Daniel (hebreo) 9:16 - DIOSPA QHELQACHISQ

¹⁶ Chaywanpis Tukuyta Kamachej Diosniyku, cheqan khuyakuyniykiman jina, Jerusalenmanta phiñakuyniykita karunchay, chay sinch'i k'araj phiñakuyniykita, imaraykuchus Jerusalenqa llajtaykimin. Tukuy muyuyninpi suyukunamanta runakunapis Jerusalenmanta, aylluykimantapis alqochakunku, noqaykoj jinallataj ñawpa tataykoj juchankuraykupis.

Qheshwa Biblia DC

¹⁶ Señor, yachayku may k'acha kasqaykita. Ama jinachu kay ari, Jerusalenmanta karunchay phiñakuyniykita, k'ajaj phiñakuyniykita, imaraykuchus llajtaykimin chayqa, chayllapitaj kashan ajllakusqayki lomaykipis. Tukuy muyuynimpi nacionesmanta kaj runakunaqa, Jerusalenmanta, aylluykimantapis asikunku, noqaykoj juchasniykurayku, jinallataj tatasniykoj juchasninkuraykupis.

DIOSPA QHELQACHISQAN DEUTEROCANONICAL

¹⁶ Chaywanpis Tukuyta Kamachej Diosniyku, cheqan khuyakuyniykiman jina, Jerusalenmanta phiñakuyniykita karunchay, chay sinch'i k'araj phiñakuyniykita, imaraykuchus Jerusalenqa llajtaykimin. Tukuy muyuyninpi suyukunamanta runakunapis Jerusalenmanta, aylluykimantapis alqochakunku, noqaykoj jinallataj ñawpa tataykoj juchankuraykupis.

Daniel (hebreo) 9:16 ပူးပေါင်းရင်းမြစ်များ

Nehemías 9:8

Repararqanki payqa qanpi atinikoj runa kasqanta, jinataj paywan uj tratota ruwarqanki. Nerqankitaj payman jinataj mirayninman uj jallp'ata qonaykita, maypichus cananeokuna, jititakuna, amorreokuna, ferezeokuna, jebuseokuna, gergeseokuna ima tiyakusharqanku, chay jallp'ata. Chay nisqaykitataj junt'arqanki, imaraykuchus qanqa nisqaykita junt'ajmin kanki.

Salmos 143:1

(1b) Tata Dios, mañakusqayta uyariway, qhaparikamususqaytataj uyariway. Uyariway ari, imajtinchus qanqa cheqan kanki, nisqaykita junt'ajtaj.

Salmos 31:1

1 (2) Tata Diosníy, qanlla jark'akunawaykita mask'ani, ama p'enqachisqa kanayta jayk'ajpis munaychu. Qhespichiway, imajtinchus qan cheqan kanki.

Salmos 41:13

13 (14) Israelpa Tata Diosnin wiñay wiñaynintinpaj yupaychasqa kachun. Jinapuni kachun.

Salmos 71:2

Yanapawaj jamuy, kacharichiwaytaj, imajtinchus qanqa cheqanta ruwajmin kanki. Mañakusqayta uyariwaspa, qhespichiway ari.

Salmos 79:4

Noqayku muyuyniykupi tiyakojkunaj alqochakunan kayku, paykunataj noqaykumanta alqorakuwayku.

Salmos 85:4

4 (5) Qhespichiwajniyku Dios, kunan ujtawan ñawpajta kasqaykuman kutichiwayku ari, amañataj noqaykupaj phiñasqa kaychu.

Salmos 89:51

51 (52) Tata Dios, chay jinata awqaykikuna sonqoykuta nanachiwayku, ajinata mayllapipis ajllakusqayki kamachejta nanachinku.

Éxodo 20:5

Amallataj chaykunaman qonqorikunkichu, nillataj yupaychankichu, imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima.

Isaías 5:25

Chayrayku Tata Diospa phiñakuynenqa ayllunpa contranta k'ajarin, makintataj jasut'inanpaj oqharin. Orqokunapis kharkatitinku, wañusqakunapis callepi q'opa jina wijch'urayashanku. Chay tukuywanpis Tata Diospa k'araj phiñakuynin manaraj thasnukunchu. Payqa jasut'inanpaj makin oqharisqallapuni kashan.

