Deuteronomio 1:2 - DIOSPA QHELQACHISQ

² Horeb orqomanta Cadés Barneakama, Seir orqoman rej ñanninta rispa, chunka ujniyoj p'unchay puririy karqa.

Qheshwa Biblia DC

² Horeb orqomanta, Seir orqo ñanninta rispa, chunka ujniyoj día puriy Cades-barneakama.

DIOSPA QHELQACHISQAN DEUTEROCANONICAL

² Horeb orqomanta Cadés Barneakama, Seir orqoman rej ñanninta rispa, chunka ujniyoj p'unchay puririy karqa.

Deuteronomio 1:2 ပူးပေါင်းရင်းမြစ်များ

Génesis 32:3

3 (4) Chaynejmanta Jacobqa Seirman, Edom chaynejman willajkunata kacharqa, pay kutimpushasqanta wawqen Esauman willanankupaj.

Éxodo 17:6

Noqatajrí Horeb orqopi, chhanka chaynejpi suyasqayki. Qantaj chaypi chhankata varaykiwan wajtanki, yakutaj ujyanankupaj chaymanta llojsimonqa, nispa. Moisestaj israelitakunaj kurajninkukuna qhawashajtinku, chayta ruwarqa.

Éxodo 3:1

Jetroqa Madianpi sacerdote karqa. Moisestaj suegron Jetroj ovejankunata michej karqa. Uj kuti ch'innejpi ovejakunata michishaspa, Moisesqa Diospa orqon Horeb nisqaman chayarqa.

Levítico 2:14

Maypachachus chajraykimanta ñawpaj kaj poqoyta Tata Diosman jaywanki chaypacha, poqosqa trigo umata jank'aspa apamunki, chayrí mosoj poqoymanta kutaspa apamunki. Chaytaj chajraykimanta ñawpaj poqosqanmanta jaywana kanqa.

Levítico 9:23

Chantá Moiseswan, Aaronwan ima Dioswan Tinkukuna Toldoman yaykorqanku. Chaymanta llojsimuspataj, israelitakunata ujtawan samincharqanku. Jinallapi Tata Diospa jatun kayninpa lliphipiynin tukuyninkuman rikhurerqa.

Números 13:26

Parán nisqa ch'innejpi Cadesman kutimporqanku. Chaypi Moisés, Aarón, chantá tukuy israelitakuna ima suyasharqanku. Chantá kachasqakunaqa imatachus rikusqankuta paykunaman willarqanku. Chay jallp'amanta apasqanku poqoytapis rikuchillarqankutaj.

Números 32:8

Tataykichejkunapis kikillantataj ruwarqanku, maypachachus Cadés Barneamanta chay jallp'ata qhawamojta kacharqani, chaypacha.

Deuteronomio 1:19

Chantá Tata Dios kamachiwasqanchejman jina Horebmanta puririspa, amorreokunaj orqorara cheqanejman chayarqanchej. Tata Diosninchej kamachiwasqanchejman jina purerqanchej, chay jina manchachikuna jatun ch'innejta Cadés Barneaman chayananchejkama. Chayta qankuna rikorqankichej.

Deuteronomio 1:44

Chay orqokunapi tiyakoj amorreokunarí qankunawan maqanakoj llojsimuspa, wayronqo jina Jormakama qhatiykusorqachej, Seirpitaj atiypakusorqachej.

Deuteronomio 2:1

Chaymanta kutirispa, Puka Mama Qochaman rej ñannejta ch'innejman rerqanchej, Tata Dios kamachiwasqanman jina. Seir orqota muyuspataj, unayta purerqanchej.

Deuteronomio 2:4

Israelitakunata kay jinata kamachiy: Qankunaqa aylluykichej Esaúj mirayninpa jallp'ankunejta chimpankichej, pikunachus Seirpi tiyakunku, chaykunaj jallp'ankunejta. Paykunaqa qankunata manchachikusunkichej. Chayrayku qankunaqa allinta qhawakuychej.

Deuteronomio 2:8

Ajinamanta ayllu masinchej Esaujpa miraynin Seirpi tiyakojkunaj jallp'ankuman mana yaykorqanchejchu. Elatmanta chantá Ezión Guebermantapacha, Arabaman rej ñanta rerqanchej. Chaymanta kutirispataj, Moab ch'innejman rerqanchej.

Deuteronomio 9:23

Qankuna Cadés Barneapi kashajtiykichej, Tata Diosqa puririnaykichejta kamachisorqachej: Rispa, noqa qoshaykichej chay jallp'ata jap'imuychej, nispa. Qankunatajrí kasuyta mana munarqankichejchu, nitaj paymanta jap'ikorqankichejchu, nillataj payta kasorqankichejchu.

Josué 14:6

Uj kuti Judá jatun ayllumanta kajkuna Josuewan parlaj Gilgalman rerqanku. Chantá Cenazpa mirayninmanta Yefunej churin Caleb Josueta nerqa: Cadés Barneapi qanmanta, noqamantawan Tata Diosqa kamachin Moisesman imatachus nisqanta qan allinta yachanki.