Daniel (hebreo) 5:2 - DIOSPA QHELQACHISQ

² Jinapi vinowan machasqa kaspa, kuraj kamachej Belsasar kamachinkunata kamacherqa qori vasokunata, qolqe metalmanta vasokunatawan apamunankuta, mayqenkunatachus tatan Nabucodonosor Jerusalenpi Tata Diospa Templonmanta apachimusqa, chaykunata. Pay munarqa raymipi kaj kurajkuna, warminkuna, chantá waj warminkuna ima chay vasokunapi vinota ujyanankuta.

Qheshwa Biblia DC

² Vinowan anchata machaykuspa rey Belsasar kamacherqa payman vasosta apamunankuta, jatuchej qori vasosta, qolqe vasostawan, chay vasostaqa, paypa tatan Nabucodonosor, Jerusalempi kaj templomanta orqhospa apakapusqa.

DIOSPA QHELQACHISQAN DEUTEROCANONICAL

² Jinapi vinowan machasqa kaspa, kuraj kamachej Belsasar kamachinkunata kamacherqa qori vasokunata, qolqe metalmanta vasokunatawan apamunankuta, mayqenkunatachus tatan Nabucodonosor Jerusalenpi Tata Diospa Templonmanta apachimusqa, chaykunata. Pay munarqa raymipi kaj kurajkuna, warminkuna, chantá waj warminkuna ima chay vasokunapi vinota ujyanankuta.

Daniel (hebreo) 5:2 ပူးပေါင်းရင်းမြစ်များ

2 Samuel 9:7

Davidtaj nerqa: Ama manchachikuychu. Noqaqa cheqamanta tatayki Jonatanta munakusqayrayku qhawasqayki. Jinataj jatun tataykej Saulpa jallp'anta kutichipusunankuta kamachisaj, wasiypitaj sapa p'unchay mikhunki, nispa.

2 Reyes 24:13

Nabucodonosorqa Tata Diospa Templonmanta, chantá kuraj kamachejpa wasinmanta ima valorniyoj imakunata orqhospa, apakaporqa. Jinallataj Salomón Templopaj imatachus qorimanta ruwachisqanta p'akirarqa. Ajinata Tata Diospa nisqan junt'akorqa.

2 Reyes 25:15

Jinallataj soldadokunata kamachej Nabuzaradanqa incienso q'oshñichinakunata, yurukunata, qorimanta, qolqe metalmanta tukuy ima kajtawan aparqa.

2 Crónicas 11:20

Chaymantataj Roboanqa Absalonpa ususin Macawan casarakullarqataj, churinkunataj karqanku: Abías, Atay, Ziza, Selomit ima.

2 Crónicas 15:16

Chay jawa kuraj kamachej Asaqa jatun maman Macataqa qoya kayninmanta wijch'orqa, millay Asera lantita ruwachikusqanrayku. Asaqa chay lantita phiriytawan, Cedrón wayq'opi ruphachimorqa.

2 Crónicas 36:10

Mosoj wata qallarikushajtin, Nabucodonosorqa Joaquinta Babiloniaman apanankuta kamacherqa, Tata Diospa Templonmanta aswan valorniyoj imakunatawan khuskata. Chantá Nabucodonosorqa Sedequiasta churarqa Judá suyuta, Jerusalentawan kamachinanpaj. Sedequiasqa Joaquinpa ayllunmanta karqa.

2 Crónicas 36:18

Chantá Caldea suyuta kuraj kamachejqa Tata Diospa Templonmanta tukuy kaj imakunata Babiloniaman apakaporqa, jatuchajkunata, jinataj juch'uykunata. Apakapullarqataj Diospa Templonpi valorniyoj kaj imakunata, kuraj kamachejpa valorniyoj imankunata, kamachejta yanapajkunaj valorniyoj kapuyninkutapis.

Esdras 5:14

Nillawarqaykutaj: Kuraj kamachej Nabucodonosorqa Jerusalenpi kaj Diospa Templonmanta qorimanta ruwasqa imakunata, qolqe metalmanta ruwasqa imakunatawan orqhospa, Babiloniapi kaj templonman churachisqa. Chay qhepatataj kuraj kamachej Ciroqa chay qori imakunata, qolqe metalmanta imakunatawan Babiloniapi kaj templomanta orqhochimuspa, jaywasqa Sesbasar sutiyoj kamachejman.

Jeremías 27:7

Tukuy suyukuna Nabucodonosorpa, churinpa, chantá allchhinpa kamachiyninpi ima kanqanku. Chay kanqa kikin Babilonia suyu atipasqa kanan p'unchay chayamunankama. Chaypacha waj jatuchaj suyukuna, jinataj atiyniyoj kuraj kamachejkuna payta atipanqanku.

