Daniel (hebreo) 7:24 - DIOSPA QHELQACHISQ

²⁴ Chay chunka wajrakunataj chunka kuraj kamachejkunawan ninakunku, chaykunataj chay suyupi kamachenqanku. Paykunaj qhepankutarí waj kuraj kamachejñataj rikhurimonqa. Chay kuraj kamachejtaj waj jinapuni kanqa, ñawpajta karqanku, chaykunamanta nisqaqa. Payqa chay chunka kuraj kamachejkunamanta kinsata chinkachenqa.

Qheshwa Biblia DC

²⁴ Chunka wajrastaj chunka reyes kanku. Paykuna chay reinopi kamachenqanku. Paykunaj qhepanta wajñataj wicharenqa kamachinampaj. Chay kamachejtaj waj jinapuni kanqa ñaupajta karqanku chaykunamantaqa. Urmachenqataj chay reykunamanta kinsata.

DIOSPA QHELQACHISQAN DEUTEROCANONICAL

²⁴ Chay chunka wajrakunataj chunka kuraj kamachejkunawan ninakunku, chaykunataj chay suyupi kamachenqanku. Paykunaj qhepankutarí waj kuraj kamachejñataj rikhurimonqa. Chay kuraj kamachejtaj waj jinapuni kanqa, ñawpajta karqanku, chaykunamanta nisqaqa. Payqa chay chunka kuraj kamachejkunamanta kinsata chinkachenqa.

Daniel (hebreo) 7:24 ပူးပေါင်းရင်းမြစ်များ

Daniel (hebreo) 11:36

Wichaymanta kaj kuraj kamachejqa munasqanta ruwanqa. Maytapuni jatunchakonqa, jinataj tukuy dioskunamanta aswan kasqanta yuyakonqa. Cheqan kaj Diospa contrantapis manchay millayta parlallanqataj. Paytataj tukuy imapi allin renqa, Dios payta jasut'inankama, imaraykuchus imatachus Dios ruwanan karqa, chayta junt'anqapuni.

Daniel (hebreo) 2:41

Kamachejníy, chay lantej chakinpi, jinataj ruk'ananpipis rikorqanki khuskan fierromanta, khuskantaj t'urumanta kasqanta, icharí? Chay niyta munan qhepa kaj suyoqa t'aqanasqa kananta. Wakenqa fierro jina sinch'i kanqa, imaynatachus fierrowan t'uruwan chajrusqata rikorqanki, ajina.

Daniel (hebreo) 7:20

Munallarqanitaj astawan yachayta chay chunka wajrakunamanta, juch'uy kaj wajramantawan, mayqenchus ñawiyoj kasqa, runaykachaspataj jatuchaj imakunata parlasqa, chaymanta. Chay juch'uy wajra wiñananpaj, kinsa wajrakuna sik'isqa kasqanku, chay wajrataj chay ujkunamanta astawan jatunman rijch'awarqa.

Daniel (hebreo) 7:23

Chantá pay sut'inchawarqa: Tawa kaj animalqa tawa kaj suyuwan ninakun, chay suyutaj tukuy kay pachapi kamachenqa. Chantá chay ujkunamanta waj jina kaspa, paykunata oqoykonqa, saruraspataj phiriykonqa.

Apocalipsis 12:3

Jinallataj janaj pachapi runaj mana jayk'aj rikusqan waj t'ukuna rikhurillarqataj: Uj jatun puka sierpe rikhurerqa. Chay sierpeqa qanchis umayoj, chunka wajrayoj karqa, sapa umanpitaj pilluyoj.

Apocalipsis 13:1

Chantá noqa mama qochamanta waj sierpeta rikhurimojta rikullarqanitaj. Chayqa chunka wajrayoj karqa, qanchis umayojtaj. Chay sierpej wajrankuna patapi chunka pillukuna karqa, umankuna patapitaj Diosta phiñachinapaj jina millay sutikuna karqa.

Apocalipsis 17:3

Chantá Santo Espíritu mosqoypi jina rikuchiwasqanpi angelqa ch'innejman pusawarqa, chaypitaj uj warmita rikorqani. Chay warmeqa puka sierpej patanpi tiyasqa kasharqa, chay sierpetaj Diospaj millayta rimaj sutikunawan junt'a karqa. Jinallataj qanchis umayoj, chantá chunka wajrayoj ima karqa.