Daniel (hebreo) 7:8 - DIOSPA QHELQACHISQ

⁸ Chay wajrakunata qhawashajtiy, chawpinkumanta juch'uy wajrata p'utumojta rikorqani. Chantá chay juch'uy wajra wiñananpaj kinsa wajrakuna sik'irasqa kasqa. Chay juch'uy wajraqa runaj ñawinman rijch'akoj ñawiyoj kasqa, siminwantaj may jinata runaykachaspa parlasqa.

Qheshwa Biblia DC

⁸ Chay wajrasta qhawashaspataj rikorqani uj aswan juch'uy wajritata p'utumojta chay ujkunaj chaupinkumanta, chanta sik'irarqanku kinsa wajrasta, qhepata p'utumoj wajritaman campota qonankupaj. Chay juch'uy wajritaj ñawisnintaj runaj ñawisninman rijch'akorqanku, jatun jatunmanta parlaj simiyojtaj karqa.

DIOSPA QHELQACHISQAN DEUTEROCANONICAL

⁸ Chay wajrakunata qhawashajtiy, chawpinkumanta juch'uy wajrata p'utumojta rikorqani. Chantá chay juch'uy wajra wiñananpaj kinsa wajrakuna sik'irasqa kasqa. Chay juch'uy wajraqa runaj ñawinman rijch'akoj ñawiyoj kasqa, siminwantaj may jinata runaykachaspa parlasqa.

Daniel (hebreo) 7:8 ပူးပေါင်းရင်းမြစ်များ

Salmos 12:3

3 (4) Tata Diosqa tukuy puraj uya runakunata chinkachichun, jatunchakuspa parlajkunatawan.

Daniel (hebreo) 11:36

Wichaymanta kaj kuraj kamachejqa munasqanta ruwanqa. Maytapuni jatunchakonqa, jinataj tukuy dioskunamanta aswan kasqanta yuyakonqa. Cheqan kaj Diospa contrantapis manchay millayta parlallanqataj. Paytataj tukuy imapi allin renqa, Dios payta jasut'inankama, imaraykuchus imatachus Dios ruwanan karqa, chayta junt'anqapuni.

Daniel (hebreo) 7:19

Chantá noqa astawan tawa kaj jatun animalmanta yachayta munarqani. Chay animalqa waj jinapuni kasqa chay ujkunamanta nisqaqa, imaraykuchus rijch'aynenqa ancha manchanapuni kasqa. Kironqa fierromanta kasqa, sillunpis broncemanta. Jinataj tukuy imata mikhukapusqa, chhikan chhikanta mitharaspa, puchojtataj chakinwan sarurasqa.

2 Tesalonicenses 2:4

Chay runaqa Diospa contranpi sayarenqa, jinataj imachus yupaychanaj contranpi ima. Chantá Diospa Templonman yaykuspa, chaypi tiyaykonqa, nenqataj pay Dios kasqanta.

2 Timoteo 3:2

Chaypacha runakuna kay jina kanqanku: Imallatapis paykunallapaj munajkuna, qolqemanta wañusqa, runaykachajkuna, may kasqankuta yuyajkuna ima. Kallanqankutaj Diosmanta alqorakojkuna, tatankuta mamankuta mana kasojkuna, mana pachis niyta yachajkuna, chantá Diosta mana manchachikojkuna ima.

2 Pedro 2:18

Chaykuna paykunamanta manchayllata parlanku, parlasqankurí qhasi manakaj. Chantá paykuna pikunachus kunallanraj pantasqa purinamanta ñak'ayllata ayqekojkunata yuyaychanku munasqankuman jina purispa juchallinaman kutirinankuta.

Judas 1:16

Jinallataj chay mana cheqanta yachachejkuna wasamanta rimakojkuna kanku, thutojkunataj. Paykuna sonqonkoj munasqanta ruwanallankupaj kawsanku, wapuykachaspataj may kasqankumanta parlanku. Chantá paykunallapaj imatapis tariyta munaspa, runata llosq'onku.

Apocalipsis 13:1

Chantá noqa mama qochamanta waj sierpeta rikhurimojta rikullarqanitaj. Chayqa chunka wajrayoj karqa, qanchis umayojtaj. Chay sierpej wajrankuna patapi chunka pillukuna karqa, umankuna patapitaj Diosta phiñachinapaj jina millay sutikuna karqa.

Apocalipsis 9:7

Chay phinki phinkikuna maqanakupaj wakichisqa caballokunaman rijch'akorqanku. Chaykunaj umankupitaj qori pillu jina churasqa karqa, uyankutaj runa uya jina.

1 Samuel 2:3

Ama ni pi runaykachaspa parlachunchu. Amataj pipis chhikata jatunchakuchunchu, imaraykuchus Tata Diosllamin tukuy imata yachaj Diosqa. Paymin yachan runaj ruwasqan allinchus manachus kasqanta.