Daniel (hebreo) 9:2 - DIOSPA QHELQACHISQ

² Darío uj watata kamachishajtin, noqaqa Diosmanta sut'inchaj Jeremiaspa qhelqanta allinta yachayta munaspa ñawirisharqani. Chay qhelqapi nisqa Jerusalenqa qanchis chunka wata junt'ata thuñisqa kananta, sut'inchaj Jeremiasman Tata Dios nisqanman jina.

Qheshwa Biblia DC

² Ñaupaj kaj watata rey kashajtin, noqa Daniel, Diospa palabranta leekusharqani profeta Jeremiaspa librompi, qanchis chunka watas junt'akuna kasqanta Jerusalén urmanampaj, profeta Jeremiasman Señorpa nisqanman jina.

DIOSPA QHELQACHISQAN DEUTEROCANONICAL

² Darío uj watata kamachishajtin, noqaqa Diosmanta sut'inchaj Jeremiaspa qhelqanta allinta yachayta munaspa ñawirisharqani. Chay qhelqapi nisqa Jerusalenqa qanchis chunka wata junt'ata thuñisqa kananta, sut'inchaj Jeremiasman Tata Dios nisqanman jina.

Daniel (hebreo) 9:2 ပူးပေါင်းရင်းမြစ်များ

2 Crónicas 36:21

Ajinamanta Diosmanta sut'inchaj Jeremiaspa nisqan junt'akorqa. Jinamanta Israel suyoj jallp'anqa qanchis chunka wata junt'akunankama samarerqa, ñawpajta israelitakuna mana jallp'ata samarichisqankumanta.

Esdras 1:1

Persiamanta kuraj kamachej Ciro uj watataña kamachishajtin, Tata Dios junt'ayta qallarerqa, ima sut'inchaytachus pay willachisqa sut'inchaj Jeremiasnejta, chayta. Chayrayku Tata Diosqa kuraj kamachej Ciroj sonqonta kuyuricherqa. Cirotaj tukuynin kamachiyninpi kajkunaman parlaypi, qhelqasqapitaj kay jinata willacherqa:

Salmos 119:24

Noqaqa kamachisqaykipi unanchaspa misk'irichikuni, imajtinchus kamachisqaykikunaqa yuyaychawanku.

Isaías 64:10

Ajllakusqayki llajtakunaqa chay jina ch'inpachaman tukunku. Sión llajtaqa ch'inpacha, Jerusalenpis laqayalla.

Jeremías 1:1

Kayqa Hilciaspa churin Jeremiaspa parlasqan. Payqa Benjamín jatun aylloj jap'iyninpi kaj Anatot llajtamanta karqa, sacerdote ayllumantataj.

Jeremías 25:18

Chay vasota Jerusalén llajtaman jaywarqani, jinallataj Judá suyupi llajtakunaman, kuraj kamachejkunaman, jinataj kurajninkukunamanpis jaywallarqanitaj. Chay jinamanta Tata Dios paykunata kantumanta tukucherqa, wiñaypajtaj raqaykunallataña saqerqa mancharikunapaj, asikunapaj jina, imaynachus kunan kashanku, ajina.

Jeremías 26:18

Judá suyuta kuraj kamachej Ezequías kamachishajtin, Moreset llajtayoj Miqueas Tata Diospa sutinpi tukuy Judamanta runakunaman kay jinata parlasqa: Tukuy Atiyniyoj Tata Dios nin: Sionqa llank'ana jallp'aman tukonqa, Jerusalentaj raqayman. Diospa Templon kashan, chay orqopitaj ch'umi wiñaykonqa, nispa.

Jeremías 26:6

Silo llajtapi ruwasqayta jinallatataj kay Templotapis ruwasaj. Kay llajtataj tukuypa asipayanan, alqochakunantaj kanqa, nispa.

