Daniel (hebreo) 9:6 - DIOSPA QHELQACHISQ

⁶ Kamachiyki sut'inchajkunapis kuraj kamachejniykuta, kurajkunata, ñawpa tataykukunata, tukuynin israelitakunata ima sutiykipi k'amillawarqaykutaj. Chaywanpis manallataj paykunata kasorqaykuchu.

Qheshwa Biblia DC

⁶ Kamachisniyki profetastapis manaña kasupuykuchu. Paykunaqa reyniykuman sutiykipi parlarqanku, chanta kurajkunaman, ñaupa tatasniykuman, tukuynin Israel aylluman ima.

DIOSPA QHELQACHISQAN DEUTEROCANONICAL

⁶ Kamachiyki sut'inchajkunapis kuraj kamachejniykuta, kurajkunata, ñawpa tataykukunata, tukuynin israelitakunata ima sutiykipi k'amillawarqaykutaj. Chaywanpis manallataj paykunata kasorqaykuchu.

Daniel (hebreo) 9:6 ပူးပေါင်းရင်းမြစ်များ

2 Reyes 18:12

Israelitakunata chay jina llakiy qhatirerqa, Tata Diosninkoj nisqanta mana kasusqankurayku. Aswanpis paypa trato ruwasqanta p'akisqanku. Imatachus Tata Diospa kamachin Moisés paykunaman kamachisqanta mana uyarikorqankuchu, nitaj ruwarqankuchu.

2 Crónicas 33:10

Tata Diosqa kuraj kamachej Manasesman, tukuy israelitakunaman ima parlapayarqa. Paykunatajrí mana kasorqankuchu.

Esdras 9:7

Unaymantapacha kunankamaqa, may millayta juchallispa kawsayku. Chantá sajra kawsayniykurayku noqayku, jinallataj kuraj kamachejniykupis, sacerdoteykukunapis jaywasqa karqayku waj suyumanta kuraj kamachejkunaj makinkuman. Paykunataj wakinta wañuchiwarqayku, presochawarqayku, kapuyniykuta suwawarqayku, p'enqaypi rikhurichiwarqayku ima. Chantá kunankama ajinallapuni kawsashayku.

Nehemías 9:30

Watan watanta paykunawan pacienciakorqanki. Espirituykiwan, sut'inchajkunapiwan paykunaman willachej kanki kamachisqaykita junt'anankuta. Chaytapis manallataj kasojchu kanku, chayraykutaj waj suyukunaj makinkuman paykunata jaywaykorqanki.

Nehemías 9:32

Chayrayku, Diosniyku, qanqa jatun Dios kanki, atiyniyojtaj, manchachikuna imataj. Munakuyniykipitaj trato ruwasqaykita mana saqenkichu. Chayrayku ama pisipaj qhawaychu imaynatachus jatun llakeyqa kuraj kamachejniykukunata, kurajniykukunata, sacerdoteykukunata, sut'inchajniykukunata, ñawpa tataykukunata, jinataj tukuy aylluntinta ima qhatirisqanta. Chay llakeyqa Asiriata kuraj kamachejkunaj tiemponmantapacha kunankama qhatirishawaykupuni.

Nehemías 9:34

Kuraj kamachejniyku, kurajniykukuna, sacerdoteykukuna, ñawpa tataykukuna ima, kamachisqaykita mana junt'arqankuchu. Nillataj kamachisqaykikunata, nitaj k'amisqaykitapis kasorqankuchu.

Jeremías 26:5

Sichus kamachiykunaj k'amisqankuta mana kasunkichejchu, pikunatachus qhepan qhepanta kachamorqaykichej, chaykunanejta chayqa,

Jeremías 29:19

Chayta ruwasaj, imaraykuchus kamachiykunanejta tukuy willachisqayta mana kasorqankuchu, maypachachus noqamanta sut'inchajkunata kutin kutinta kachamorqani, chaypacha, nispa. Ajinata noqa Tata Dios nini.

Jeremías 44:16

Tata Diospa sutinpi niwasqaykuta mana kasusqaykuchu.

Jeremías 7:13

Mashkha kutita parlapayarqaykichej, qankunatajrí mana kasuwayta munarqankichejchu, nitaj uyarillawaytapis munarqankichejchu.

Jeremías 7:24

Chaywanpis paykuna mana kasuwarqankuchu, nitaj uyariwarqankuchu. Manachayqa rumi sonqo kayninkuwan apachikorqanku, jinallataj sonqonkoj millay ruwayta munasqanwan ima. Noqaman kutirikamunawankutaqa wasanchawarqanku.

Daniel (hebreo) 9:10

Tata Diosniyku, mana qanta uyarisorqaykuchu, nitaj kasorqaykuchu sut'inchaj kamachiykikunanejta yachachiwasqaykuta.

Daniel (hebreo) 9:9

Chaywanpis qan, Tukuyta Kamachej Diosniyku, may khuyakuyniyoj kanki, contraykipi oqharikushajtiykupis juchaykuta pampachanki.

San Mateo 23:37

Jesús nillarqataj: Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Noqa mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

Hechos 13:27

Chaywanpis Jerusalenpi tiyakojkuna, kamachejninkukuna ima mana repararqankuchu pichus Jesús kasqanta, nitaj entienderqankuchu Diosmanta sut'inchajkunaj qhelqasqankuta, sapa samarina p'unchaypi chayta ñawirispapis. Aswanpis Jesusta wañuchisqa kananpaj juchacharqanku, ajinamantataj ñawpa sut'inchajkunaj nisqankuta junt'arqanku.