Jeremías 50:35

Tata Dios nillantaj: Babiloniapi tiyakojkuna wañuchunku, jinallataj Caldeamanta kurajninkukunapis, yachayniyojninkukunapis wañullachunkutaj.

Jeremías 52:19

Jinallataj qorimanta, qolqe metalmanta tukuy kaj imakunatawan apakapullarqankutaj: Mayllakuna ch'illamita, nina oqharinata, jatuchaj vasokunata, ushpha orqhonata, k'anchanakunata, jatuchaj wisllakunata, Diosman vino jaywana vasokunatapis.

Daniel (hebreo) 1:2

Chantá Tukuyta Kamachej Dios nerqa Nabucodonosor Judá suyuta kuraj kamachej Joacinta jap'inanta, jinataj Diospa Templonpi kaj imakunamanta wakinta apakapunanta. Nabucodonosortaj Diospa Templonmanta imakunata Babiloniaman apaspa, lantinta yupaychana wasipi, lantinpa tiyapuyninta waqaychana wasiman churarqa.

Daniel (hebreo) 5:11

Suyuykipi uj runa tiyan, paypitaj may llimphu dioskunaj espiritunku paypi tiyakun. Tatayki kamachishajtin, chay runa manchay uyarisqa karqa dioskuna jina sumaj yuyayniyoj, yachayniyoj ima kasqanrayku. Chayrayku tatayki Nabucodonosor chay runata churarqa tukuy suyupi tukuy yachaysapakunata, yatirikunata, sumaj yachajkunata, ch'askakunata qhawaspa watojkunata ima kamachinanpaj.

Daniel (hebreo) 5:13

Chantá Danielta kuraj kamachejpaman pusajtinku, Belsasar payta taporqa: Qanchu Daniel kanki, pitachus tatay Nabucodonosor kuraj kamachej kashaspa, Judá suyumanta apachimorqa, chaykunamanta ujnin kaj?

Daniel (hebreo) 5:18

Kuraj kamachej Belsasar, Patapi Kaj Diosqa tatayki Nabucodonosorman kay suyuta, jatun atiyta, jatunpaj qhawasqa kayta ima qorqa.

Daniel (hebreo) 5:23

Aswanqa janaj pachapi kaj Tukuyta Kamachej Diospa contranpi oqharikorqanki, kamacherqankitaj Templonmanta apamusqa vasokunata orqhomunankuta. Chantá chay vasokunapi warmiykikunawan, chantá waj warmiykikunawan, jinataj pikunatachus raymiman wajyarakorqanki, chaykunawan khuska vinota ujyarqankichej. Chay jawataj waj dioskunata, qorimanta, qolqe metalmanta, broncemanta, fierromanta, k'ullumanta, rumimanta ruwasqa dioskunata yupaycharqanki. Chay dioskunaqa mana rikunkuchu, manataj uyarinkuchu, nitaj imatapis yachankuchu. Diostatajrí mana jayk'ajpis yupaycharqankichu, pejpa makinpichus kawsayniyki, tukuy ruwasqayki ima kashan, chay Diosta.

Daniel (hebreo) 5:3

Jinapi kuraj kamachej Belsasarpa kamachinkuna, mayqen vasokunatachus soldadokuna Jerusalén Templomanta unay suwasqanku, chay vasokunata apamorqanku. Chay vasokunapitaj vinota ujyarqanku kuraj kamachej, warminkuna, waj warminkuna, chantá pikunachus chay raymiman wajyasqa karqanku, chaykuna ima.

Daniel (hebreo) 5:30

Chaywanpis chay ch'isinpacha caldeokunaj kuraj kamachejninku Belsasar wañuchisqa karqa.

Daniel (hebreo) 5:4

Ajinata vinota ujyashaspataj, paykuna machasqamanta lantinkukunata jatunchasharqanku, mayqenkunachus qorimanta, qolqe metalmanta, broncemanta, fierromanta, k'ullumanta, rumimanta ima ruwasqa karqanku, chaykunata.

Números 7:79

Ajiraqa qolqe metalmanta ruwasqa uj ch'illamita apamorqa. Chaytaj 1.430 gramo pesarqa. Chantá qolqe metalmanta ruwasqa uj yurutawan apamullarqataj. Chaytaj Dioswan Tinkukuna Toldopi chimpu churasqa kasqanman jina 770 gramo pesarqa. Iskayninta aceitewan puñasqa sumaj jak'uwan junt'ata apamorqa, Diosman ch'aki mikhuy jaywanata jaywananpaj.