Daniel (hebreo) 5:18 - DIOSPA QHELQACHISQ

¹⁸ Kuraj kamachej Belsasar, Patapi Kaj Diosqa tatayki Nabucodonosorman kay suyuta, jatun atiyta, jatunpaj qhawasqa kayta ima qorqa.

Qheshwa Biblia DC

¹⁸ Tukuy Atiyniyoj Dios, Nabucodonosor tataykiman qorqa reinota, jatun atiyta, gloriata, jatumpaj qhawasqa kayta ima.

DIOSPA QHELQACHISQAN DEUTEROCANONICAL

¹⁸ Kuraj kamachej Belsasar, Patapi Kaj Diosqa tatayki Nabucodonosorman kay suyuta, jatun atiyta, jatunpaj qhawasqa kayta ima qorqa.

Daniel (hebreo) 5:18 ပူးပေါင်းရင်းမြစ်များ

2 Reyes 25:28

Paytaqa may k'achatapuni parlapayarqa, jinallataj Babiloniapi kuraj kamachejkuna kasharqanku, chaykunamanta astawan payta q'ayachakorqa.

Salmos 47:2

2 (3) Patapi Kaj Tata Diosqa may jina manchachikunapaj jina, paytaj tukuy kay pachapi Kuraj Kamachej kashan.

Salmos 7:17

17 (18) Noqarí Tata Diosta cheqan kasqanmanta yupaychasaj, kaj chhika Patapi Kaj Tata Diosmantaj takirikusaj.

Salmos 9:2

2 (3) Patapi Kaj Diosníy, qanrayku kusikusaj, tukuy sonqoywantaj sutiykita oqharispa takisaj.

Salmos 92:8

8 (9) Qantajrí Tata Dios, janaj pachapi kashallankipuni.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Jeremías 27:5

Jatun atiyniywan noqa kay pachata, runakunata, kay pachapi kashanku, chay animalkunatapis ruwarqani. Chantá chay tukuy imata pimanchus munarqani, chayman qorqani.

Jeremías 27:7

Tukuy suyukuna Nabucodonosorpa, churinpa, chantá allchhinpa kamachiyninpi ima kanqanku. Chay kanqa kikin Babilonia suyu atipasqa kanan p'unchay chayamunankama. Chaypacha waj jatuchaj suyukuna, jinataj atiyniyoj kuraj kamachejkuna payta atipanqanku.

Lamentaciones 3:35

Manallataj walej ninchu, Tata Dios qhawamushajtin, runata waqachejtinku.

Lamentaciones 3:38

Tukuy mana allin kaj, tukuy allin kajpis, Tata Dios nisqanrayku jamun.

Ezequiel 31:11

Chayrayku noqa payta qhesachaspa, waj atiyniyoj suyoj makinman jaywaykuni, paykunata chay pinowan ruwanqanku pinoj millayta ruwasqanman jina.

Daniel (hebreo) 4:17

17 (14) Diospa angelninkuna ajina kananta kamachinku, tukuy runakuna yachanankupaj janaj pachapi kaj Tata Dios tukuy suyukunata kamachinanpaj atiyniyoj kasqanta. Yachallachunkutaj paymin kamachina atiyta qosqanta, pimanchus qoyta munasqanman, jinallataj uj suyupi kuraj kaj kananpaj churasqanta aswan pisipaj qhawasqa runata, nispa.

Daniel (hebreo) 4:19

19 (16) Chantá Beltsasar sutiwan sutichasqa Daniel t'ukushaj qhepakorqa, tukuy imaymana yuyaykuna umanman jamojtintaj, mayta mancharikorqa. Noqa Nabucodonosortajrí, payta nerqani: Beltsasar, mosqokusqay imatachus niyta munasqanmanta ama manchariychu, nispa. Chantá Beltsasar kutichispa, niwarqa: Ay wiraqochíy, mosqokusqayki imatachus niyta munasqanqa qanta chejnisojkunapaj kachun.

Daniel (hebreo) 4:2

2 (3.32) Munani qankuna yachanaykichejta kay chhika t'ukuna imakunata Patapi Kaj Dios noqawan ruwasqanta.

Daniel (hebreo) 4:32

32 (29) Aswanpis qan runakuna chawpimanta qharqosqa kanki, k'ita animalkunawantaj kawsanki. Buey jina qhorata mikhunki, qanchis wata junt'atataj ajina kanki ninaykikama: Janaj pachapi kaj Diosllamin atiyniyoj kay pachapi tukuy suyukunaj patankupi kamachinanpaj, payllataj munasqanman jina kamachejkunata churan, nispa.

Daniel (hebreo) 4:34

34 (31) Qanchis wata junt'akojtin, noqa Nabucodonosor janaj pachata qhawarerqani, loco kayniymantataj yuyayniyman kutiripusqayta reparakorqani. Chaypacha janaj pachapi kaj Diosta yupaycharqani, kay jinatataj Wiñaypaj Kawsajta jatuncharqani: Paypa atiynenqa wiñaypaj, suyukunata kamachiyninpis tukuy mit'apaj.

Daniel (hebreo) 5:21

Runakuna chawpimanta qharqosqa karqa. Yuyayninpis uywaj yuyayninman jina tukorqa, k'ita burrokunawan khuskataj kawsarqa. Buey jina qhorata mikhorqa, chhullataj payta joq'orqa. Ajina karqa rimarinankama: Patapi Kaj Diosllamin tukuy atiyniyoj tukuy suyukunata kamachinanpaj. Jinallataj payllamin pitachus munasqanta churan runakunata kamachinanpaj, nispa.

Daniel (hebreo) 6:22

22 (23) Arí, Diosniymin angelninta kachamorqa, paytaj leonkunaj siminkuta wisq'aykorqa, ama imananawankupaj. Ajinata Dios ruwarqa, imaraykuchus pay yachan mana juchayoj kasqayta, yachallantaj mana imatapis contraykipi ruwasqayta, nispa.

Hechos 26:13

Kuraj kamachejníy, chawpi p'unchaynejta ñanta rishajtiy, janajmanta ujllata sinch'i k'anchay noqata muyuykuwarqa, noqawan khuska rejkunata ima. Chay k'anchayqa intimantapis aswan sinch'itapuni k'ancharerqa.

Hechos 26:19

Chayrayku kuraj kamachejníy, imatachus Jesús janaj pachamanta rikuchiwarqa, chay kamachiwasqanta kasunipuni.

Hechos 7:48

Chaywanpis Patapi Kaj Diosqa mana runaj makinwan ruwasqa wasipichu tiyakun, imaynatachus sut'inchajkunaj qhelqanpi Dios nin, ajina:

Deuteronomio 32:8

Janaj pachapi kaj Diosqa suyukunaman chayaqenkuta qorqa, tukuy runatataj rak'irarqa. Suyukunamantaj mojonninkuta churarqa, Israelpa churinkuna mashkhachus kasqankuman jina.