Daniel (hebreo) 9:13 - DIOSPA QHELQACHISQ

¹³ Tukuy kay llakeyqa Moisespa kamachisqanpi qhelqasqa kasqanman jina qhatiriwayku. Noqaykurí, mana qanta mask'arqaykuchu, manataj sajra kawsayniykuta saqerqaykuchu, nillataj cheqan kajtapis qhaterqaykuchu.

Qheshwa Biblia DC

¹³ Tukuy kay jasut'eqa chayamuwayku, Moisespa leynimpi qelqasqa kasqanman jina. Noqaykurí, mana mask'asorqaykuchu, Señor Diosniyku, manataj sajra kausayniykuta saqerqaykuchu, nillataj cheqa kajtapis qhaterqaykuchu.

DIOSPA QHELQACHISQAN DEUTEROCANONICAL

¹³ Tukuy kay llakeyqa Moisespa kamachisqanpi qhelqasqa kasqanman jina qhatiriwayku. Noqaykurí, mana qanta mask'arqaykuchu, manataj sajra kawsayniykuta saqerqaykuchu, nillataj cheqan kajtapis qhaterqaykuchu.

Daniel (hebreo) 9:13 ပူးပေါင်းရင်းမြစ်များ

2 Reyes 22:16

Ajinata Tata Dios nin: Judá suyuta kuraj kamachej chay qhelqapi ñak'ariykunamanta imatachus ñawirisqaykita kay llajtaman, jinataj kaypi tiyakojkunaman apachimusaj.

Job 36:13

Puraj uya runakunaqa phiñasqalla sayanku. Tata Dios jasut'ishajtinpis, yanaparinanta mana mañakunkuchu.

Salmos 119:18

Kamachisqayki imayna k'achachus kasqanta rikuyta atinaypaj ñawiyta kichariway ari.

Salmos 119:27

Yuyayta qoway ari, kamachisqaykita kasunaypaj, imaraykuchus t'ukuna ruwasqaykipi unanchayta munani.

Salmos 119:73

Tukuyta Kamachej Dios, qanmin makiykiwan ruwawarqanki. Kunanqa sumaj yuyayta qoway, kamachisqaykita umaypi jap'inaypaj.

Salmos 85:4

4 (5) Qhespichiwajniyku Dios, kunan ujtawan ñawpajta kasqaykuman kutichiwayku ari, amañataj noqaykupaj phiñasqa kaychu.

Isaías 31:1

Ay imallachus kanqa, pikunachus yanapata mask'aspa Egiptoman urayk'unku, chaykunapaj. Paykunaqa Egiptomanta caballokunapi atinikunku, maqanakunapaj ashkha carretakunapi, jinallataj wapu soldadokuna carretata apaychajkunapi ima. Chaywanpis manapuni Israelpa May Llimphu Kaj Diosninku yanapananta mañakunkuchu, nitaj Tata Diosta mask'ankuchu.

Isaías 42:9

Ñawpajta imatachus sut'incharqani, chayqa junt'akunña, kunantaj watej sut'inchallasajtaj. Manaraj junt'akushajtin, imachus jamunanmanta willasqaykichej.

Isaías 43:22

Chaywanpis Jacobpa miraynin Israel, qanqa sutiyta mana oqharerqankichu, manachayqa noqawan amichikorqanki.

Isaías 64:6

Tukuyniyku mana llimphupaj qhawasqa runa jina kayku, tukuy ima allin ruwasqaykupis millay ch'ichi thanta jina. Noqaykoqa sach'a laqhe jina qawiyku, millay ruwasqaykutaj wayra jina apaykachawayku.

Isaías 64:7

Noqayku ukhupi mana pipis kanchu sutiykita oqharispa Diosninpaj rejsikapusojqa, nitaj pipis qanpi atinikoj kanchu. Chayrayku qan uyaykita noqaykumanta pakanki, jinataj millay ruwasqaykuman urmaykojta saqellanki.

Isaías 9:13

13 (12) Israelitakunarí chay jina jasut'isqa kashaspapis, Diosman manapuni kutirikorqankuchu, nillataj Tukuy Atiyniyoj Tata Diosta mask'arqankuchu.

Jeremías 2:30

Qhasillata wawaykichejta jasut'erqani, ni chaywanpis wanarqankuchu. Qankuna kikiykichej phiña leonkuna jina noqamanta sut'inchajkunata wañucherqankichej.

Jeremías 30:14

Tukuy waynaykikuna qankunamanta qonqapusonqanku, manañataj pipis qankunamanta yuyarikonqankuchu. Noqa qankunata k'irerqaykichej awqaykichejpis kayman jina. May chhika millay ruwasqaykichejmanta manchay sinch'ita jasut'erqaykichej, mana yupay atina juchaykichejmanta ima.

