Daniel (hebreo) 7:7 - DIOSPA QHELQACHISQ

⁷ Chantá tawa kaj animalta rikorqani, chaytaj ancha mancharina jina kasqa, manchachikunapaj jinapuni, manchay kallpayojtaj. Jatuchaj fierromanta kirunkunawan tukuy imata chhikan chhikanta mithaspa mikhukapusqa, puchojtataj chakinwan sarurasqa. Kay tawa kaj animal mana chay waj animalkunaman rijch'akusqachu. Umanpipis chunka wajrayoj kasqa.

Qheshwa Biblia DC

⁷ Tawa kaj animalta rikorqani chaytaj ancha fiero karqa, manchachikunapaj jinapuni, manchay kallpayojtaj. Kirusnenqa fierromanta karqanku, jatuchejtaj. Tukuy imata oqoykorqa, t'unaykorqataj, puchojtataj sarorqa. Mosqoyniypi rikorqani chaykunamanta kay kajqa waj laya animalpuni karqa. Umampis chunka wajrasniyoj karqa.

DIOSPA QHELQACHISQAN DEUTEROCANONICAL

⁷ Chantá tawa kaj animalta rikorqani, chaytaj ancha mancharina jina kasqa, manchachikunapaj jinapuni, manchay kallpayojtaj. Jatuchaj fierromanta kirunkunawan tukuy imata chhikan chhikanta mithaspa mikhukapusqa, puchojtataj chakinwan sarurasqa. Kay tawa kaj animal mana chay waj animalkunaman rijch'akusqachu. Umanpipis chunka wajrayoj kasqa.

Daniel (hebreo) 7:7 ပူးပေါင်းရင်းမြစ်များ

2 Samuel 22:43

Ñut'u jallp'ata jina paykunata ruwarqani. Ñan patapi t'uruta jina paykunata sarorqani.

Job 41:14

14 (6) Pitaj siminta kicharichiyta atinman, chay jina manchachikuna kirukunayojtari?

Ezequiel 40:2

Diosqa mosqoypi jina Israelpa suyuman pusamuwarqa, uj jatun orqo patamantaj sayaykuchiwarqa. Chaymanta uraynejpi uj jatun llajtaman rijch'akojta rikorqani.

Daniel (hebreo) 2:19

Chay tutapeqa Tata Dios mosqoypi jina Danielman parlaspa, rikucherqa imatachus kuraj kamachej mosqokusqanta. Jinallatataj pay sut'incharqa imatachus kuraj kamachejpa mosqokusqanta niyta munasqanta. Chayrayku Danielqa janaj pachapi kaj Diosta yupaycharqa:

Daniel (hebreo) 7:13

Chay tutapi mosqoypi jina rikusqayta qhawashaspallapuni, runaj churinman rijch'akojta phuyu chawpipi jamushajta rikorqani. Payqa, maypichus Wiñaymantapacha Kaj kasharqa, chayman risqa, paytataj Wiñaymantapacha Kajman qayllachisqanku.

Daniel (hebreo) 7:2

Noqa mosqoyniypi rikorqani mama qochata tukuynejmanta wayra qhollchoqeyachisqanta.

Daniel (hebreo) 8:10

Chantá janaj pacha ch'askakunaman chayanankama wiñasqa. Jinataj chay ch'askakunamanta wakinta pampaman urmachimuspa, sarurasqa.

Daniel (hebreo) 8:22

Chay jatun wajra p'akikojtin, cuentanmanta tawa wajrakuna p'utumusqanku, chay niyta munan chay suyumanta tawa kuraj kamachejkuna sayarinankuta. Chaywanpis mana ñawpaj kaj kuraj kamachej jina atiyniyojchu kanqanku.

Zacarías 2:1

1 (5) Mosqoypi jina ujtawan rikullarqanitaj uj runata midinapaj lazota jap'ishajta.

Apocalipsis 12:3

Jinallataj janaj pachapi runaj mana jayk'aj rikusqan waj t'ukuna rikhurillarqataj: Uj jatun puka sierpe rikhurerqa. Chay sierpeqa qanchis umayoj, chunka wajrayoj karqa, sapa umanpitaj pilluyoj.

Apocalipsis 13:1

Chantá noqa mama qochamanta waj sierpeta rikhurimojta rikullarqanitaj. Chayqa chunka wajrayoj karqa, qanchis umayojtaj. Chay sierpej wajrankuna patapi chunka pillukuna karqa, umankuna patapitaj Diosta phiñachinapaj jina millay sutikuna karqa.

Apocalipsis 17:12

Jinallataj chay chunka wajrakunata rikusqaykeqa chunka kamachejkuna kallankutaj. Paykuna manaraj kamachiyta qallarinkurajchu. Chaywanpis sierpewan khuska uj phanita jinalla kamachinankupaj atiyta jap'enqanku.

Apocalipsis 17:7

Angeltajrí niwarqa: Imaraykutaj t'ukunkiri? Chay warmimanta yachay mana atina ima niytachus munasqanta willasqayki, warmita apaj sierpemantawan ima, mayqenchus qanchis umayoj, chunka wajrayojtaj, chaymanta.

Apocalipsis 17:8

Chay rikusqayki sierpe ñawpajta karqa, kunantajrí manaña kanchu. Chaywanpis manaraj wiñaypaj chinkachisqa kashaspa, ukhu pachamanta ujtawan rikhurimonqa. Kay pacha ruwasqa kasqanmantapacha pikunaj sutinkuchus kawsay p'anqapi mana listasqachu kashan, chaykunaqa sierpeta rikuspa, t'ukonqanku. Chay sierpeqa ñawpajta karqa, kunantaj manaña kanchu, chaywanpis kutimonqarajmin.