Daniel (hebreo) 5:23 - DIOSPA QHELQACHISQ

²³ Aswanqa janaj pachapi kaj Tukuyta Kamachej Diospa contranpi oqharikorqanki, kamacherqankitaj Templonmanta apamusqa vasokunata orqhomunankuta. Chantá chay vasokunapi warmiykikunawan, chantá waj warmiykikunawan, jinataj pikunatachus raymiman wajyarakorqanki, chaykunawan khuska vinota ujyarqankichej. Chay jawataj waj dioskunata, qorimanta, qolqe metalmanta, broncemanta, fierromanta, k'ullumanta, rumimanta ruwasqa dioskunata yupaycharqanki. Chay dioskunaqa mana rikunkuchu, manataj uyarinkuchu, nitaj imatapis yachankuchu. Diostatajrí mana jayk'ajpis yupaycharqankichu, pejpa makinpichus kawsayniyki, tukuy ruwasqayki ima kashan, chay Diosta.

Qheshwa Biblia DC

²³ Aswampis, janaj pachapi kaj Señorpa contrampi asiykukorqanki, kamacherqankitaj templomanta vasosta orqhomunankuta, chay vasospitaj vinota ujyarqankichej wajyarakorqanki chaykunawan khuska, yupaychankitaj waj dioskunata, qorimanta, qolqemanta, broncemanta, fierromanta, k'aspimanta, rumimanta ima ruwasqa dioskunata. Chay dioskunaqa mana rikunkuchu, mana uyarinkuchu, nitaj imatapis yachankuchu. Manataj jayk'ajpis Diostaqa yupaychankichu, paypa makimpi kausayniyki kashan, tukuy ima ruwanaykipis paymanta kashan.

DIOSPA QHELQACHISQAN DEUTEROCANONICAL

²³ Aswanqa janaj pachapi kaj Tukuyta Kamachej Diospa contranpi oqharikorqanki, kamacherqankitaj Templonmanta apamusqa vasokunata orqhomunankuta. Chantá chay vasokunapi warmiykikunawan, chantá waj warmiykikunawan, jinataj pikunatachus raymiman wajyarakorqanki, chaykunawan khuska vinota ujyarqankichej. Chay jawataj waj dioskunata, qorimanta, qolqe metalmanta, broncemanta, fierromanta, k'ullumanta, rumimanta ruwasqa dioskunata yupaycharqanki. Chay dioskunaqa mana rikunkuchu, manataj uyarinkuchu, nitaj imatapis yachankuchu. Diostatajrí mana jayk'ajpis yupaycharqankichu, pejpa makinpichus kawsayniyki, tukuy ruwasqayki ima kashan, chay Diosta.

Daniel (hebreo) 5:23 ပူးပေါင်းရင်းမြစ်များ

Génesis 14:19

Chantá pay Abramta kay jinata samincharqa: Patapi Kaj Dios saminchasuchun, pichus janajta, kay pachatawan ruwaj, chay.

Génesis 2:7

Chantá Tata Dios runata jallp'amanta ruwarqa, senqanmantaj kawsay samayta samaykorqa. Ajinamanta runaqa kawsajman tukorqa.

2 Reyes 14:10

Yachani edomitakunata atipasqaykita, chayraykutaj runaykachashasqaykita. Walejpacha, runaykachallay ari. Chaywanpis wasillaykipi qhepakunayki aswan walej kanman. Imapajtaj maqanakuyta mask'awajri? Chayqa qanpajpis, Judá suyupajpis llakiyllata apamonqa, nispa.

Job 12:10

Tukuy kawsayniyojpa kawsayninkoqa Diospa makinpi kashan, paymin tukuy runaman kawsayta qon.

Job 31:4

Chayrí Diosqa manachu imatachus ruwasqayta rikun? Nillatajchu imaynatachus purisqaytapis rikun?

Salmos 104:29

Uyaykitachus pakanki chayrí, mancharikunku. Samayninkuta qhechupojtiykitaj, wañupunku, jallp'allamantaj tukupunku.

Salmos 115:16

Janaj pachaqa Tata Diosninchejpata, kay pachatataj runaman qorqa.

Salmos 139:3

Qanqa imaynatachus purisqayta, samarikusqaytapis qhawashawanki, tukuy imata ruwasqaytapis yachallankitaj.

