Daniel (hebreo) 8:11 - DIOSPA QHELQACHISQ

¹¹ Chaymantataj ch'askakunata kamachejpa contranpi sayaykusqa, Diosman sapa p'unchay jaywanatapis sayachisqa, Diosta yupaychana cheqatataj manakajman tukuchisqa.

Qheshwa Biblia DC

¹¹ Janaj pachapi kajkunaj kurajnimpa contrampi ima sayaykorqa. Sapa p'unchay Diosman jaywana kajtapis chinkacherqa. Diosta yupaychana cheqatataj thuñerqa.

DIOSPA QHELQACHISQAN DEUTEROCANONICAL

¹¹ Chaymantataj ch'askakunata kamachejpa contranpi sayaykusqa, Diosman sapa p'unchay jaywanatapis sayachisqa, Diosta yupaychana cheqatataj manakajman tukuchisqa.

Daniel (hebreo) 8:11 ပူးပေါင်းရင်းမြစ်များ

Isaías 37:23

Qan, pipajtaj rimankiri? Pimantataj alqochakunkiri? Pejpa contrantataj chhika jatunmanta qhaparqachanki, may kasqaykita yuyakuspataj, umaykita oqharinkiri? Chaytaqa Israelpa May Llimphu Kaj Diosninpa contranta ruwashanki.

Isaías 37:29

Qanqa noqaj contrayta oqharikorqanki. Noqaj contraypi mayta phiñakusqaykita uyarini. Kunanrí senqaykiman fierro ganchota churasqayki, simiykimantaj frenota. Chantaqa may ñantachus jamorqanki, chayllatataj kutirichisqayki, nispa.

Jeremías 48:26

Moabta machaykuchiychej, imaraykuchus Tata Diospa contranpi oqharikorqa. Chaypacha Moabqa lansasqanpi sunt'enqa, tukuytaj paymanta asikonqanku.

Jeremías 48:42

Moabqa chinkachisqa kanqa manaña suyu kananpaj, imaraykuchus Tata Diospa contranpi oqharikorqa.

Ezequiel 46:14

Ajinallatataj sapa paqarin Tata Diosman uj ofrenda jaywanqanku, qanchis kilo granota, uj litro aceitetawan, jak'u pataman jich'asqa kananpaj. Chay jaywanaqa wiñaypaj kallanqapuni.

Daniel (hebreo) 11:22

Contranpi sayaykoj soldadokunata tukuyninkuta chinkachenqa, jinallatataj tratota ruwajtapis wañuchillanqataj.

Daniel (hebreo) 11:31

Chaypachaqa paypa soldadonkuna Diospa Templonta millachikunaman tukuchenqanku, jinallataj sumaj jark'achasqa wasikunatapis. Diosman sapa p'unchay q'olachispa jaywanatapis sayachenqanku, cuentanmantataj millachikunata jaywanqanku.

Daniel (hebreo) 12:11

Waranqa iskay pachaj jisq'on chunkayoj p'unchaykuna kanqa, Diosman sapa p'unchay jaywana kajta saqechisqankumantapacha Diospa Templonpi millachikunapaj jaywasqankumantawan.

Daniel (hebreo) 5:23

Aswanqa janaj pachapi kaj Tukuyta Kamachej Diospa contranpi oqharikorqanki, kamacherqankitaj Templonmanta apamusqa vasokunata orqhomunankuta. Chantá chay vasokunapi warmiykikunawan, chantá waj warmiykikunawan, jinataj pikunatachus raymiman wajyarakorqanki, chaykunawan khuska vinota ujyarqankichej. Chay jawataj waj dioskunata, qorimanta, qolqe metalmanta, broncemanta, fierromanta, k'ullumanta, rumimanta ruwasqa dioskunata yupaycharqanki. Chay dioskunaqa mana rikunkuchu, manataj uyarinkuchu, nitaj imatapis yachankuchu. Diostatajrí mana jayk'ajpis yupaycharqankichu, pejpa makinpichus kawsayniyki, tukuy ruwasqayki ima kashan, chay Diosta.