Jeremías 24:9

Paykunawanqa t'ukunapaj jina ruwasaj, paykunata rikuspataj, tukuy runakuna mayta mancharikonqanku. Maymanchus paykunata apachisaj, chay suyukunapi tiyakojkuna paykunamanta alqochakonqanku, asipayanqanku, chantá k'umuykachenqanku ima.

Jeremías 29:18

Paykunata maqanakuywan, yarqhaywan, onqoywan ima qhatiykachasaj. Kay pachapi tukuy suyu paykunata rikuspa, asipayanqanku, maldicisqa jina kasqankurayku. May suyumanchus paykunata ch'eqerqachisaj, chaypi p'enqayman churasqa kanqanku, runakunataj paykunaj sutinta oqharispa, ujkunata maldicenqanku.

Jeremías 32:31

Noqa nillanipuni: Kay llajtaqa sayarichisqa kasqanmantapacha kunan p'unchaykama k'arajta phiñachillawan. Chayraykumin kay llajtata ñawpaqeymanta chinkarparichisaj.

Jeremías 32:32

Tukuy mana allin ruwasqankuwan phiñachiwasqankurayku, Israel aylluta, Judá ayllutapis, jinallataj kuraj kamachejninkuta chinkarparichisaj. Jinallataj sacerdotenkunata, Diosmanta sut'inchaj kasqankuta nejkunata, Judapi, Jerusalenpiwan tukuy tiyakojkunatapis chinkarparichillasaj.

Ezequiel 22:4

Runakunata wañuchisqaykirayku juchayoj kanki, lantikunata ruwakusqaykiwantaj ch'ichichakunki. Ajinamanta qanqa jasut'isqa kanayki p'unchayta qayllachimunki, chinkanayki p'unchaytaj chayamunña. Chayrayku tukuy runakuna qanmanta alqochakonqanku, tukuy suyukunapis asipayasonqanku.

Ezequiel 5:14

Tata Dios nillarqataj: Jerusalén llajta, qanta ch'in pampaman tukuchisqayki. Muyuyniykipi kashanku, chay suyukunaj ñawpaqenkupi p'enqaypi rikhurichisqayki tukuy rikusunankupaj.

Daniel (hebreo) 11:45

Chay kuraj kamachejqa toldonkunata sayaykuchenqa, mama qochawan, Diospaj t'aqasqa orqowan, chay chawpipi. Chaypitaj wañunan p'unchay chayamonqa, manataj pipis payta yanapaj kanqachu.

Daniel (hebreo) 9:20

Noqaqa juchayta jinallataj israelita llajta masiykunaj juchankutapis rimarispa, Diosmanta mañakushallarqanipuni. Ajinamanta Tata Diosniypa ñawpaqenpi mañapusharqani paypa t'aqakusqan Jerusalén llajtanrayku.

Joel 3:17

17 (4.17) Chaypacha qankuna yachankichej, noqa Tata Diosniykichej t'aqakusqay Sión orqopi tiyakusqayta. Jerusalenqa noqapaj t'aqakusqay llajta kanqa, manañataj jayk'ajpis waj llajtayojkuna jap'enqankuchu.

Zacarías 8:3

Chayrayku Sionman kutisaj, Jerusalenpitaj tiyakapusaj. Chaypacha Jerusalenqa Cheqanta Purej Llajta nisqa kanqa. Tukuy Atiyniyoj Tata Diospa orqontaj Diospaj T'aqasqa Orqo nisqa kanqa, nispa.

2 Tesalonicenses 1:6

Diosqa cheqanta kajta ruwaj kasqanrayku, qhepanejman pikunachus qankunata ñak'arichejkunata jasut'enqa.

1 Juan 1:9

Juchanchejtachus Diosman rimarinchej chayrí, payqa nisqanta junt'aj, cheqantaj kasqanrayku juchanchejta pampachanqa. Jinallataj payqa tukuy millay ruwasqanchejmantapis llimphuchawasunchej.

1 Samuel 2:7

Tata Diosmin wajchayachin, payllataj qhapajyachin. K'umuykuchintaj, umata oqharichintaj.