Daniel (hebreo) 6:16 - DIOSPA QHELQACHISQ

¹⁶ 16 (17) Chantá kuraj kamachejqa Danielta pusachimuspa, kamacherqa leonkunaj t'oqonkuman wijch'uykunankuta. Chaywanpis manaraj payta wijch'uykushajtinku, kuraj kamachejqa Danielta nerqa: Pitachus tukuy sonqo kasuspa yupaychanki, chay Diosniyki leonkunamanta waqaychasuchun, nispa.

Qheshwa Biblia DC

¹⁶ Chanta reyqa kamacherqa Danielta pusamunankuta, leonespa t'oqonmantaj payta choqaykunankuta. Manaraj chay wañuypaj juchachasqan junt'akushajtin, reyqa Danielta nerqa: Sumajtapuni sirvishanki chay Diosniyki qanta salvasuchun.

DIOSPA QHELQACHISQAN DEUTEROCANONICAL

¹⁶ 16 (17) Chantá kuraj kamachejqa Danielta pusachimuspa, kamacherqa leonkunaj t'oqonkuman wijch'uykunankuta. Chaywanpis manaraj payta wijch'uykushajtinku, kuraj kamachejqa Danielta nerqa: Pitachus tukuy sonqo kasuspa yupaychanki, chay Diosniyki leonkunamanta waqaychasuchun, nispa.

Daniel (hebreo) 6:16 ပူးပေါင်းရင်းမြစ်များ

2 Samuel 3:39

Diospa churasqan kuraj kamachej kani chaypis, mana kallpayoj jina kashani, Seruyáj churinkuna chay millayta ruwasqankurayku. Tata Diosqa chay juchankuman jina kutichipuchun ruwajkunamanqa, nispa.

Job 5:19

Ashkha kutita jatun llakiymanta orqhosonqa, mana allin kajtaj qanman mana chayamusonqachu.

Proverbios 29:25

Runa masita manchachikoyqa tojlla jina. Chaywanpis Tata Diospi atinikojrí mana ni imamanta manchachikuspa purenqa.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Isaías 43:2

Mayuta chimpashajtiyki, noqa qanwan kasaj, manataj mayupis apasonqachu. Nina chawpita purishaspapis, mana ruphachikunkichu, lawrayninpis mana q'aspallasonqapischu.

Jeremías 26:14

Noqawanrí imatachus munasqaykichejta ruwaychej, imaraykuchus makiykichejpiña kashani.

Jeremías 38:5

Jinapi kuraj kamachej Sedequías paykunaman kuticherqa: Jeremiasqa makiykichejpi kashan. Noqa mana imatapis ruwayta atinichu qankunamanta payta jark'akunaypaj, nispa.

Jeremías 38:6

Chantá paykuna Jeremiasta jap'iytawan, kuraj kamachejpa ayllunmanta kaj churin Malquiaspa pujyunman wijch'uykorqanku. Chay pujyoqa kuraj kamachejpa wasinta qhawajkunaj pation chawpipi karqa, chaymantaj Jeremiasta waskhawan wataykuspa urayk'ucherqanku. Chay pujyupi mana yaku kasqachu, manachayqa t'urulla, chaypitaj Jeremías t'uruman chinkaykorqa.

Jeremías 39:17

Chaywanpis noqa waqaychasqayki, pikunatachus manchachikushanki, chay runakunaj makinkuman ama urmanaykipaj. Noqa Tata Diosmin chayta nini.

Daniel (hebreo) 3:15

Kunanrí ujtawan pututoj waqasqanta, chay waj tocanakunaj waqasqanta ima uyariytawan, pampakama k'umuykuspa lanti ruwachisqayta yupaychankichejchu, chayrí manachu? Sichus lantiyta mana yupaychankichej chayqa, chaypachapacha sumaj parichisqa hornoman wijch'uykusqa kankichej. Chaypacha, ima diostaj qankunata makiymanta kacharichiyta atisunkichejmanri? nispa.

Daniel (hebreo) 3:17

Noqayku yupaychayku, chay Diosniykumá nina lawrashaj hornoman wijch'uykuwasqaykumanta qhespichiyta atiwayku. Jinallataj qan mana allin kajta ruwanawaykuta yuyashanki, chaymantapis kacharichiwasqayku.

Daniel (hebreo) 3:28

Chantá kuraj kamachej Nabucodonosor jatunmanta qhaparerqa: Yupaychasqa kachun Sadracpata, Mesacpata, Abednegojpatawan Diosninku, pichus angelninta paykunata waqaychananpaj kachamorqa, chay. Kuraj kamachej kajtiypis, kamachisqayta mana kasorqankuchu. Aswanpis wañuyta mana manchachikuspa, Diosninkumanta jawa waj diosman manapuni k'umuykorqankuchu nitaj yupaycharqankuchu.

Daniel (hebreo) 6:20

20 (21) Chantá may llakisqa qayllaykuspa, Danielta wajyarqa: Daniel, kawsaj Diospa kamachin, pitachus tukuy sonqo kasuspa yupaychanki, chay Diosniyki leonkunamanta kacharichisuyta aterqachu? nispa.

Daniel (hebreo) 6:7

7 (8) Kay suyumanta tukuy kurajkuna, tukuy kamachejkuna, soldadokunata kamachejkuna ima tantakorqayku, chaypitaj yuyaychakorqayku qan kuraj kamachej jina ujta kamachinaykita. Kay jinata kamachiwaj: Kinsa chunka p'unchayta ama pipis imatapis mañakuchunchu ni mayqen diosmanta, nitaj runamantapis, manachayqa qanllamanta. Sichus pipis chay kamachisqata mana kasukonqa chayqa, maypichus leonkuna wisq'asqa kashanku, chayman wijch'uykusqa kachun, nispa kamachinki.

Hechos 24:27

Jinapis judiokunaman allin rijch'ayta munaspa, Felixqa mana Pablota carcelmanta kacharicherqachu. Iskay watanmantaj, Felixpa cuentanmanta Porcio Festo sutiyojñataj kamachinanpaj yaykorqa.

Hechos 25:11

Chayrayku, sichus imatapis wañuchisqa kanaypaj jina ruwani chayqa, wañuchinawaykichejta mana manchachikunichu. Tumpawasqanku mana jina kajtinrí, ni pi atinchu paykunaman jaywaykuwayta. Aswanpis kuraj kamachej Cesarpa ñawpaqenpipuni juzgasqa kanay tiyan, nispa.

Hechos 25:9

Kamachej Festorí judiokunaman allinta rijch'ayta munaspa, Pablota taporqa: Qan Jerusalenman riyta munawajchu, chaypi kay imakunamanta noqa juzgasunaypaj? nispa.

Romanos 13:3

Chayqa ajina, imaraykuchus kamachejkunaqa mana pikunachus allin kajta ruwajkunatachu manchachinankupaj churasqa kanku, manachayqa mana allin kajta ruwajkunata. Qan munawajchu kamachejkunaj ñawpaqenpi mana manchachikuspa kawsakuyta? Allinta ruwaspa puriy, kamachejtaj qanmanta allinta parlanqa.

2 Corintios 1:10

Diostaj wañunaykumanta waqaychawarqayku. Paymin waqaychawayku jinallataj paypi atinikuyku aswan qhepamanpis waqaychanallawaykutapuni.