Daniel (hebreo) 9:5 - DIOSPA QHELQACHISQ

⁵ Noqaykurí juchallerqayku, millayta ruwarqayku, qanta mana kasuspataj kawsarqayku. Jinallataj kamachisqaykimanta, imatachus ruwanaykuta nisqaykimantawan karunchakorqayku.

Qheshwa Biblia DC

⁵ Noqayku juchalliyku, millay imasta ruwayku, sajra kajta ruwayku, qanta mana kasuspataj kausayku. Kamachisqasniykimanta, imatachus ruwanaykuta nisqasniykimantawan karunchakuyku.

DIOSPA QHELQACHISQAN DEUTEROCANONICAL

⁵ Noqaykurí juchallerqayku, millayta ruwarqayku, qanta mana kasuspataj kawsarqayku. Jinallataj kamachisqaykimanta, imatachus ruwanaykuta nisqaykimantawan karunchakorqayku.

Daniel (hebreo) 9:5 ပူးပေါင်းရင်းမြစ်များ

2 Reyes 18:12

Israelitakunata chay jina llakiy qhatirerqa, Tata Diosninkoj nisqanta mana kasusqankurayku. Aswanpis paypa trato ruwasqanta p'akisqanku. Imatachus Tata Diospa kamachin Moisés paykunaman kamachisqanta mana uyarikorqankuchu, nitaj ruwarqankuchu.

2 Reyes 21:15

Ajinata ruwasaj, noqaj ñawpaqeypi mana allinkunata ruwasqankurayku. Paykunaqa ñawpa tatankukuna Egiptomanta llojsimusqankumantapacha kunankama phiñachiwanku, nispa.

Esdras 9:6

Diosníy, Diosníy. May p'enqasqa kashani, uma muyusqa jinataj. Mana yachanichu imaynatachus qanman qayllaykamusuyta. Pantasqaykoqa may jatunpuni, juchaykutaj janaj pachakama chayan.

Salmos 106:6

Noqaykupis tatayku jina juchallerqayku mana allin kajta, millay kajtataj ruwaspa.

Salmos 119:102

Kamachisqaykimanta mana karunchakunichu, imaraykuchus qanmin yachachiwanki.

Salmos 119:176

Chinkasqa oveja jina purerqani. Mask'aj jamuy ari, imaraykuchus kamachisqaykimanta mana qonqapunichu.

Salmos 18:21

21 (22) Noqaqa Tata Diospa nisqanman jina purerqani, nitaj jayk'ajpis Diosniymanta karunchakorqanichu mana allin kajta ruwanaypaj.

Isaías 53:6

Tukuyninchej ovejakuna jina ch'eqerapunchej, sapa ujtaj munasqanchej ñanta ririkapunchej. Tata Diostajrí tukuynin juchanchejta payman q'epirichenqa.

Isaías 59:13

Kay jinata juchallikorqanchej: Tata Diospa contranpi oqharikorqanchej, payta wasancharqanchej, paymantataj karunchakorqanchej. Chantá runa masinchejta ñak'arichejkunata astawan kallpacharqanchej, kawsaqenta wasanchajkunatataj yanaparqanchej. Sonqonchejpitaj llullakuyta wakicherqanchej, chaytataj parlarqanchej.

Isaías 64:4

Runakunaqa mana jayk'ajpis uyarerqankuchu, nitaj rikorqankuchu qan jina Diostaqa, pichus qanpi atinikuspa suyakojkunapaj ajinata ruwapojtaqa.

Jeremías 14:20

Tata Dios, millay ruwasqaykuta rejsikapuyku, jinallataj ñawpa tataykukunaj juchallikusqankutapis. Cheqatapuni tukuyniyku contraykipi juchallikorqayku.

Jeremías 14:7

Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Jeremías 3:25

May p'enqayta k'umuykuchisqa kashayku ari, honrayku t'akasqa kasqanrayku pampallata qhawaspa, imaraykuchus wawa kasqaykumantapacha kunankama noqayku, ñawpa tataykukuna ima juchallillarqaykupuni. Jinallataj noqayku Tata Diosniykoj contranpi oqharikuspa, mana kamachisqaykita kasorqaykuchu, nispa. Ajinata israelitakuna nerqanku.

Jeremías 30:14

Tukuy waynaykikuna qankunamanta qonqapusonqanku, manañataj pipis qankunamanta yuyarikonqankuchu. Noqa qankunata k'irerqaykichej awqaykichejpis kayman jina. May chhika millay ruwasqaykichejmanta manchay sinch'ita jasut'erqaykichej, mana yupay atina juchaykichejmanta ima.

