunaqa qankunata manchachikusunkichej. Chayrayku qankunaqa allinta qhawakuychej.

Deuteronomio 2:4 ပူးပေါင်းရင်းမြစ်များ

Génesis 25:23

Tata Diostaj nerqa: Wijsaykipi kaj wawakunaqa iskay suyuta jatarichenqanku. Wijsallaykipiraj iskay ayllu t'aqanasqa kashanku. Ujnin kajqa ujninmanta aswan atiyniyoj kanqa, kuraj kajtaj sullk'anpa kamachin kanqa, nispa.

Génesis 36:8

Chayrayku Esauqa, pichus Edom nisqallataj karqa, pay Seir sutiyoj orqonejman tiyakoj riporqa.

Éxodo 15:15

Edompi kamachejkuna mancharenqanku. Moabpi kamachejkunapis manchachikuspa, kharkatitenqanku. Canaanpi tiyakojkunarí, ch'uchaliman tukonqanku.

Éxodo 15:16

Paykunaj patankuman kharkatitiy, manchachikuy ima urmachun. May jina atiyniykiwan rumi jina titipacha kachunku, Israel aylluyki pasanankama, orqhokapusqayki ayllu chimpanankama.

San Mateo 5:16

Ajinallatataj, k'anchayniykichejqa runakunaj ñawpaqenpi k'anchachun. Ajinamanta paykuna allin ruwasqaykichejta rikuspa, janaj pachapi kashaj Tata Diosniykichejta jatunchanqanku.

San Lucas 12:15

Chantá nillarqataj: Qankunaqa tukuy imata astawan astawan munanamanta sumajta qhawakuychej. Mana yuyanachu qhapaj kayqa allin kawsayman runata apasqanta, nispa.

Efesios 5:15

Chayrayku imaynatachus purishasqaykichejta allinta qhawakuychej. Amaña wampu jinaqa kawsaychejchu, manachayqa yuyayniyojkuna jina.

Deuteronomio 2:3

Unaytaña qankunaqa kay orqollatapuni muyushankichej. Kunanqa wichaynejman riychej.

Deuteronomio 23:7

7 (8) Edomitakunatarí ama chejnikunkichejchu, imaraykuchus paykunaqa aylluykichejraj kanku. Nillataj Egipto llajtayojkunatapis chejninkichejchu, imaraykuchus paykunaj llajtankupi waj llajtayoj jina tiyakorqankichej.

Filipenses 2:15

ama pipis qankunamanta millayta rimanankupaj. Qankunaqa millayta ruwaj runakuna ukhupi Diospa wawankuna jina allinta puriychej, mana imamanta juchachanapaj jina. Ajinata ruwaspa, kay pachapi ch'aska jina lliphipirinkichej.

Colosenses 4:5

Cristota mana qhatejkunawan allinta yuyaychakuspa puriychej. Jinallataj Diosmanta parlanaykichejpaj jina kajtin, paymanta parlaychejpacha.