Daniel (hebreo) 9:4 - DIOSPA QHELQACHISQ

⁴ Chantá Tata Dioswan parlarikuspa, juchallisqaykuta rimarerqani: May jatun Tata Diosníy, qan may atiyniyojtaj kanki. Trato ruwasqaykitaqa junt'ankipuni, munakuyniykitataj qanta munakusojkunaman rikuchinki, jinallataj kamachisqaykita junt'ajkunaman ima.

Qheshwa Biblia DC

⁴ Señor Diosniymanta mañakorqani, kay imastataj willakorqani: Señor, may jatun Diosníy, trato ruwasqaykitaqa junt'ankipuni, munakuyniykitataj rikuchinki qanta munakusojkunaman, kamachisqasniykita junt'ajkunamampis.

DIOSPA QHELQACHISQAN DEUTEROCANONICAL

⁴ Chantá Tata Dioswan parlarikuspa, juchallisqaykuta rimarerqani: May jatun Tata Diosníy, qan may atiyniyojtaj kanki. Trato ruwasqaykitaqa junt'ankipuni, munakuyniykitataj qanta munakusojkunaman rikuchinki, jinallataj kamachisqaykita junt'ajkunaman ima.

Daniel (hebreo) 9:4 ပူးပေါင်းရင်းမြစ်များ

1 Reyes 8:23

Israelpa Tata Diosnin, mana qan jina Diosqa janaj pachapi kanchu, nitaj kay pachapipis. Qanqa tratoykita junt'anki, khuyakuyniykitapis kamachiykunaman rikuchinki, qanta tukuy sonqo kasuspa purejkunaman.

2 Crónicas 7:14

sichus ajllakusqay aylluy k'umuykuspa, tukuy sonqo mañakamuwanman, sajra kawsayninta saqespataj mask'awanman chayqa, noqaqa janaj pachamantapacha uyarimusaj, juchantataj pampachasaj, jallp'antapis allinyachisaj.

Esdras 10:1

Esdrasqa Temploj ñawpaqenpi pampakama k'umuykukuspa, waqan waqan israelitakunaj juchankuta Diosman rimarisharqa. Chaykamataj israelitakunamanta qharikuna, warmikuna, wawakuna ima Esdrasta muyuykamuspa, jik'un jik'unta waqallarqankutaj.

Nehemías 1:5

Nerqanitaj: Tata Dios, janaj pachapi kaj Diosníy, may atiyniyoj Dios kanki, manchachikuna kanki. Qanqa trato ruwasqaykita sumajta junt'anki, jinataj munakusojkunatapis, kamachisqaykita junt'ajkunatapis mana jayk'aj saqerpankichu.

Nehemías 9:32

Chayrayku, Diosniyku, qanqa jatun Dios kanki, atiyniyojtaj, manchachikuna imataj. Munakuyniykipitaj trato ruwasqaykita mana saqenkichu. Chayrayku ama pisipaj qhawaychu imaynatachus jatun llakeyqa kuraj kamachejniykukunata, kurajniykukunata, sacerdoteykukunata, sut'inchajniykukunata, ñawpa tataykukunata, jinataj tukuy aylluntinta ima qhatirisqanta. Chay llakeyqa Asiriata kuraj kamachejkunaj tiemponmantapacha kunankama qhatirishawaykupuni.

Salmos 32:5

Chantá mana imatapis pakaspa, juchayta, millay ruwasqayta ima willakorqayki. Nerqani: Juchayta rimarisaj, nispa. Qantaj, Tata Dios, juchayta pampacharqanki.

Éxodo 20:6

Kamachisqayta junt'ajkunata, munakuwajkunatarí, mirayninkumanta waranqa waranqata noqa khuyakuywan qhawasaj.

Jeremías 3:13

Millay juchayoj kasqaykita reparakuy. Noqa Tata Diospa contrayta oqharikusqaykita, mana rejsisqayki qharikunawan tukuy thansarara sach'a urapi khuchichakusqaykita, kamachisqayta mana kasusqaykita ima reparakuy. Rimariy kamachisqayta mana kasusqaykita. Noqa Tata Diosmin chayta nini.

Jeremías 32:23

Paykunataj qosqayki jallp'aman yaykuspa, dueñochakorqanku. Chaywanpis mana kasusorqankuchu nitaj kamachisqaykita junt'arqankuchu. Manallataj paykuna kamachisqaykita ruwarqankuchu. Chayraykumin kay tukuy ñak'ariykunata paykunaman kachaykamorqanki.

Daniel (hebreo) 6:10

10 (11) Danieltajrí chay kamachisqaman kuraj kamachej Darío sutinta qhelqaykusqanta yachaspa, wasinman riporqa. Chantá puñunan cuartonpa ventananta kicharerqa, mayqenchus Jerusalén ladoman qhawarisqa karqa, chayta. Chantá chaypi qonqorikorqa Dioswan parlarikunanpaj, paymantaj pachis ninanpaj ima. Ajinata sapa p'unchay kinsa kutita ruwarqa, yachasqa kasqanman jina.

Daniel (hebreo) 9:3

Chayta yachaspa, noqa Tukuyta Kamachej Diosmanta mañakorqani, ayunarqani ima. Qhashqa p'achata churakuspataj, ushpha patapi tiyakorqani.

San Lucas 1:72

Diosqa ñawpa tatanchejkunata khuyaspa, sumaj tratota paykunawan ruwasqanmanta yuyarikorqa.

Romanos 8:28

Yachanchej Diosqa payta munakojkunaj allinninkupaj tukuy imata wakichisqanta, pikunatachus pay wajyarqa munasqanman jina, chaykunapaj.

Deuteronomio 5:10

Pikunachus noqata munakuwaspa, kamachisqayta kasunku chaykunatarí, tukuy wawankuta k'acha kayninwan qhawasaj.

Deuteronomio 7:12

Sichus qankuna Tata Diospa kamachisqanta uyarispa kasunkichej, chayman jinataj kawsankichej chayqa, Tata Diosniykichejpis ñawpa tataykichejkunawan trato ruwasqanta junt'allanqataj, khuyakususqantataj rikuchisonqachej.

Deuteronomio 7:21

Chayrayku paykunata rikuspa, ama q'ewayaychejchu, imaraykuchus may jina atiyniyoj manchachikuna Tata Diosniykichejqa qankunawan kashan.

Deuteronomio 7:9

Chayrayku yachaychej ari, Tata Diosniykichejqa pay k'atalla cheqa kaj Dios kasqanta. Yachallaychejtaj payqa, pikunachus payta munakojkunawan, kamachisqantataj junt'ajkunawan ima, may chhika miraykama trato ruwasqanta junt'aj kasqanta.

Santiago 1:12

Kusisqamin pichus tukuy imaymana mana allin kaj qhatirejtin sinch'ita sayajqa, imaraykuchus chay mana allin kajta atipasqanmanta payqa wiñay kawsayta pilluta jina jap'enqa. Chayta Diosmin payta munakojkunaman qonanta nerqa.

Santiago 2:5

Munasqa wawqe panaykuna, allinta uyariwaychej: Manachu Diosqa pikunachus kay pachapi wajcha kajkunata ajllakun, Diospi atinikuypi qhapaj kanankupaj? Manachu paykuna kamachiyninpi chayaqeyoj kanqanku, Dios payta munakojkunaman chayaqeta qonanta nisqanman jina?