Daniel (hebreo) 5:30 - DIOSPA QHELQACHISQ

³⁰ Chaywanpis chay ch'isinpacha caldeokunaj kuraj kamachejninku Belsasar wañuchisqa karqa.

Qheshwa Biblia DC

³⁰ Chay ch'isimpacha caldeokunaj Belsasar reyninkuta wañucherqanku. Mediamanta rey Dariotaj reinota jap'ikaporqa. Dariotaj chaypachaqa sojta chunka iskayniyoj watayoj kasharqa.

DIOSPA QHELQACHISQAN DEUTEROCANONICAL

³⁰ Chaywanpis chay ch'isinpacha caldeokunaj kuraj kamachejninku Belsasar wañuchisqa karqa.

Daniel (hebreo) 5:30 ပူးပေါင်းရင်းမြစ်များ

Isaías 47:9

Chaywanpis kay iskaynin llakiykuna ujllata, uj p'unchayllapi qhatirisonqa: Ujllapi mana wawayoj, mana qosayojtaj rikhurinki. Chay jina yatiriyoj, layqayoj kashajtiykipis, chay llakiykunaqa kaymanta jinalla chayamusonqapuni.

Jeremías 50:24

Babilonia suyu, urmanaykipaj noqa tojllata churarqani, mana reparaspataj, chayman urmaykorqanki. Chaypi jap'ichikuspa, presochasqa rikhurerqanki, noqa Tata Diospa contrayta sayaykusqaykirayku.

Jeremías 51:11

Tata Diosqa Babiloniata tukuchiyta munan. Media suyumanta kuraj kamachejkunata rijch'arichispa, tanqamun. Chaymin Tata Diospa vengakuynenqa, Templonta imatachus ruwasqankumanta. Flechanapaj arcoykichejta, jark'akuna escudoykichejtataj oqhariychej.

Jeremías 51:31

Qhepan qhepanta kachakuna Babiloniamanta kuraj kamachejman willamoj rinku, tukuynin llajtata jap'isqankuta willanankupaj.

Jeremías 51:39

Manchayta q'oñirishajtinku, jatun mikhuyta wakichipusaj, paykunatataj ujyachispa machaykuchisaj kusikunankupaj. Chaywanpis paykuna wiñaypaj puñukaponqanku, manataj ujtawan rijch'arikonqankuchu. Noqa Tata Diosmin chayta nini.

Jeremías 51:57

Tukuy Atiyniyoj Tata Dios sutiyoj Tukuyta Kamachej nin: Babiloniamanta kurajkunata machaykuchisaj. Jinallataj yachayniyoj runakunata, kamachina wasipi kamachejkunata, kuraj kamachejta yanapajkunata, chantá soldadonkunata ima machaykuchillasajtaj. Paykunaqa wiñaypaj puñukaponqanku mana rijch'arimuyniyojta.

Amós 6:7

Chayrayku qankuna ñawpajta waj suyuman apasqa kankichej, ajinataj raymiykunapi munasqaykichejta ruwasqaykichej tukukonqa.