Jeremías 44:3

Chay karqa paykuna mana allinta ruwasqankurayku. Paykunaqa waj dioskunata yupaychaspa, inciensota q'oshñichispa ima phiñachiwarqanku, mayqenkunatachus mana ñawpa tataykichejkuna nitaj qankunapis rejserqankichejchu, chay lantikunaman.

Lamentaciones 1:18

Jerusalén llajta nin: Tata Diosqa cheqanpuni, noqarí paypa contranta oqharikorqani, kamachisqanta p'akispa. Kunanqa tukuy runa, qhawaychej, rikuychejtaj ñak'arisqayta. Sipasniykunata, waynuchuykunatawan ima apakapunku.

Lamentaciones 1:20

Tata Dios, llakikuyniyta qhawariy. Sonqoypis phataj jinaña nanaykushawan. Mana kasukoj kasqayrayku nanaypis sonqoyta ñit'iykuwan. Jawapeqa espadawan wawaykunata wañuchinku, llajta ukhupipis wañullay kashan.

Lamentaciones 3:42

Noqaykoqa qanpa contraykita oqharikorqayku, manataj kasukorqaykuchu. Qantaj mana juchaykuta pampacharqankichu.

Ezequiel 5:6

Jerusalenrí kamachisqaypa contranpi, nisqaypa contranpi ima oqharikorqa. Paypa ruwasqanqa astawan millaypuni karqa muyuyninpi kaj llajtakunaj, chantá suyukunaj ruwasqankumanta nisqaqa, imaraykuchus nisqayta, kamachisqaytawan mana kasuspa, qhesacharqapuni, nispa.

Ezequiel 6:9

Waj suyuman apasqamanta ayqekojkunataj noqamanta yuyarikuwanqanku. Reparanqanku imaynatachus llakichiwasqankuta wasanchaj sonqonkuwan noqamanta karunchakuspa. Yachallanqankutaj imaynatachus llakikusqayta khuchichakoj ñawinkuwan lantinkukunata munapayasqankumanta. Paykuna kikinku tukuy millay ruwasqankumanta, chantá tukuy imaymana khuchiriyota ruwasqankumanta millachikonqanku.

Daniel (hebreo) 9:11

Tukuy israelitakuna yachachisqaykita mana kasorqaykuchu. Kamachisqaykita kasunaykutaqa, qanmanta karunchakorqayku. Jinapi contraykipi juchallikusqaykurayku kamachiyki Moisés kamachisqankunapi tiluspa kananta nerqa, chay maldicisqa kaywan, jasut'iykunawan ima pataykuman urmaykuwayku.

Daniel (hebreo) 9:15

Tukuyta Kamachej Diosniyku, aylluykita Egiptomanta orqhomuspa, qan jatun atiyniykita rikucherqanki. Ajinata ruwasqaykirayku, chaymantapacha kunankama sutiyki jatunpaj qhawasqa kashan. Noqaykutajrí juchallispa, millay kajta ruwarqayku.

Daniel (hebreo) 9:9

Chaywanpis qan, Tukuyta Kamachej Diosniyku, may khuyakuyniyoj kanki, contraykipi oqharikushajtiykupis juchaykuta pampachanki.

Oseas 1:2

Tata Diosqa Israel suyuman Oseasnejta parlayta qallarispa, kay jinata nerqa: Israel suyoqa noqamanta t'aqakuspa, khuchichakun. Ajinallataj qanpis riy warmillikamuy uj khuchi warmiwan, chay warmipi wawayojtaj kay, jinamanta khuchichakoj warmej wawankuna nisqa kanankupaj, nispa.

Malaquías 3:7

Qankunaqa ñawpa tataykichej jina kamachisqaymanta karunchakorqankichej, manataj kamachisqayta kasuyta munarqankichejchu. Kunanrí noqa Tukuy Atiyniyoj Tata Dios niykichej: Noqaman kutirikamuwaychej, noqapis qankunaman kutirimullasajtaj, nispa. Qankunatajrí ninkichej: Imaraykutaj ninki qanman kutirikunayku kasqantari? nispa.

Hebreos 3:12

Chayrayku wawqe panakuna, sumajta qhawakuychej. Ama pipis qankunamanta mana allin sonqo, nitaj Diospi mana atinikuyta munaj sonqoyoj kachunchu, ajinamanta kawsashaj Diosmanta karunchakunanpaj.