Daniel (hebreo) 7:13 - DIOSPA QHELQACHISQ

¹³ Chay tutapi mosqoypi jina rikusqayta qhawashaspallapuni, runaj churinman rijch'akojta phuyu chawpipi jamushajta rikorqani. Payqa, maypichus Wiñaymantapacha Kaj kasharqa, chayman risqa, paytataj Wiñaymantapacha Kajman qayllachisqanku.

Qheshwa Biblia DC

¹³ Noqa qhawashallarqanipuni chay mosqoypi jina rikhurejkunata tutapi. Rikorqani phuyus chaupipi jamojta; uj runaman rijch'akojta. Paytaj rerqa maypichus Anciano kasharqa chayman, paymantaj qayllaykucherqanku.

DIOSPA QHELQACHISQAN DEUTEROCANONICAL

¹³ Chay tutapi mosqoypi jina rikusqayta qhawashaspallapuni, runaj churinman rijch'akojta phuyu chawpipi jamushajta rikorqani. Payqa, maypichus Wiñaymantapacha Kaj kasharqa, chayman risqa, paytataj Wiñaymantapacha Kajman qayllachisqanku.

Daniel (hebreo) 7:13 ပူးပေါင်းရင်းမြစ်များ

Salmos 110:2

Sionmantapacha Tata Dios kamachinayki varata qosunki, awqaykikunata kamachinaykipaj.

Salmos 2:8

Mañakuway suyukunata chayaqeykipaj qosunayta, noqataj tukuy kay pachata qosqayki.

Salmos 47:5

5 (6) Tata Diosqa kamachinan tiyanaman tiyaykun, runakuna kusiymanta qhaparishajtinku, trompetata waqachishajtinku ima.

Jeremías 49:19

Mana yuyasqaykichej p'unchaypi noqaqa jamusaj, imaynatachus Jordán mayu kantupi ch'umimanta león imata jina llojsimun sumaj wira uywakunata jap'inanpaj, ajinata. Edommanta kajkunatataj chaymanta ayqechisaj. Chantá pitachus noqa ajllasaj, chayta kamachinanpaj churasaj. Pitaj noqa jina kanmanri? Pitaj noqaman sayaykuwayta atinmanri? Mayqen michejtaj ñawpaqeyman churanakoj jamuwanmanri?

Ezequiel 1:26

Chay qhatasqaj patanpitaj uj kamachina tiyanata jina rikorqani. Chay tiyanataj zafiro sutiyoj lliphipirishaj rumimanta ruwasqaman rijch'akorqa. Chay kamachina tiyanapitaj uj runaman rijch'akojta tiyasqata rikorqani.

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Daniel (hebreo) 7:12

Ajinallatataj chay ujkuna animalkunamantapis kamachina atiyninkuta qhechusqanku. Chaywanpis wañunanku p'unchay chayamunankama, paykunata kawsajta saqellasqanku.

Daniel (hebreo) 7:2

Noqa mosqoyniypi rikorqani mama qochata tukuynejmanta wayra qhollchoqeyachisqanta.

Daniel (hebreo) 7:22

Chayllapi Wiñaymantapacha Kajqa ayllunpaj justiciata ruwananpaj chayamorqa, imaraykuchus Diospa ayllun kamachiyta jap'inankupaj p'unchay chayamusqaña.

Daniel (hebreo) 7:9

Qhawashallajtiypuni, kamachina tiyanakuna churasqa kasqanku. Chantá Wiñaymantapacha Kajqa chaypi tiyarikusqa. Paypa p'achan rit'i jina yuraj kasqa, umanpi chujchantaj yuraj rit'i millma jina kasqa. Kamachina tiyanaj ruedankunapis lawraj nina jina kasqanku,

Daniel (hebreo) 8:15

Noqa Daniel, mosqoypi jina rikusqayta qhawashaspa, imatachus niyta munasqanta yachayta munarqani. Jinallapi ñawpaqeypi sayashaj runaman rijch'akoj rikhurerqa.

San Mateo 13:41

Runaj Churin kamachiyta qallarishaspa, angelninkunata kachamonqa, kamachiyninmanta orqhonankupaj runata juchallichejkunata, millayta ruwajkunatawan ima.

San Mateo 24:30

Chaypacha Runaj Churinpa jamuyninmanta señal janajpi rikhurimonqa. Jinapitaj tukuy kay pachapi ayllukuna mayta manchachikuspa, waqanqanku. Chantá paykuna Runaj Churinta janaj pachamanta phuyu patapi jamushajta rikuwanqanku, jatun atiywan, jatun kayniypa lliphipiyninwan ima.

San Mateo 25:31

Maypachachus Runaj Churin kuraj kamachej jina jatun kayninpa lliphipiyninpi, tukuy angelninkuwan jamonqa chaypacha, lliphipej kamachinan tiyanapi tiyaykukonqa.

San Mateo 26:64

Jesustaj kuticherqa: Arí, qan ninki. Astawanqa niykichej: Kunanmanta ñawpajman Runaj Churinta rikunkichej Tukuy Atiyniyoj Diospa pañanpi tiyashajta, jinallataj phuyu patapi janaj pachamanta jamushajta ima, nispa.

