Deuteronomio 13:3 - DIOSPA QHELQACHISQ

³ 3 (4) amapuni payta uyarinkichejchu. Chaynejta Tata Diosniykichej yachariyta munan cheqatapunichus tukuy sonqoykichejwan, tukuy almaykichejwan ima payta munakusqaykichejta.

Qheshwa Biblia DC

³ Chay imas junt'akunman chaypis amapuni chay sut'inchajta, chayri willajtapis uyarinkichejchu. Chaykunataqa Señor Diosniykichej kachamusunkichej yachanampaj cheqamantachus manachus Payta munakushankichej tukuy sonqoykichejwan, tukuy almaykichejwampis, chayta.

DIOSPA QHELQACHISQAN DEUTEROCANONICAL

³ 3 (4) amapuni payta uyarinkichejchu. Chaynejta Tata Diosniykichej yachariyta munan cheqatapunichus tukuy sonqoykichejwan, tukuy almaykichejwan ima payta munakusqaykichejta.

Deuteronomio 13:3 ပူးပေါင်းရင်းမြစ်များ

1 Reyes 13:19

Chantá paywan khuska wasinman kutimuspa, Judá suyumanta Diosmanta sut'inchajqa t'antata mikhorqa, yakutapis ujyarqa.

Salmos 119:2

Jinallataj Tata Diospa kamachisqanta kasuspa purejkunaqa may jina kusisqa kanqanku, tukuy sonqowan nisqanta kasojkuna.

Salmos 66:10

Diosniyku, imaynachus kasqaykuta reparachinawaykupaj qan uj ruwanaman churawarqayku. Qolqe metalta jina ninapi ch'uwachawarqayku.

Salmos 81:7

7 (8) Qan llakiyniykipi wajyakuwarqanki, noqataj qhespicherqayki, qhon qhon phuyu ukhumantataj uyarimorqayki. Chantá Meriba juturi kantupi maykamachus noqapi atinikuwasqaykita, yachayta munarqani, nispa.

Éxodo 20:20

Moisestaj paykunata nerqa: Ama manchachikuychejchu. Diosqa sonqoykichej imaynachus kasqanta yachaj jamun, qankuna payta manchachikuspallapuni kanaykichejpaj, amataj juchallinaykichejpaj, nispa.

Isaías 8:20

Chayrayku Tata Diospa yachachisqanta mask'aychej. Sichus mana Diospa yachachisqanman jina parlanku chayqa, paykuna pantaypi kashanku.

San Mateo 24:24

Ajinamanta llullakuspa: Cristo kani, nispa nejkuna rikhurimonqanku, mana cheqanta sunt'inchajkuna ima. Paykunataj runaj mana jayk'aj rikusqan t'ukunakunata ruwaspa, runakunata pantachenqanku. Atispaqa, Diospa ajllakusqankunatapis pantachinkuman.

Hechos 17:11

Bereapi tiyakojkunatajrí aswan k'acha karqanku Tesalonicapi tiyakojkunamanta nisqaqa, imaraykuchus Diospa Simi Nisqanta tukuy sonqo jap'ikorqanku. Chayrayku sapa p'unchay Diospa Qhelqachisqanta allinta qhawaspa, Pabloj yachachisqan cheqachus manachus kasqanta waturerqanku.

1 Corintios 11:19

Ajinaqa, qankuna ukhupi t'aqaranakuy kananpuni tiyan, yachakunanpaj mayqenkunachus cheqapuni Diospata kasqaykichej.

2 Corintios 8:8

Chayta nispaqa, noqa mana kamachishaykichejchu imatachus ruwanaykichejta. Manachayqa yachanaykichejta munani, imaynatachus ujkuna tukuy sonqo yanapanankupaj qolqeta qoshanku, chaymanta. Ajinamanta qankuna reparakuyta atinkichej imayna munakuywanchus wajkunata yanapanaykichejpaj qoshasqaykichejta.

Efesios 4:14

Ajina kajtin, manaña wawa jinachu kasunchej, waj jinata yachachejkunawan wayrawan jina kayman jaqayman apaykachachikuspa. Mana jasallata apachikusunchejchu, pikunachus q'otiyanankupaj llullakushasqankuta misk'i simiwan sumajta pakanku, chaykunawan.

Deuteronomio 6:5

Tata Diosniykita tukuy sonqoykiwan, tukuy almaykiwan, tukuy kallpaykiwan ima munakunki.

Deuteronomio 8:16

Ch'innejpi maná nisqata mikhuchisorqachej, ñawpa tataykichejkunaj mana rejsisqanku mikhunata. Chaykunata payqa, qankunata k'umuykuchinanpaj, chantá sonqoykichejta yachananpaj ruwarqa, qankunaj allinniykichejpaj.

Deuteronomio 8:2

Qankuna tukuy ch'innejta tawa chunka watata purisqaykichejta yuyarikuychej. Tata Diosniykichej chaynejta pusamusorqachej qankunata k'umuykuchinanpaj, chantá sonqoykichejpi imachus kasqanta yachananpaj.

2 Tesalonicenses 2:11

Chayrayku Dios paykunaman sinch'i pantachej atiyta kachamonqa, paykunatataj llulla kajta jap'ikonqanku.

1 Juan 2:19

Paykunaqa noqaykuwan khuska karqanku. Chaywanpis mana noqaykumantapunichu karqanku. Noqaykumantachus kankuman karqa chayqa, paykunaqa noqaykuwan qhepakunkuman karqa. Jinapis llojsipuspa, mana jayk'ajpis noqaykumantachu kasqankuta yachayta qorqanku.

1 Juan 4:1

Munasqa wawqe panakuna, tukuy pikunachus: Diospa Espiritunpa yuyaychasqan kani, nispa ninku, chaykunaj yachachisqankuta ama jap'ikullaychejchu. Manachayqa Diosmantachus kanku, manachus chayta allinta reparaychej, imaraykuchus ashkha mana cheqanta yachachejkuna tukuynejpi purishanku.

1 Juan 4:4

Munasqa wawaykuna, qankuna Diospata kankichej, chayraykutaj mana cheqantachu yachachejkunata atipankichejña. Diospa Espíritun, pichus qankunapi kajqa aswan atiyniyoj, pichus kay pachapi kashan, chaymanta nisqaqa.

Apocalipsis 13:14

Jinallataj jallp'amanta rikhurimoj sierpeqa ñawpa kaj sierpe atiyta qosqanwan t'ukuna imakunata ruwarqa, chaykunawantaj kay pachapi tukuy runata q'otiyarqa. Chantá jallp'amanta rikhurimoj sierpe kamachillarqataj, chay ñawpaj kaj sierpej lantinta ruwanankuta, mayqenpa ujnin umanchus k'irisqa kashajtin thañiporqa, chaypata.

Jueces 2:22

Ajinamanta Tata Diosqa yachayta munasharqa israelitakunaqa Tata Diosta kasukuspa purinkumanchus manachus, chayta, imaynatachus ñawpa tatankuna purisqanku, ajinata.

1 Samuel 26:19

Wiraqochi kamachejníy, ama jina kaspa, kunan parlarikusqayta uyaririway. Tata Dioschus noqaj contraypi kanaykita nisorqa chayqa, Tata Dios qhespichiwachun, uywata ñak'aspa q'olachisqaytataj jap'ikuwachun. Runallamantachus kanman chayrí, Tata Diosqa paykunata sinch'ita ñak'arichichun. Paykunaqa Tata Diospa jallp'anmanta wijch'uwaspa, waj dioskunata yupaychanaman tanqashawanku.