Daniel (hebreo) 4:34 - DIOSPA QHELQACHISQ

³⁴ 34 (31) Qanchis wata junt'akojtin, noqa Nabucodonosor janaj pachata qhawarerqani, loco kayniymantataj yuyayniyman kutiripusqayta reparakorqani. Chaypacha janaj pachapi kaj Diosta yupaycharqani, kay jinatataj Wiñaypaj Kawsajta jatuncharqani: Paypa atiynenqa wiñaypaj, suyukunata kamachiyninpis tukuy mit'apaj.

Qheshwa Biblia DC

³⁴ Jasut'i p'unchaykuna junt'akojtin, noqa Nabucodonosorqa, janaj pachata qhawarerqani, loco kayniymantataj thañisqa kasqayta reparakorqani. Chaypacha, Jatun Diosta yupaycharqani, kay palabraswantaj wiñaypaj kausayniyojta jatuncharqani: Paypa atiynenqa wiñaypajpuni. Llajtakunata kamachinantaj miraypa miraynintimpaj kanqa.

DIOSPA QHELQACHISQAN DEUTEROCANONICAL

³⁴ 34 (31) Qanchis wata junt'akojtin, noqa Nabucodonosor janaj pachata qhawarerqani, loco kayniymantataj yuyayniyman kutiripusqayta reparakorqani. Chaypacha janaj pachapi kaj Diosta yupaycharqani, kay jinatataj Wiñaypaj Kawsajta jatuncharqani: Paypa atiynenqa wiñaypaj, suyukunata kamachiyninpis tukuy mit'apaj.

Daniel (hebreo) 4:34 ပူးပေါင်းရင်းမြစ်များ

2 Samuel 22:31

Diospa ñannenqa cheqanmin. Tata Diospa nisqanqa jap'ikunapaj jinapuni. Diosqa paymanta jap'ikojkunata waqaychanpuni.

1 Crónicas 29:10

Chaymantataj Davidqa tukuy tantasqa kajkunaj uyarinankuta Tata Diosta jatuncharqa: Ñawpa tatayku Israelpa Tata Diosnin, qanqa wiñaymanta wiñaypaj yupaychasqa kay.

1 Crónicas 29:13

Chayrayku Diosniyku, pachis niyku, yupaychaykutaj maypaj qhawana sutiykita.

Job 1:21

Chantá nerqa: Noqaqa mana imayoj q'alalla mamaypa wijsanmanta llojsimorqani, q'alallataj kay pachamanta ripusaj. Tata Dios tukuy imata qowarqa, kunanqa payllataj qhechukapuwan. Tata Diospa sutin yupaychasqa kachun, nispa.

Salmos 10:16

Tata Diosqa wiñaypaj Kuraj Kamachejmin. Qanman mana kutirikojkunarí llajtankumanta wijch'usqa kanqanku.

Salmos 102:24

24 (25) Chantá noqa mañarikorqani: Diosníy, qanqa wiñay wiñaypaj kawsanki. Ama munaychu manaraj wañunaypi wañunayta, nispa.

Salmos 107:15

Paykuna khuyakuyninmanta Tata Diosta pachis nichunku, paykunapaj allin imakunata ruwasqanmantapis.

Salmos 107:22

Tata Diosman uywata ñak'aspa, pachis nispa jaywachunku, kusiywan takispataj, ruwasqanmanta willachunku.

Salmos 107:31

Paykunapis khuyakuyninmanta Tata Diosta pachis nichunku, paykunapaj allin imakunata ruwasqanmanta.

Salmos 107:8

Israelitakunaqa khuyakuyninmanta Tata Diosta pachis nichunku, paykunapaj allin imakunata ruwasqanmanta.

Salmos 111:7

Paypa ruwasqanqa cheqanmin, allintaj, paypa tukuy kamachisqankunataj jap'ikunapaj jinamin.

Salmos 121:1

(1b) Orqokunata qhawarispa, tapukuni: Maymantataj yanapawajniy jamonqari? nispa.

Salmos 123:1

(1b) Tata Dios, janaj pachapi tiyakoj, mañakusunaypaj qanllata qhawakuyki.

Salmos 145:13

Kuraj kamachej kasqaykeqa wiñay wiñaypajmin, kamachiyniykitaj miraymanta miraykama.

Salmos 146:10

Tata Dios wiñaypaj kamachenqa. Sión llajta, Diosniykeqa wiñay wiñaypaj kamachenqa. Tata Dios jatunchasqa kachun.

Salmos 50:14

Aswanpis noqaman pachis nispa nisqaykita jaywariway, chantá noqa Patapi Kaj Diosman imatachus niwasqaykita junt'ay.