Salmos 146:4

Paykuna wañupuspaqa, jallp'aman tukupunku, chay p'unchaypachataj yuyaychakusqankupis chinkapun.

Proverbios 20:24

Tukuy runaj kawsaynenqa Tata Diospa makinpi kashan. Mana pipis yachayta atinchu imapichus kawsaynin tukukunanta.

Isaías 13:11

Tata Dios nin: Kay pachapi kajkunata juchankumanta jasut'isaj, millayta ruwaj runakunatataj millay ruwasqankumanta jasut'isaj. Millay runakunaj machu machuykachayninkuta chinkachisaj. May kasqankuta yuyakojkunatataj k'umuykachachisaj.

Isaías 14:13

Qanqa sonqoykipi nerqanki: Janaj pachaman wicharisaj, Diospa ch'askankunamanta aswan pataman kamachinay tiyanata churasaj. Chantá patanejpi, maypichus dioskuna tantakunku, chaymanta kamachimusaj.

Isaías 2:12

Chaypacha Tukuy Atiyniyoj Tata Diospa p'unchaynin jamonqa runaykachajkunaj contrankupi, uma oqharejkunaj contrankupi, may kasqankuta yuyakojkunaj contrankupi ima, tukuyninku k'umuykuchisqa kanankupaj.

Isaías 33:10

Tata Diosrí nin: Kunan sayarikuspa, atiyniyta, kallpaytawan rikuchisaj.

Isaías 37:19

Chay suyukunaj diosninkukunata ninaman enqhaykorqanku, imaraykuchus chaykuna mana dioskunachu kanku, manachayqa k'ullumanta rumimanta ima, runaj ruwasqallan kanku. Chayrayku chaykunata phiriyta aterqanku.

Isaías 37:23

Qan, pipajtaj rimankiri? Pimantataj alqochakunkiri? Pejpa contrantataj chhika jatunmanta qhaparqachanki, may kasqaykita yuyakuspataj, umaykita oqharinkiri? Chaytaqa Israelpa May Llimphu Kaj Diosninpa contranta ruwashanki.

Isaías 42:5

Tata Dios janajta ruwaspa, jatunman mast'arerqa. Jinallataj kay pachatapis ruwarqa, chaypi tukuy ima kajkunatawan ima. Payllataj kawsayta runakunaman qon, chantá kay pachapi tukuy purejkunamanpis kawsayta qollantaj. Chay Diosmin kamachinta nin:

Jeremías 10:23

Chantá Jeremías ajinata Tata Diosmanta mañakorqa: Tata Diosníy, runaqa kawsayninmanta mana dueñochu kasqanta yachani. Runaqa kawsaynin imachus kananmanta mana yachanchu.

Jeremías 48:26

Moabta machaykuchiychej, imaraykuchus Tata Diospa contranpi oqharikorqa. Chaypacha Moabqa lansasqanpi sunt'enqa, tukuytaj paymanta asikonqanku.

Jeremías 50:28

Babiloniamanta ayqemojkunaj willasqanku Sionpi uyarikun. Paykuna willanku imaynatachus Tata Diosninchej Babiloniamanta vengakusqanta, Templonta phiriykusqankurayku.

Jeremías 50:29

Arcowan tukuy flechajkunata tantamuychej, Babiloniaj contranta maqanakoj rinankupaj. Llajtaj tukuy muyuyninpi jarakuychej, ama pipis ayqenanpaj. Ruwasqanman jina kutichiychej. Imaynatachus waj suyukunawan ruwarqa, ajinallatataj paywan ruwaychej, imaraykuchus payqa Israelpa May Llimphu Kaj Diosnin, noqa Tata Diospa contraypi sayaykorqa.

Ezequiel 28:17

May k'achitu kasqaykirayku sonqoykipi jatunchakorqanki. May jatunchasqa kasqaykiraykutaj yachayniykita millayman tukucherqanki. Chayrayku noqa qanta pampaman wijch'umorqayki, kuraj kamachejkunaj rikunankuta p'enqaypi rikhurichisuspa.

Ezequiel 28:2

Runaj churin, Tiro llajtaj kuraj kamachejnintañataj kay jinata niy: Tukuyta Kamachej Tata Dios nisunki: Qan sonqoykipi jatunchakuspa, nerqanki: Noqa uj dios kani, dioskunaj kamachinanku tiyanapi tiyashani mama qocha chawpipi, nispa. Chaywanpis qanqa runalla kanki, manataj dioschu. Uj dios jina yachayniyoj kasqaykita yuyakunki.

