Daniel (hebreo) 7:1 - DIOSPA QHELQACHISQ

¹ Babilonia suyupi kuraj kamachej Belsasar kamachiyta qallarisqan watapi, Daniel ujta mosqokorqa, chay mosqoypitaj tukuy imata rikorqa. Rijch'arispataj, mosqoypi jina rikusqanta qhelqarqa. Kaymin chay qhelqasqanqa:

Qheshwa Biblia DC

^1-2 Uj tuta, Belsasar ñaupaj watata Babiloniapi rey kashajtin, Danielqa mosqoynimpi jina ashkha imasta rikorqa. Rijch'arispataj chay ratopacha qelqaykorqa mosqoynimpi rikusqasninta. Kaytaj chay qelqasqanqa: Noqa rikorqani mosqoyniypi, tawantin wayras janaj pachamanta phukumuspa, jatun qhochapi kaj yakusta qhollch'uqachejta.

DIOSPA QHELQACHISQAN DEUTEROCANONICAL

¹ Babilonia suyupi kuraj kamachej Belsasar kamachiyta qallarisqan watapi, Daniel ujta mosqokorqa, chay mosqoypitaj tukuy imata rikorqa. Rijch'arispataj, mosqoypi jina rikusqanta qhelqarqa. Kaymin chay qhelqasqanqa:

Daniel (hebreo) 7:1 ပူးပေါင်းရင်းမြစ်များ

Génesis 15:1

Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Génesis 46:2

Chantá chay ch'isi Dios mosqoypi jina sutinmanta wajyaspa, Israelwan parlarqa: Jacob, Jacob, nispa. Paytaj kuticherqa: Kaypi kashani, nispa.

Job 4:13

Ch'isin tukuy runakuna misk'ita puñushajtinku, mosqokuspa mancharinapaj jina muspharqani.

Isaías 30:8

Kunanqa jamuy, mosqoypi jina rikusqaykita uj p'anqaman qhelqaykuy, qhepanejman wiñaypaj testigo jina kananpaj.

Isaías 8:1

Tata Dios niwarqa: Uj qhelqana tablata jap'ispa, chayman sut'ita qhelqay Maher Salal Jasbaz sutita.

Jeremías 23:28

Sichus uj sut'inchaj mosqokun chayqa, imatachus mosqokuspa rikusqanta willachun. Nisqayta uyarejtajrí chayta maychus kajta willachun. Trigowan, pajawanqa mana kikillanchu kanku.

Jeremías 27:7

Tukuy suyukuna Nabucodonosorpa, churinpa, chantá allchhinpa kamachiyninpi ima kanqanku. Chay kanqa kikin Babilonia suyu atipasqa kanan p'unchay chayamunankama. Chaypacha waj jatuchaj suyukuna, jinataj atiyniyoj kuraj kamachejkuna payta atipanqanku.

Jeremías 36:32

Chantá Jeremías qaramanta ruwasqa waj p'anqata jap'ispa, qhelqerin Neriaspa churin Barucman jaywarqa. Paytaj Jeremiaspa tukuy nisqanta qhelqarqa, mayqenchus Judata kuraj kamachej Joacinpa ruphachisqan p'anqapi qhelqasqa karqa, chay tukuyta. Jeremiastaj ñawpajta qhelqachisqanman waj imakunatawan yapacherqa.

Jeremías 36:4

Chantá Jeremías Neriaspa churin Baructa wajyaspa, kamacherqa Tata Diospa tukuy nisqanta qhelqananta. Baructaj uj qaraman qhelqaykorqa.

Ezequiel 1:1

Kinsa chunka kaj watapi, tawa kaj killamanta phishqa kaj p'unchayninpi noqaqa Quebar nisqa mayu kantupi kasharqani, Judamanta Babiloniaman apasqa runakunaj chawpinkupi. Chantá jinallaman janaj pacha kicharikorqa, Tata Diostataj mosqoypi jina rikorqani.

Ezequiel 40:2

Diosqa mosqoypi jina Israelpa suyuman pusamuwarqa, uj jatun orqo patamantaj sayaykuchiwarqa. Chaymanta uraynejpi uj jatun llajtaman rijch'akojta rikorqani.

Daniel (hebreo) 1:17

Chantá Diosqa chay tawa waynakunaman sumaj yachayta, yuyayniyoj kayta ima qorqa, imaymana qhelqakunata rejsinankupaj chantá entiendenankupaj ima. Chantapis Diosqa Danielman yachayta qollarqataj mosqoypi jina rikuykunata, mosqoykunatapis sut'inchananpaj.

Daniel (hebreo) 2:1

Nabucodonosor iskay watataña kamachishaspa, imaymana mosqoykunata mosqokorqa. Chayrayku pay mosqokusqanpi yuyaspa, puñuytapis mana aterqachu.