Jeremías 31:18

Efraín aylloj kay jina waqasqanta uyarini: Noqaqa mana amansasqa torillo jina karqani. Jinapis qan kasukuyta yachachiwarqanki. Qanman kutirichiway, noqataj qanman kutirikamusqayki, imaraykuchus qanmin Diosniy Tata Dios kanki.

Jeremías 44:23

Kay llakiypi ñak'areyqa waj dioskunaman inciensota q'oshñichisqaykichejrayku qhatirisunkichej, imaraykuchus qankuna Tata Diospa nisqanta, chantá kamachisqanta ima mana kasorqankichejchu, nispa.

Jeremías 44:27

Noqataj paykunata waqaychanaytaqa, ñak'ariykunata paykunaman kachaykusaj, manataj allin kajtachu. Judamanta Egiptopi tukuy tiyakushajkuna maqanakupi wañonqanku, chayrí yarqhaywan tukuchisqa kanqanku.

Jeremías 5:3

Noqataj kuticherqani: Tata Dios, qan cheqanta ruwaj runata mask'ashanki. Qanqa paykunata jasut'erqanki, jinapis paykunata mana nanaykorqachu. Paykunata t'unaykorqanki, manataj cheqan ñanman kutiriyta munarqankuchu. Ancha k'ullu kanku, rumimantapis aswan chuki, manapunitaj allin ñanman kutirikuyta munarqankuchu.

Lamentaciones 5:21

Wajyakapuwayku ari, Tata Dios, noqaykutaj qanman kutirimpusqayku. Imayna ñawpajta kawsayniyku karqa, ajinallataj kunanpis kachun ari.

Ezequiel 16:43

Sipas kasqaykimanta qonqakaporqanki, millayta purispataj, phiñachiwarqanki. Chayrayku noqa purisqaykiman jina jasut'isqayki, amaña ujtawan khuchichakunaykipaj, nitaj millay imakunatapis ruwanaykipaj. Noqa Tukuyta Kamachej Tata Diosmin chaytaqa nini.

Daniel (hebreo) 9:11

Tukuy israelitakuna yachachisqaykita mana kasorqaykuchu. Kamachisqaykita kasunaykutaqa, qanmanta karunchakorqayku. Jinapi contraykipi juchallikusqaykurayku kamachiyki Moisés kamachisqankunapi tiluspa kananta nerqa, chay maldicisqa kaywan, jasut'iykunawan ima pataykuman urmaykuwayku.

Oseas 7:10

Israelpa runaykachasqanqa paykunaj contranpi juchachan. Chaywanpis mana noqa Tata Diosman kutirikamuwankuchu, nitaj mask'awankuchu.

Oseas 7:14

Puñunankupi sonqo nanayta waqanku chaypis, mana tukuy sonqochu mañakuwanku. Ukhunkutapis khuchurakuspa, trigota, vinotawan mañakuwanku. Chaywanpis contraypi oqharikullankupuni.

Oseas 7:7

Arí, paykuna enqhasqa horno jina lawrarinku, jinataj kamachejninkuta q'olaspa tukuchinku. Kuraj kamachejkunatapis ujmanta uj kamachinankumanta wijch'urparinku, manataj ni ujpis kanchu qhaparikamuwajqa.

San Lucas 24:45

Chantá Jesús Diospa Qhelqachisqanta sut'incharqa yachachisqankuna allinta entiendenankupaj.

San Juan 10:35

Diospa Qhelqachisqanqa cheqanta nin, icharí? Diosqa chay runakunata dioskuna, nispa suticharqa, pikunachus chaypacha Diospa parlasqanta uyarisqanku, chaykunata.

San Juan 6:45

Diosmanta sut'inchajkunaj qhelqasqankupi nin: Diosqa tukuyninkuman yachachenqa, nispa. Ajinaqa pikunachus Tata Diosta uyarispa yachaqakunku, chaykuna noqaman jamunku.

San Juan 8:32

Jinataj Diosmanta cheqa kajta yachasqaykichejqa cheqatapuni kacharichisonqachej, nispa.

Efesios 4:21

Manachayqa paymanta willajta uyarerqankichej, munasqanman jinataj kawsayta yacharqankichej cheqa kajta yachachisqanman jina.

Deuteronomio 29:4

4 (3) Chaywanpis kunankama Tata Diosqa entiendej sonqota manaraj qosunkichejchu, nitaj reparanaykichejta munanchu imaraykuchus chaykunata ruwasqanta.

Santiago 1:5

Sichus qankunamanta mayqellanpis pisi yachayniyoj kanman chayqa, Diosmanta mañakuchun. Diostaj yachayta payman qonqa, imaraykuchus Diosqa tukuy mañakojkunaman mana mich'akuspa nitaj rimakuspa qon.