San Mateo 28:18

Chantá Jesús qayllaykuspa, paykunata nerqa: Tata Diosneyqa kamachinapaj tukuy atiyta qowan janaj pachapi, kay pachapipis.

San Mateo 8:20

Jesustajrí kuticherqa: Atojkunajtaqa qaqapi jusk'unku tiyan, p'isqokunapis thapayojllataj kanku. Runaj Churinpajtarí, mana maypichus samarinallanpajpis kanchu, nispa.

Marcos 13:26

Chaypacha Runaj Churinta phuyupi jamushajta rikonqanku, jatun atiywan, jatun kayninpa lliphipiyninwan ima.

San Lucas 21:27

Chantá runakuna chaypacha rikonqanku Runaj Churinta phuyupi jamushajta, manchay atiywan, jatun kayninpa lliphipiyninwan ima.

San Lucas 21:36

Qankunarí wakichisqapuni kaychej ari, tukuy tiempo Diosmanta mañarikuspa chay tukuy ima jamoj llakiymanta llusp'inaykichejpaj, ajinamanta Runaj Churinpa ñawpaqenpi mana manchachikuspa rikhuriyta atinaykichejpaj, nispa.

San Lucas 24:27

Chay ratopacha Jesús sut'inchayta qallarerqa, Diospa Qhelqachisqanpi paymanta imatachus nisqanta, Moisespa qhelqasqanmanta qallarispa, Diosmanta tukuy sut'inchajkunaj qhelqasqankumantawan.

San Juan 12:34

Chay runakunatajrí payta nerqanku: Noqayku kamachisqa qhelqasqata ñawirispa, yachayku Cristoqa wiñaypaj kawsananta. Jina chayqa, imaraykutaj qan nishanki Runaj Churin cruzman chakatasqa kanantari? Pitaj chay Runaj Churinri? nispa.

San Juan 3:13

Mana pipis janaj pachaman rerqachu, manachayqa Runaj Churillan janaj pachamanta urayk'amorqa.

San Juan 5:27

Jinallataj Tata Dios payman tukuyta juzgananpaj atiyta qollarqataj, imaraykuchus paymin Runaj Churenqa.

Hechos 7:56

Chantá pay nerqa: Qhawariychej, janajta kichasqata rikushani, Runaj Churintataj Diospa pañanpi sayashajta, nispa.

1 Tesalonicenses 4:17

Chantá noqanchejpis, pikunachus chaykama kawsashajkunaqa paykunawan khuska phuyukunapi oqharisqa kasunchej, Tukuyta Kamachej Jesuswan tinkunanchejpaj. Chaymantapachataj Tukuyta Kamachej Jesuswan wiñaypaj kasunchej.

1 Timoteo 6:16

Pay k'atamin ni jayk'aj wañojqa, payllatajmin mana chimpay atina k'anchaypi tiyakojqa. Payta mana pipis rikorqachu, nitaj pipis rikuyta atinchu. Ajina kasqanrayku pay jatunchasqapuni kachun, may jatun atiynintaj wiñaypa wiñaynintinpaj kachun. Ajina kachun.

Hebreos 2:14

Chay wawakunaqa aychayoj, yawarniyojtaj kanku. Ajinallataj Cristopis paykuna jina kananpaj aychallikorqa, cruzpi wañuspa Kuraj Supayta atipananpaj, pichus runakunata wañuchinanpaj atiyniyoj karqa, chayta.

Hebreos 9:24

Cristoqa mana runakunaj ruwasqan toldomanchu yaykorqa, mayqenchus cheqa kajpa rijch'aynillan karqa, chayman. Manachayqa pay kikin janaj pachamanpuni yaykorqa, Diospa ñawpaqenpi rikhurispa noqanchejrayku Diosmanta mañapunawanchejpaj.

Apocalipsis 1:13

Chay qanchis lamparakunaj chawpinpitaj Runaj Churinman rijch'akojta rikorqani, qhoysu p'achayojta, qhasqontaj qorimanta ruwasqa chumpiwan chumpisqata.

Apocalipsis 1:18

chantá pichus kawsaj. Wañusqa karqani, kunantajrí wiñay wiñaypaj kawsashani. Noqallataj runakunata wañusqamanta kawsarichinaypaj atiyniyoj kani, jinallataj ukhu pachaj llaventawan jap'ishani.

Apocalipsis 1:7

Qhawaychej: Cristo phuyupi jamushan. Tukuy runakuna payta rikonqanku, jinallataj payta t'ojsejkunapis. Kay pachapi kaj chhika runakuna payta manchachikuspa, manchayta waqanqanku. Arí, ajina kachun.

Apocalipsis 14:14

Chantá qhawashajtillay, uj yuraj phuyu rikhurerqa, chay phuyu patapitaj Runaj Churinman rijch'akoj tiyasqa kasharqa. Payqa umanpi qori pilluyoj karqa, makinpitaj sumaj filochasqa hozeta jap'isharqa.