Salmos 66:7

Atiyninwan Diosqa wiñaypaj kamachin, suyukunatataj ñawillanpi purichin, Diosta mana kasojkuna ama contranpi oqharikunankupaj.

Salmos 7:17

17 (18) Noqarí Tata Diosta cheqan kasqanmanta yupaychasaj, kaj chhika Patapi Kaj Tata Diosmantaj takirikusaj.

Salmos 9:2

2 (3) Patapi Kaj Diosníy, qanrayku kusikusaj, tukuy sonqoywantaj sutiykita oqharispa takisaj.

Salmos 92:1

1 (2) Patapi Kaj Tata Dios, ancha sumajpuni qanta pachis nispa yupaychayqa. Qanta yupaychaspa takiypis ancha allinmin.

Isaías 13:11

Tata Dios nin: Kay pachapi kajkunata juchankumanta jasut'isaj, millayta ruwaj runakunatataj millay ruwasqankumanta jasut'isaj. Millay runakunaj machu machuykachayninkuta chinkachisaj. May kasqankuta yuyakojkunatataj k'umuykachachisaj.

Isaías 2:11

Uma oqharej runa k'umuykuchisqa kanqa, runaykachaj runataj pampaman urmachisqa kanqa. Chay p'unchaypi Tata Dioslla jatunchasqa kanqa.

Isaías 24:15

Inti llojsimuynejpi jallp'akunapipis Tata Diosta jatunchaychej ari. Israelpa Tata Diosninpa sutinta mama qochaj tukuy kantunpipis pataman oqhariychej.

Jeremías 10:10

Tata Diostajrí cheqa kaj Diospuni, kawsaj Dios, wiñaypaj Kuraj Kamachejtaj. Maypachachus pay phiñakun, chaypacha, kay pacha kharkatitin. Phiñakojtenqa, suyukunapis mana sayayta atinkuchu.

Lamentaciones 3:38

Tukuy mana allin kaj, tukuy allin kajpis, Tata Dios nisqanrayku jamun.

Daniel (hebreo) 12:7

Jinapi linomanta p'achayoj runa iskaynin makinta janajman oqharerqa, wiñaypaj kawsaj Diospa sutinpi tiluspataj, nerqa: Kinsa wata khuskanniyojkama, maypachachus Diospa ayllun phirisqa kanan tukukonqa chaypacha, kay tukuynin imakunapis tukukullanqataj, nispa.

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Daniel (hebreo) 4:2

2 (3.32) Munani qankuna yachanaykichejta kay chhika t'ukuna imakunata Patapi Kaj Dios noqawan ruwasqanta.

Daniel (hebreo) 4:26

26 (23) Chaywanpis sach'aj k'ullunta, saphintawan saqenapaj kamachisqaqa niyta munan kuraj kamachej kayniykeqa kutimpusunanta, maypachachus ninki: Diosllamin atiyniyoj, nispa, chaypacha.

Daniel (hebreo) 4:3

3 (3.33) Paypa ruwasqanqa manchay t'ukuna, may jatuntaj. Kamachisqanpis wiñay wiñaypaj kanqa, manapunitaj tukukonqachu.

Daniel (hebreo) 4:32

32 (29) Aswanpis qan runakuna chawpimanta qharqosqa kanki, k'ita animalkunawantaj kawsanki. Buey jina qhorata mikhunki, qanchis wata junt'atataj ajina kanki ninaykikama: Janaj pachapi kaj Diosllamin atiyniyoj kay pachapi tukuy suyukunaj patankupi kamachinanpaj, payllataj munasqanman jina kamachejkunata churan, nispa.

Daniel (hebreo) 4:36

36 (33) Chantá chaypachapacha yuyayniyman kutirerqani. Jinataj noqa watej jatunpaj qhawasqa karqani, jinallataj watej kamachiyta qallarerqani. Kamachinaypaj yuyaychawajkuna, yanapawajkuna ima mask'allawarqankutaj kamachinayman kutichinawankupaj. Chaymantataj aswan jatunchasqa karqani ñawpajmanta nisqaqa.

Daniel (hebreo) 5:18

Kuraj kamachej Belsasar, Patapi Kaj Diosqa tatayki Nabucodonosorman kay suyuta, jatun atiyta, jatunpaj qhawasqa kayta ima qorqa.

Daniel (hebreo) 5:21

Runakuna chawpimanta qharqosqa karqa. Yuyayninpis uywaj yuyayninman jina tukorqa, k'ita burrokunawan khuskataj kawsarqa. Buey jina qhorata mikhorqa, chhullataj payta joq'orqa. Ajina karqa rimarinankama: Patapi Kaj Diosllamin tukuy atiyniyoj tukuy suyukunata kamachinanpaj. Jinallataj payllamin pitachus munasqanta churan runakunata kamachinanpaj, nispa.