Daniel (hebreo) 7:25

Chantá janaj pachapi kaj Diospa contranta rimanqa, Diospa aylluntapis ñak'arichillanqataj. Jinallataj Diospa kamachisqankunata, rayminkunata ima waj jinaman tukuchiyta munanqa. Ajinamanta Diospa ayllun kinsa wata khuskanniyojta makinpi kanqa.

Daniel (hebreo) 8:12

Sajra sonqowan, maypichus Diosman jaywanata q'olachej kanku, chayman soldadonkunata jaraykuchisqa, cheqa kaj kamachisqakunatataj manakajpaj qhawasqa. Tukuy imatapis munasqanta ruwasqa, tukuy imapitaj allin risqa.

Daniel (hebreo) 8:24

Atiyniyoj kanqa chaypis, chay atiynenqa mana payllamantachu kanqa. Chantá t'ukunapaj jina tukuy imatapis phirenqa, tukuy ima ruwasqanpitaj allin renqa. Atiyniyoj runakunata chinkachenqa. Diospa ajllasqan ayllumantapis ashkhatapuni chinkachillanqataj.

Daniel (hebreo) 8:25

Ch'awkiyanapaj churasqa kasqanrayku, tukuy millay ruwasqanpi allin renqa, maytataj runaykachanqa. Ni imamanta llakiyniyoj tiyakojkunata wasanchaspa, ch'inllamanta wañurachenqa. Tukuy Kurajkunaj Kurajninkoj contranpipis sayaykullanqataj. Chay Kuraj Kajrí millay kuraj kamachejta atipanqa. Chaytaqa mana pi runachu ruwanqa.

Daniel (hebreo) 9:25

Kayta uyariy, jap'eqaytaj: Jerusalén llajtata watej sayarichinapaj kamachisqa llojsisqamantapacha, Diospaj Ajllasqan Kuraj Kamachej chayamunankamaqa qanchis semana kanqa. Chantá Jerusalenpa callenkuna, muyuyninpi perqanpis watej sayachisqa kanankamataj sojta chunka iskayniyoj semana kanqa. Chaywanpis manchay llakiy p'unchaykuna kanqa.

Números 28:3

Kamachillaytaj q'olachispa Tata Diosman jaywanata jaywanawankoqa kaykuna kananta: Sapa p'unchay q'olachispa uj watayoj iskay corderota, mana iman imanasqata jaywawanqanku.

San Lucas 21:24

Wakenqa espadawan wañuchisqa kanqanku, wakintaj presochasqa tukuy suyuman apasqa kanqanku. Chantá mana judío kajkunaqa Jerusalén llajtata saronqanku chay tiempo junt'akunankama.

2 Tesalonicenses 2:4

Chay runaqa Diospa contranpi sayarenqa, jinataj imachus yupaychanaj contranpi ima. Chantá Diospa Templonman yaykuspa, chaypi tiyaykonqa, nenqataj pay Dios kasqanta.

Hebreos 2:10

Diosqa tukuy imata paypaj ruwarqa, payllataj tukuy imata purichin. Chay Diosmin ashkha wawata jatun kayninpa k'anchayninman pusayta munarqa. Munallarqataj paykunata qhespichejqa ñak'ariynejta sumaj wakichisqa kananta, qhespichej jina imachus ruwananta maychus kajta junt'ananpaj.

Apocalipsis 17:14

Chantá paykuna Corderoj contranpi maqanakonqanku. Corderotajrí paykunata atipaykonqa, imaraykuchus payqa tukuy kamachejkunaj Kuraj Kamachejninku, tukuy wiraqochikunaj Kamachejninkutaj. Pikunatachus Dios wajyaspa ajllakorqa, jinataj payta kasunku chaykuna paywan khuska kanqanku.