Daniel (hebreo) 8:23 - DIOSPA QHELQACHISQ

²³ Manaña chay tawa kuraj kamachejkuna kamachishajtinku, millay ruwanapis anchaña kanqa. Chantá machu machu uj kuraj kamachej sayarenqa, paytaj ch'awkiyanapaj churasqa kanqa.

Qheshwa Biblia DC

²³ Maypachachus kay nacionespa kamachinasninku tukukonqanku, juchallikuykunapis phullachirenqanku chaypachaqa, uj rey sayarenqa sajra parlayniyoj, ch'aukiyanapajtaj may churasqa.

DIOSPA QHELQACHISQAN DEUTEROCANONICAL

²³ Manaña chay tawa kuraj kamachejkuna kamachishajtinku, millay ruwanapis anchaña kanqa. Chantá machu machu uj kuraj kamachej sayarenqa, paytaj ch'awkiyanapaj churasqa kanqa.

Daniel (hebreo) 8:23 ပူးပေါင်းရင်းမြစ်များ

Génesis 15:16

Tawa pachaj wata tukukuytataj mirayniykeqa kay jallp'aman kutimponqanku, imajtinchus kaypi tiyakoj amorreokunaj millayta ruwasqankoqa manaraj chaykamachu. Chayrayku paykunata manaraj chinkarparichisajchu, nispa.

Proverbios 1:6

Astawan yachayniyoj kanqanku, maypachachus yachayniyojkunaj nisqankuta, chantá rijch'anachiykunawan parlasqankuta unancharenqanku, chaypacha. Jinallataj astawan yachayniyoj kanqanku, maypachachus sumaj yachaywan nisqankuta, chantá watuchiykunawan parlasqankuta ima unancharenqanku, chaypacha.

Ezequiel 38:16

Chantá Israel aylluypa contranpi qan maqanakoj yaykunki, yana phuyu jina Israelpa tukuynin jallp'anta p'ampaykuspa. Chay qhepa p'unchaykunapi noqaqa aylluypa contranpi pusamusqayki, waj suyukunamanta runakuna noqata rejsinawankupaj. Chaypachataj qannejta noqa may llimphu kasqayta rikuchikusaj, nispa.

Ezequiel 38:8

Kaymanta unay wataman, Israelwan maqanakunaykipaj kamachisqa kanki. Israel suyoj runankuna ashkha suyuman ch'eqerachisqa karqanku, wiñaypaj ch'inyachisqataj. Chaywanpis chaymanta kutimuspa, tukuy israelitakuna watej Israelpa orqonkunapi tantakonqanku, chaypitaj tukuyninku ni imamanta manchachikuspa tiyakushanqanku.

Daniel (hebreo) 10:14

Noqa jamuni willasunaypaj qhepanejman llajta masiykikunaman imachus jamunanmanta. Imatachus rikusqaykeqa, chay p'unchaykunamantamin willashan, nispa.

Daniel (hebreo) 11:21

Paypa qhepanta uj millay runa sayarenqa, pichus mana kuraj kamachejchu kanan karqa, chay. Paytajrí sajra yuyayninta mana sut'inchaspalla, misk'i simiwan ch'awkiyaspa kamachenqa.

Daniel (hebreo) 11:24

Mana pejpa yuyasqallan aswan sumaj jallp'akunaman jap'ej yaykonqa. Payqa ni mayqen ñawpa tatankunaj ruwasqankuta ruwanqa. Soldadonkunaman maqanakupi qhechusqanmanta rak'iranqa. Chaymantataj wakichikonqa sumaj jark'achasqa llajtakunawan maqanakoj yaykunanpaj, chaytajrí mana unaypajchu kanqa.

Daniel (hebreo) 7:11

Ajinata qhawashaspapuni, noqa chay juch'uy wajrata uyarerqani mayta jatunchakuspa t'ukuna imakunata parlashajta. Chantá qhawashajtillayraj, manchachikuna animalta wañuchisqanku. Chaymantataj ukhunta mitharaytawan, ninaman choqaykusqanku q'olachisqa kananpaj.