Daniel (hebreo) 6:26

26 (27) Kayta kamachini: Tukuynin suyuypi Danielpa Diosninta manchachikuychej, kharkatitispataj payllamantaj k'umuykuychej, imaraykuchus paymin kawsaj Diosqa. Payllapuni wiñaypaj wiñaynintinkama kawsan. Kamachiynenqa mana jayk'ajpis chinkarenqachu, nitaj atiyninpis tukukonqachu.

Daniel (hebreo) 7:14

Chantá payman qosqanku tukuy atiyta may jatunchasqa kananpaj, tukuy kaj chhikata kamachinanpaj ima, ajinamanta tukuy suyukunamanta kajkuna, tukuy parlayniyoj kajkuna ima kamachiyninpi kanankupaj. Chaymantapachataj wiñaypaj kamachenqa, kamachinantaj mana jayk'ajpis tukukonqachu.

Daniel (hebreo) 7:27

Chantá kay pachapi kamachinapaj atiywan, kallpawan, jatunchasqa kaywan ima Patapi Kaj Diospa ayllunman qosqa kanqa. Paypa kamachiynenqa wiñaypaj kanqa, jinataj kay pachapi kaj chhika suyukuna payta kasonqanku, munaynintataj ruwanqanku, nispa.

Daniel (hebreo) 9:14

Chayraykumá, qan Tata Dios, kay jasut'ita wakichispa, pataykuman apachimuwarqayku. Tata Diosniyku, qanmin tukuy ima ruwasqaykipi cheqan kanki, noqaykutajrí niwasqaykuta mana uyarisuyta munarqaykuchu.

Jonás 1:14

Chantá Tata Diosmanta mañakorqanku: Tata Dios, ama kay runarayku wañuchiwaykuchu. Sichus pay mana juchayoj chayqa, wañusqanmanta ama juchachawaykuchu, imaraykuchus qanqa munasqaykiman jina imatapis ruwanki, nispa.

Miqueas 4:7

Chaykunawan, qhepakojkunawantaj kallpayoj suyuta ruwasaj. Chantá noqa Tata Diosmin Sión orqopi Israel suyuyta wiñaypaj kamachisaj.

San Lucas 1:33

Chantá payqa israelitakunata wiñaypaj kamachenqa, kamachiynintaj mana jayk'ajpis tukukonqachu, nispa.

San Lucas 18:13

Impuesto cobraj runatajrí karullapi sayaspa, manchachikuywan mana patallamanpis qhawariyta munasqachu. Manachayqa qhasqonta takakuspa, nisqa: Diosníy, noqa juchasapata khuyarikuway ari, nispa.

San Juan 5:26

Imaynatachus Tata Diosqa pay kikinpi kawsayniyoj, ajinallatataj Churinmanpis atiyta qorqa pay jinallataj kawsayniyoj kananpaj.

Deuteronomio 32:4

Payqa pakakunanchej chhanka kashan. Ruwasqanqa mana pantayniyojmin, tukuy ruwasqantaj cheqanmin kashan. Payqa mana llullakoj Dioschu. Payqa cheqanta ruwajmin. Payqa cheqanmin, cheqa kajtaj.

1 Timoteo 1:17

Chayrayku wiñaypaj Kuraj Kamachej Dios yupaychasqa, jatunchasqataj kachun. Payqa mana jayk'aj wañunchu, mana rikukoj, uj k'ata Dios wiñay wiñaynintinpaj. Ajina kachun.

1 Timoteo 6:16

Pay k'atamin ni jayk'aj wañojqa, payllatajmin mana chimpay atina k'anchaypi tiyakojqa. Payta mana pipis rikorqachu, nitaj pipis rikuyta atinchu. Ajina kasqanrayku pay jatunchasqapuni kachun, may jatun atiynintaj wiñaypa wiñaynintinpaj kachun. Ajina kachun.

Apocalipsis 10:6

Jinaspataj payqa, pichus janajta, jallp'ata, mama qochata, chaykunapi imachus kajkunatawan ruwarqa, chay wiñay wiñaypaj kawsaj Diospa sutinpi tiluspa, nerqa: Suyana tiempo tukukapunña.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Apocalipsis 4:10

Ajinata chay kawsajkuna ruwashajtinku, chay iskay chunka tawayoj kuraj runakunaqa kamachina tiyanapi tiyasqa kajpa ñawpaqenpi qonqoriykukuspa, wiñay wiñaypaj Kawsajta yupaychallankutaj. Chantá pillunkukunata kamachina tiyanaj ñawpaqenman churaspa, ninku:

Apocalipsis 4:9

Chay kawsajkunaqa kamachina tiyanapi tiyasqa kajta pachis nispa yupaychanku, pichus wiñay wiñaypaj kawsan, chayta.