Deuteronomio 15:2 - DIOSPA QHELQACHISQ

² Manusqata manaña qochikapuna kay jina kanqa: Pichus runa masinman, chayrí llajta masinman imatapis manurejqa, manurisqanta manaña qochikaponqachu. Manusqanta qopunanta manaña nenqachu, chay wataqa Tata Diospa sutinrayku manu pampachana wata nisqa kasqanrayku.

DIOSPA QHELQACHISQAN DEUTEROCANONICAL

² Manusqata manaña qochikapuna kay jina kanqa: Pichus runa masinman, chayrí llajta masinman imatapis manurejqa, manurisqanta manaña qochikaponqachu. Manusqanta qopunanta manaña nenqachu, chay wataqa Tata Diospa sutinrayku manu pampachana wata nisqa kasqanrayku.

Deuteronomio 15:2 ပူးပေါင်းရင်းမြစ်များ

Nehemías 10:31

Jinallataj sichus mana Diospa ayllunmanta kajkuna granota, chayrí waj poqochisqankuta samarina p'unchaypi, chayrí mayqen jatunpaj qhawasqa p'unchaypipis apamuwaykuman chayqa, mana imatapis rantisqaykuchu. Chantá qanchis kaj watapeqa jallp'ata samarichisqayku. Jinallataj imatachus israelita masiykuman manorqayku, chaytaqa mana mañakapusqaykuchu.

Isaías 58:3

Chantá ninku: Noqaykoqa ayunayku, qantajrí mana kasuta ruwawaykuchu. Sonqoykuta llamp'uyachiyku, qantajrí mana repararqankichu, nispa. Chaywanpis ayunashaspa, munasqallaykichejta ruwankichej. Chay p'unchaypi peonniykichejtapis astawan ch'irwankichej.

San Mateo 6:12

Juchaykutapis pampachapuwayku, imaynatachus pipis mana allinta ruwawajtiyku, noqaykupis juchankuta pampachayku, ajinata.

San Lucas 7:42

Mana imaynamanta kutichipuyta atejtinku, manojqa iskayninkuta khuyaspa, manaña mañakapusqachu. Kunan niway ari: Chay iskayninkumanta mayqentaj chay khuyaj runata astawan munakonqari? nispa.

Deuteronomio 15:1

Sapa qanchis watamanta manusqaykichejta manaña qochikapunkichejchu.

Deuteronomio 15:3

Mana llajta masiykichejchu kanku, chaykunamanta manusqaykichejta mañakapuyta atinkichej. Llajta masiykichejmantarí amaña mañakapunkichejchu.

Deuteronomio 31:10

Chantá kamacherqa: Sapa qanchis watapi, manu qonqapuna chay watapi, Ch'ujlla Ruwana raymipi,

Santiago 2:13

Pichus wajkunata mana khuyarikojqa juicio p'unchaypi Dios paymanta mana khuyarikullanqatajchu. Pichus khuyakuyta yachajtajrí, Dios juicio p'unchaypi paymanta khuyarikullanqataj.