Daniel (hebreo) 7:18 - DIOSPA QHELQACHISQ

¹⁸ Chay qhepatarí Patapi Kaj Dios ayllunman kamachina atiyta qonqa, paykunataj wiñaypaj kamachenqanku, nispa.

Qheshwa Biblia DC

¹⁸ Chay qhepatataj reinoqa, jatun atiyniyoj Diospa ayllunman qosqa kanqa, paypatataj kanqa wiñaynintimpaj.

DIOSPA QHELQACHISQAN DEUTEROCANONICAL

¹⁸ Chay qhepatarí Patapi Kaj Dios ayllunman kamachina atiyta qonqa, paykunataj wiñaypaj kamachenqanku, nispa.

Daniel (hebreo) 7:18 ပူးပေါင်းရင်းမြစ်များ

Salmos 45:16

16 (17) Kamachejníy, churiykikunaqa ñawpa tataykikunaj cuentanpi kamachinankupaj tiyaykonqanku. Paykunatataj tukuy kay pachapi kamachinankupaj churanki.

Salmos 49:14

14 (15) Chay runakunata michejqa wañuymin, jinataj paykunata ovejapis kankuman jina jallp'aj sonqonman pusan. Chaypi allin rijch'ayninku tukukaponqa, jallp'aj sonqontaj wasinku kaponqa. Sut'iyamojtintaj, cheqan runakuna paykunata kamachenqanku.

Isaías 14:2

Waj suyukuna israelitakunata yanapanqanku jallp'ankuman kutimpunankupaj. Chay runakunataj Diospa jallp'anpi israelitakunaj wata runanku kanqanku. Chantá israelitakunañataj, pikunachus paykunata ñak'arichejkunata presochanqanku, munayninkutataj paykunawan ruwanqanku, pikunachus israelitakunata llakichej kanku, chaykunawan.

Daniel (hebreo) 7:14

Chantá payman qosqanku tukuy atiyta may jatunchasqa kananpaj, tukuy kaj chhikata kamachinanpaj ima, ajinamanta tukuy suyukunamanta kajkuna, tukuy parlayniyoj kajkuna ima kamachiyninpi kanankupaj. Chaymantapachataj wiñaypaj kamachenqa, kamachinantaj mana jayk'ajpis tukukonqachu.

Daniel (hebreo) 7:17

Paytaj kutichiwarqa: Kay tawa jatuchaj animalkuna tawa kamachejkunawan ninakunku. Paykuna tukuy kay pachapi kamachenqanku.

Daniel (hebreo) 7:22

Chayllapi Wiñaymantapacha Kajqa ayllunpaj justiciata ruwananpaj chayamorqa, imaraykuchus Diospa ayllun kamachiyta jap'inankupaj p'unchay chayamusqaña.

Daniel (hebreo) 7:25

Chantá janaj pachapi kaj Diospa contranta rimanqa, Diospa aylluntapis ñak'arichillanqataj. Jinallataj Diospa kamachisqankunata, rayminkunata ima waj jinaman tukuchiyta munanqa. Ajinamanta Diospa ayllun kinsa wata khuskanniyojta makinpi kanqa.

Daniel (hebreo) 7:27

Chantá kay pachapi kamachinapaj atiywan, kallpawan, jatunchasqa kaywan ima Patapi Kaj Diospa ayllunman qosqa kanqa. Paypa kamachiynenqa wiñaypaj kanqa, jinataj kay pachapi kaj chhika suyukuna payta kasonqanku, munaynintataj ruwanqanku, nispa.

Abdías 1:17

Chaywanpis Sión orqoqa Diospaj t'aqasqa nisqa kanqa. Chayman wakinkuna ayqekuyta atenqanku. Jacob ayllumanta kajkuna jallp'ankuta watej chayaqeta jina jap'ikapullanqankutaj.

San Lucas 1:33

Chantá payqa israelitakunata wiñaypaj kamachenqa, kamachiynintaj mana jayk'ajpis tukukonqachu, nispa.

1 Corintios 6:2

Manachu yachankichej qhepanejman Diosta qhatejkuna Diosman mana kutirikojkunata juzgananchejta? Qankunachus Diosta mana qhatejkunata juzgankichej chayqa, manachu kunan atinkichej mana kasu ruwana imakunata juzgaytaqa?

Efesios 1:3

Tukuyta Kamachej Jesucristonchejpa Tata Diosninta yupaychana, imaraykuchus Cristoman ujchasqa kasqanchejrayku, Santo Espirituman jina janaj pachapi tukuy imaymanamanta saminchaykuwanchej.

Efesios 6:12

Noqanchej mana runawanchu maqanakushanchej, manachayqa atiyniyoj kamachej supaykunawan. Paykuna janajmantapacha laqhayaypi kawsaj runakunata kamachinku, munasqankuta ruwachispa.

Apocalipsis 20:4

Rikullarqanitaj kamachina tiyanakunata, chaykunapitaj tiyakusharqanku, pikunachus juzganankupaj atiyta jap'erqanku, chaykuna. Umanku qholusqa kajkunaj almankutapis rikullarqanitaj, pikunachus Jesusmanta, chantá Diospa simi nisqanmanta ima willasqankurayku wañuchisqa kasqanku, chaykunata. Paykunaqa sierpeta, lantintapis mana yupaychasqankuchu, manallataj mat'inkupi, chayrí makinkupipis marcanwan marcachikusqankuchu. Kunantajrí paykuna kawsarimpuspa, Cristowan khuska waranqa watata kamacherqanku.

Apocalipsis 22:5

Chaypi tutaqa manaña kanqachu. Manataj lamparaj k'anchananqa kanqañachu, nitaj inti k'anchananpis, imaraykuchus Dios, pichus Tukuyta Kamachej Kajqa paykunata k'anchanqa. Chantá Diospa kamachinkuna wiñaypa wiñaynintinpaj kamachenqanku.

Apocalipsis 3:21

Tukuy atipajkunaqa kamachinay tiyanapi noqawan tiyanqanku, imaynatachus noqapis atipaspa Tataywan khuska kamachinan tiyanapi tiyaykukorqani, ajinata.

Apocalipsis 5:10

Jinallataj paykunata ruwarqanki Diosninchejpaj kuraj kamachejkuna, chantá sacerdotekuna ima kanankuta, paykunataj kay pachapi kamachenqanku, nispa.