Daniel (hebreo) 2:26

Jinapi Daniel, pitachus babiloniokuna Beltsasar sutiwan sutichasqanku, chayqa kuraj kamachejpa ñawpaqenpi sayashajtin, kuraj kamachej payta nerqa: Atiwajchu niwayta imatachus mosqokusqayta, chay mosqoyniytaj imatachus niyta munasqanta? nispa.

Daniel (hebreo) 4:13

13 (10) Ajinata mosqokushaspa, kaymanta jinalla uj angelta rikorqani janaj pachamanta urayk'amojta.

Daniel (hebreo) 4:5

5 (2) Chaywanpis uj ch'isi puñushajtiy, mosqokusqay mancharichiwarqa, jinallataj imaymana yuyaykuna, rikuykunataj musphachiwarqa.

Daniel (hebreo) 5:1

Aswan qhepaman Babiloniapi Belsasarñataj kuraj kamachej kaspa, suyunmanta waranqa kurajkunata uj jatun raymiman wajyacherqa. Chantá kuraj kamachejqa wajyarisqa kurajkunawan khuska ashkha vinota ujyarqanku.

Daniel (hebreo) 5:22

Qantajrí, kuraj kamachej Belsasar, Nabucodonosorpa churin kashaspa, tataykiwan imachus kasqanta yacharqanki. Chaywanpis mana k'umuykorqankichu.

Daniel (hebreo) 5:30

Chaywanpis chay ch'isinpacha caldeokunaj kuraj kamachejninku Belsasar wañuchisqa karqa.

Daniel (hebreo) 7:13

Chay tutapi mosqoypi jina rikusqayta qhawashaspallapuni, runaj churinman rijch'akojta phuyu chawpipi jamushajta rikorqani. Payqa, maypichus Wiñaymantapacha Kaj kasharqa, chayman risqa, paytataj Wiñaymantapacha Kajman qayllachisqanku.

Daniel (hebreo) 7:15

Chantá noqa Daniel, chay tukuyta rikuspa, mayta llakikorqani sonqoypitaj pawichikorqani.

Daniel (hebreo) 7:7

Chantá tawa kaj animalta rikorqani, chaytaj ancha mancharina jina kasqa, manchachikunapaj jinapuni, manchay kallpayojtaj. Jatuchaj fierromanta kirunkunawan tukuy imata chhikan chhikanta mithaspa mikhukapusqa, puchojtataj chakinwan sarurasqa. Kay tawa kaj animal mana chay waj animalkunaman rijch'akusqachu. Umanpipis chunka wajrayoj kasqa.

Daniel (hebreo) 8:1

Kuraj kamachej Belsasar kinsa watataña kamachishajtin, noqa, Daniel ñawpaj mosqoypi jina rikusqaymanta qhepata ujtawan mosqoypi jina ujta rikullarqanitaj.

Joel 2:28

28 (3.1) Kay tukuymanta qhepaman, tukuy runaman Espirituyta kachaykamusaj. Churiykichejkuna, jinataj ususiykichejkunapis noqaj sutiypi sut'inchanqanku. Unayniyoj runakunapis mosqokullanqankutaj. Waynakunapis mosqoypi jina imakunata rikullanqankutaj.

Amós 3:7

Tata Dios manamin imatapis ruwanchu, manaraj ñawpajta paymanta sut'inchajkunaman willaspaqa.

Habacuc 2:2

Tata Diostaj kutichiwarqa: K'anallapi qhelqay, imatachus rikuchisqayki, chayta, jinamanta waj runakuna chayta sumajta ñawirinankupaj.

Números 12:6

Tata Dios nerqa: Kay nisqayta allinta uyariwaychej: Qankuna ukhupi noqamanta sut'inchaj kajtenqa, noqa payman mosqoypi jina rikhurisaj, mosqoynejta ima parlasaj.

Romanos 15:4

Chay unay qhelqasqa karqa noqanchej yachakunanchejpaj. Diospa chay qhelqachisqantaj yanapawanchej pacienciakuspa, sonqochakuspataj suyananchejpaj Dios nisqanta junt'anankama.

2 Corintios 12:1

Noqa kikiy jatunchakuspaqa, mana imatapis tarinichu. Chaywanpis, kunanqa Tukuyta Kamachej Jesús mosqoypi jina imatachus rikuchiwasqanmanta chantá sut'inchawasqanmanta ima willasaj.

Apocalipsis 1:19

Ajinaqa qan imatachus rikusqaykita qhelqay ari, kunan imachus kashan, chantá qhepanejman imachus kanan kashan, chaykunatawan.

Apocalipsis 10:4

Chay qanchis qhon qhonkuna parlamojtinkama, noqa nisqankuta qhelqanaypajña wakichikusharqani. Jinallapi janaj pachamanta nimuwajta uyarerqani: Imatachus chay qanchis qhon qhonkuna nimunku, chayta ama qhelqaychu, manachayqa pakaspa waqaychay, nispa.