Daniel (hebreo) 7:20

Munallarqanitaj astawan yachayta chay chunka wajrakunamanta, juch'uy kaj wajramantawan, mayqenchus ñawiyoj kasqa, runaykachaspataj jatuchaj imakunata parlasqa, chaymanta. Chay juch'uy wajra wiñananpaj, kinsa wajrakuna sik'isqa kasqanku, chay wajrataj chay ujkunamanta astawan jatunman rijch'awarqa.

Daniel (hebreo) 7:25

Chantá janaj pachapi kaj Diospa contranta rimanqa, Diospa aylluntapis ñak'arichillanqataj. Jinallataj Diospa kamachisqankunata, rayminkunata ima waj jinaman tukuchiyta munanqa. Ajinamanta Diospa ayllun kinsa wata khuskanniyojta makinpi kanqa.

Daniel (hebreo) 7:8

Chay wajrakunata qhawashajtiy, chawpinkumanta juch'uy wajrata p'utumojta rikorqani. Chantá chay juch'uy wajra wiñananpaj kinsa wajrakuna sik'irasqa kasqa. Chay juch'uy wajraqa runaj ñawinman rijch'akoj ñawiyoj kasqa, siminwantaj may jinata runaykachaspa parlasqa.

Daniel (hebreo) 8:22

Chay jatun wajra p'akikojtin, cuentanmanta tawa wajrakuna p'utumusqanku, chay niyta munan chay suyumanta tawa kuraj kamachejkuna sayarinankuta. Chaywanpis mana ñawpaj kaj kuraj kamachej jina atiyniyojchu kanqanku.

Daniel (hebreo) 8:24

Atiyniyoj kanqa chaypis, chay atiynenqa mana payllamantachu kanqa. Chantá t'ukunapaj jina tukuy imatapis phirenqa, tukuy ima ruwasqanpitaj allin renqa. Atiyniyoj runakunata chinkachenqa. Diospa ajllasqan ayllumantapis ashkhatapuni chinkachillanqataj.

Daniel (hebreo) 8:25

Ch'awkiyanapaj churasqa kasqanrayku, tukuy millay ruwasqanpi allin renqa, maytataj runaykachanqa. Ni imamanta llakiyniyoj tiyakojkunata wasanchaspa, ch'inllamanta wañurachenqa. Tukuy Kurajkunaj Kurajninkoj contranpipis sayaykullanqataj. Chay Kuraj Kajrí millay kuraj kamachejta atipanqa. Chaytaqa mana pi runachu ruwanqa.

Números 24:24

Chipremanta barcokuna jamonqanku. Asiriata, Ebertawan raqayllata saqenqanku. Chaywanpis paykuna wiñaypaj chinkachisqallataj kanqanku.

San Mateo 23:32

Chayrayku kunanqa qankunapis imatachus tataykichejkuna ruwayta qallarisqankuta tukuychallaychejña.

Deuteronomio 28:50

Chay jina mana khuyakuyniyoj runakunaqa machu runakunata mana respetanqankuchu, wawakunatapis manallataj khuyanqankuchu.

1 Tesalonicenses 2:16

Ajinata paykuna jark'awayku Jesucristomanta sumaj willayta ama mana judiokunaman willanaykupaj, chaynejta paykunapis qhespichisqa kanankupaj. Ajinata ruwaspa, judiokunaqa juchallisqankuman astawan juchata yapakushallankupuni. Chayrayku Diospa k'araj phiñakuynin patankupiña kashan.

1 Timoteo 4:1

Santo Espiritoqa sut'ita nin qhepanejman wakinkunaqa cheqan ñanmanta pantaykuspa Diosta qhatiyta saqepunankuta. Paykuna pantachej espiritukunata kasonqanku, supaykunaj yachachisqankutataj jap'ikonqanku.

Apocalipsis 19:20

Chantá sierpeqa jap'ichisqa karqa, jinallataj llullakuspa sut'inchajpis. Chay sut'inchajqa sierpej sutinpi runa mana jayk'aj rikusqan t'ukunata ruwaspa, sierpej marcanta apajkunata q'otiyasqa, lantinta yupaychanankupaj. Jinataj sierpewan, llulla sut'inchajninwan ima azufrewan lawrashaj nina qochaman kawsashaj wijch'uykusqa karqanku.