Jeremías 27:7

Tukuy suyukuna Nabucodonosorpa, churinpa, chantá allchhinpa kamachiyninpi ima kanqanku. Chay kanqa kikin Babilonia suyu atipasqa kanan p'unchay chayamunankama. Chaypacha waj jatuchaj suyukuna, jinataj atiyniyoj kuraj kamachejkuna payta atipanqanku.

Jeremías 29:10

Noqa Tata Dios nillanitaj: Qanchis chunka wata Babiloniapi kasqaykichej junt'akojtinkama, kay cheqaman qankunata kutichimunayta nerqani, chay nisqayta junt'asaj.

Jeremías 7:34

Chantá Judá suyupi, jinallataj Jerusalén llajtapipis raymikunata, tusuykunata, takiykunata, jinallataj casarakupi takiykunatapis ch'inyachisaj. Tukuy suyutaj ch'inman tukuchisqa kanqa, nispa.

Lamentaciones 1:1

Jerusalén llajta unay may chhika runayoj karqa, kunantaj ch'inpacha qhepakun. Llajtakuna ukhupi chay chhika jatun llajta kashaspa, warmisapaman jina tukun. Suyukunata kamachej llajtataj kunanqa mit'animan tukun.

Ezequiel 29:11

Chay suyupi mana runakuna, nitaj uywakunapis purenqankuñachu. Tawa chunka wata junt'ata manapuni pi runapis chaypi tiyakonqañachu.

Daniel (hebreo) 9:3

Chayta yachaspa, noqa Tukuyta Kamachej Diosmanta mañakorqani, ayunarqani ima. Qhashqa p'achata churakuspataj, ushpha patapi tiyakorqani.

Miqueas 3:12

Chayrayku juchaykichejrayku, Sión orqopi Jerusalén llajta barbechoman tukonqa, raqayllamantaj. Maypichus Diospa Templon kashan, chay orqotapis ch'umilla p'ampaykonqa.

Zacarías 1:12

Chantá Tata Diospa angelnin nerqa: Tukuy Atiyniyoj Tata Dios, Jerusalenpaj chantá Judapi kaj llajtakunapajpis qanchis chunka watataña phiñasqa kanki. Mayk'ajkamataj paykunamanta mana khuyarikunkichuri? nispa.

Zacarías 7:5

Kayta niy tukuy aylluyman, jinataj sacerdotekunamanpis: Qankuna phishqa kaj killapi, qanchis kaj killapipis, qanchis chunka watataña qhashqa p'achata churakuspa, ayunaj kankichej. Chaywanpis mana noqata jatunchanawaykichejpajchu chayta ruwarqankichej. Jinallatataj qankuna raymikunapi mikhuspa, ujyaspapis, chaytapis qankunallapaj ruwankichej.

San Mateo 24:15

Pichus kayta ñawirejqa sut'ita yachachun: Qankuna rikunkichej chay chejnina millay millachikunata Diospa Templonpi sayashajta, mayqenmantachus Diosmanta sut'inchaj Daniel parlarqa, chayta.

Marcos 13:14

Pichus kayta ñawirejqa sut'ita yachachun. Maypachachus rikunkichej chay chejnina millay millachikunata mana kananpi sayashajta chaypacha, Judeapi kajkuna orqokunaman ayqechunku.

Hechos 8:34

Chantá eunucoqa Felipeta nerqa: Willariway ari, pimantataj Diosmanta sut'inchaj chayta nisharqari? Paymantachu parlasharqa chayrí wajmantachu? nispa.

1 Timoteo 4:13

Jinallataj qanta watukusoj jamunaykamaqa Diospa Qhelqachisqanta tukuypa uyarinanta ñawirispallapuni kay. Chantá wawqe panakunaj sonqonkuta oqhariy, yachachiytaj.

Apocalipsis 1:3

Dios saminchanqa, pichus kay sut'inchaypa nisqanta iglesiaj uyarinanta ñawirenqa, chayta. Jinallataj saminchanqa pikunachus ñawirejta uyarinku, chantá kasunku, chaykunatapis, imaraykuchus kay p'anqapi imachus qhelqasqa kajpa junt'akunan ñapis qayllamushanña.