Ezequiel 28:5

Qhatu ruwanapaj yuyayniyoj kasqaykirayku, mayta qhapajyarqanki. Chay jina ashkha kapuyniykiraykutaj sonqoyki jatunchakorqa.

Ezequiel 31:10

Chayrayku Tukuyta Kamachej Tata Diosqa Egiptomanta nin: Chay sach'aqa chay jina jatuntapuni wiñaspa, puntanpis phuyukama taripajtin, jatun kasqanrayku umata oqharerqa.

Daniel (hebreo) 11:12

Chay jinata atipasqanrayku mayta jatunchakonqa, chantá may chhika runakunatawan wañurachenqa. Chaywanpis atiynenqa mana unaypajchu kanqa.

Daniel (hebreo) 4:37

37 (34) Chayrayku noqa Nabucodonosorqa janaj pachapi Kuraj Kamachej Diosta yupaychani. Sutinta pataman oqharini, jatunchanitaj, imaraykuchus tukuy ruwasqanqa cheqapuni, cheqantaj. Chantá pay jatunchakojkunatapis k'umuykuchiyta atillantaj.

Daniel (hebreo) 8:11

Chaymantataj ch'askakunata kamachejpa contranpi sayaykusqa, Diosman sapa p'unchay jaywanatapis sayachisqa, Diosta yupaychana cheqatataj manakajman tukuchisqa.

Habacuc 2:4

Kay jinatamin qhelqay: Millayta ruwajkunaqa mayta runaykachanku. Chaywanpis cheqan runakunaqa Diosta mana wasanchasqankurayku kawsanqanku.

Hechos 17:25

Nillataj Diosqa imapipis runa yanapananta suyanchu. Manachayqa pay tukuyman kawsayta qon, samayta, tukuy imatawan.

1 Corintios 8:4

Chantá, imatataj nisunman lantikunaman jaywasqa mikhunamantari? Yachanchej jina lanteqa mana imachu kay pachapeqa. Yachallanchejtaj uj k'ata Dioslla kasqanta.

1 Timoteo 3:6

Jinallataj iglesiata pusarejqa mana kunallanraj Jesucristopi atinikojchu kanan tiyan, imajtinchus runaykachayta qallarinman. Chantataj, Kuraj Supay imamantachus juchachasqa karqa, chayllamantaj urmaykunman.

Hebreos 4:13

Diospa tukuy ruwasqanqa mana paymanta pakakuyta atinchu. Manachayqa tukuy imapis paypa ñawpaqenpi sut'ipacha, pimanchus cuentata qonanchej kanqa, chaypa ñawpaqenpi.

Apocalipsis 9:20

Chaywanpis, pikunachus chay manchay ñak'ariykunawan mana wañorqankuchu, chaykuna millayta ruwasqankumanta Diosman mana kutirikorqankuchu. Manachayqa paykuna supaykunata yupaychallarqankupuni, jinallataj qorimanta, qolqe metalmanta, broncemanta, rumimanta, k'ullumanta ruwasqa lantikunata ima. Chay lantikuna mana qhawayta atinkuchu, nitaj uyariyta, nillataj puriytapis.

Jueces 16:23

Unay tiemponman filisteokunaj kurajninkukuna tantaykukorqanku jatun raymita ruwanankupaj Sansonta jap'isqankumanta jinataj Dagón diosninkuman uywa ñak'asqata jaywanankupajwan. Kay jinatataj takerqanku: Diosninchej jaywaykuwanchej awqanchej Sansonta, nispa.

1 Samuel 17:26

Chaypacha David qayllanpi kajkunata tapurerqa: Jaqay filisteo runata wañuchejman imatataj qonqankuri? Imatataj qonqanku Israelta k'umuykachachejta chinkachejmanri? Pitaj kasqa chay mana diosniyoj runa, kawsaj Diospa soldadonkunaj contrankupi sayaykunanpajri? nispa.

1 Samuel 17:36

Ajinata noqaqa leontapis, jinallataj jukumaritapis wañuchej kani. Kay mana diosniyoj filisteotapis kikillantataj ruwasaj, Tata Diospa soldadonkunaj contrankupi sayaykusqanrayku.