Deuteronomio 15:6 - DIOSPA QHELQACHISQ

⁶ Arí, Tata Diosniykichejqa nisusqanman jina yanapasonqachej. Jinaqa ashkha suyuman manunaykichejpaj tiyapusonqachej, qankunatajrí mana manukunkichejchu. Jinallataj ashkha suyuta kamachinkichej, qankunatatajrí ni mayqen suyupis kamachisonqachejchu.

Qheshwa Biblia DC

⁶ Arí, Señor Diosniykichej bendicisonqachej nisusqaykichejman jina. Ashkha nacionesman manunkichej; qankunarí mana manukunkichejchu. Ashkha naciones patapi kamachinkichej, qankunatataj ni mayqen naciompis kamachisonqachejchu.

DIOSPA QHELQACHISQAN DEUTEROCANONICAL

⁶ Arí, Tata Diosniykichejqa nisusqanman jina yanapasonqachej. Jinaqa ashkha suyuman manunaykichejpaj tiyapusonqachej, qankunatajrí mana manukunkichejchu. Jinallataj ashkha suyuta kamachinkichej, qankunatatajrí ni mayqen suyupis kamachisonqachejchu.

Deuteronomio 15:6 ပူးပေါင်းရင်းမြစ်များ

1 Reyes 4:21

21 (5.1)Salomontaj tukuynin waj suyukunatapis kamachillarqataj Éufrates mayumantapacha filisteokunaj suyunkukama. Mojonninkunapis Egipto chaykama karqa. Payman impuestota pagarqanku, kuraj kamachej Salomón kawsanankama kamachinpi karqanku.

1 Reyes 4:24

24 (5.4) Ajinata churaj kanku, imaraykuchus Salomonqa chay tukuynin suyuta kamacherqa, Éufrates inti yaykuynejmanta, Tifesajmanta Gaza chaynejkama, chay tukuy suyupitaj allin kawsay karqa.

1 Crónicas 17:27

Kunantaj mirayniyta saminchanaykita ninki, paykunamanta wiñaypaj qhawanaykipaj. Qanmin mirayniyta samincharqanki, wiñaypajtaj saminchasqallapuni kanqa, nispa.

2 Crónicas 9:26

Salomonqa tukuy kuraj kamachejkunata kamacherqa Éufrates mayumantapacha filisteokunaj suyunkukama, Egipto suyoj mojonninkama.

Esdras 4:20

Jerusalenpi ñawpa kuraj kamachejkunaqa atiyniyoj kasqanku, jinataj Éufrates mayoj inti yaykuynej ladopi kaj llajtakunata wakin kuti kamachisqanku, pagachikuspa impuestokunata, ñan pichaypaj qolqeta ima.

Nehemías 9:27

Chayrayku qanqa paykunata awqankoj makinkuman jaywaykorqanki, chay awqankukunataj sinch'ita paykunata ñak'aricherqanku. Chantá may llakiypi rikukuspa, aylluykeqa qan yanapanaykita mañakusorqanku. Qantaj jatun munakuyniykirayku janaj pachamanta uyarimuspa, chay ñak'arichejkunaj makinkunamanta kacharichinankupaj runakunata churarqanki.

Salmos 112:5

Allin sonqoyoj runaqa khuyakuyniyoj kasqanrayku, wajman mañarin. Tukuy imantapis cheqanta ruwaspa purichin.

Salmos 37:21

Millayta ruwaspa purejqa manukuspa, mana kutichipunchu. Cheqanta ruwaspa purejrí khuyarikuspa tiyapusqanmanta tukuy sonqo wajkunaman jaywarin.

Salmos 37:26

Manachayqa cheqanta ruwaj runaqa khuyakuspa, imatapis mañarillanpuni, wawankunataj tukuypaj k'acha kanku.

Proverbios 22:7

Qhapajkunaqa wajchakunata kamachinku, manukojkunataj pichus manurejpa wata runan kanku.

San Lucas 6:35

Qankunarí awqaykichejkunata allinta ruwaspa munakuychej. Manuspapis, ama suyaychu imatapis kutichipusunankuta. Jinamanta t'inkaykichej jatun kanqa, qankunataj Patapi Kaj Diospa wawankuna kankichej. Diosqa paymanta mana yuyarikojkunata, millay sonqoyojkunata ima khuyarin.

Deuteronomio 15:5

Ajina kanqa, sichus qankuna Tata Diosniykichejpa nisqanta uyarinkichej, kunan qoshaykichej, chay kamachisqankunatataj kasunkichej chayqa.

Deuteronomio 28:44

Paykunajta manusunankupaj kanqa, qanpatataj manurinaykipaj ni ima kanqachu. Paykuna ñawpajpi kanqanku, qantaj qhepapi kanki.