Daniel (hebreo) 4:6 - DIOSPA QHELQACHISQ

⁶ 6 (3) Chantá kamacherqani Babiloniapi kaj tukuynin yachayniyoj runakuna jamuspa, sut'inchanawankuta mosqokusqay imatachus niyta munasqanta.

Qheshwa Biblia DC

⁶ Chantá kamacherqani Babiloniapi kaj tukuynin yachayniyoj runakuna watukoj jamunawankuta, sut'inchanawankutataj chay mosqoyniy imastachus niyta munasqanta.

DIOSPA QHELQACHISQAN DEUTEROCANONICAL

⁶ 6 (3) Chantá kamacherqani Babiloniapi kaj tukuynin yachayniyoj runakuna jamuspa, sut'inchanawankuta mosqokusqay imatachus niyta munasqanta.

Daniel (hebreo) 4:6 ပူးပေါင်းရင်းမြစ်များ

Éxodo 7:11

Chaywanpis faraonqa yachayniyojkunata, yatirikunatawan ima wajyacherqa. Egiptomanta yatirikunataj yachasqankuwan kikillantataj ruwarqanku.

Isaías 8:19

Sichus runakuna nisonqachej: Tapuriychej aysirikunata, chhichinakuspa parlaj layqakunata ima, nispa chayqa, niychej: Manachu runaqa Diosnillanta tapurikunmanri? Wañusqakunatachu kawsajkunamanta tapurikunkumanri? nispa.

Daniel (hebreo) 1:17

Chantá Diosqa chay tawa waynakunaman sumaj yachayta, yuyayniyoj kayta ima qorqa, imaymana qhelqakunata rejsinankupaj chantá entiendenankupaj ima. Chantapis Diosqa Danielman yachayta qollarqataj mosqoypi jina rikuykunata, mosqoykunatapis sut'inchananpaj.

Daniel (hebreo) 2:2

Chantá pay yachayniyojkunata, watojkunata, layqakunata, ch'askakunata qhawaspa watojkunatawan wajyacherqa, mosqokusqanta sut'inchanankupaj. Paykunataj kuraj kamachejpa ñawpaqenman rerqanku.

Daniel (hebreo) 2:48

Chaymanta kuraj kamachejqa Danielta jatuncharqa, sumaj t'inkatataj payman qorqa. Chantá payta Babilonia nisqa jap'iyta kamachinanpaj churarqa, jinallataj tukuy yachayniyojkunaj kurajninku kananpaj ima.

Daniel (hebreo) 4:15

15 (12) Chaywanpis k'ullunta, saphintawan jallp'api saqeychej. Fierro cadenawan, bronce cadenawan ima wataykuspa, qhora chawpipi saqeychej. Chhullaykamuchun patanman, k'ita animalkunawan khuskataj campopi qhorata mikhuspa kawsachun.

Daniel (hebreo) 5:11

Suyuykipi uj runa tiyan, paypitaj may llimphu dioskunaj espiritunku paypi tiyakun. Tatayki kamachishajtin, chay runa manchay uyarisqa karqa dioskuna jina sumaj yuyayniyoj, yachayniyoj ima kasqanrayku. Chayrayku tatayki Nabucodonosor chay runata churarqa tukuy suyupi tukuy yachaysapakunata, yatirikunata, sumaj yachajkunata, ch'askakunata qhawaspa watojkunata ima kamachinanpaj.

Daniel (hebreo) 5:7

Chantá qhaparispa, kamachinkunata kamacherqa yatirikunata, yachayniyojkunata, ch'askakunata qhawaspa watojkunata ima pusamunankuta. Paykuna jamojtinkutaj, Belsasar nerqa: Sichus pillapis jaqay qhelqasqata ñawiriyta atin, sitajchus imatachus niyta munasqanta sut'inchawayta atinman chayqa, p'achallichisqa kanqa sumaj puka p'achawan, kunkanmantaj qori cadena k'achanchanata churanqanku. Chantá suyuypi kinsa kaj kamachejmin kanqa, nispa.