Daniel (hebreo) 4:17 - DIOSPA QHELQACHISQ

¹⁷ 17 (14) Diospa angelninkuna ajina kananta kamachinku, tukuy runakuna yachanankupaj janaj pachapi kaj Tata Dios tukuy suyukunata kamachinanpaj atiyniyoj kasqanta. Yachallachunkutaj paymin kamachina atiyta qosqanta, pimanchus qoyta munasqanman, jinallataj uj suyupi kuraj kaj kananpaj churasqanta aswan pisipaj qhawasqa runata, nispa.

Qheshwa Biblia DC

¹⁷ Chay jina ruwakunanta kamachinku allinta qhawaj santo angelkunaqa, tukuyninku runakuna yachanankupaj jatumpi kaj Diosqa atiyniyoj kasqanta llajtata kamachinku chaykunaj patampi; pay atiyninta qosqanta kamachinampaj pimanchus qoyta munasqanman; uj naciompi kuraj kanampajtaj churasqanta aswan pisi yachayniyoj runata.

DIOSPA QHELQACHISQAN DEUTEROCANONICAL

¹⁷ 17 (14) Diospa angelninkuna ajina kananta kamachinku, tukuy runakuna yachanankupaj janaj pachapi kaj Tata Dios tukuy suyukunata kamachinanpaj atiyniyoj kasqanta. Yachallachunkutaj paymin kamachina atiyta qosqanta, pimanchus qoyta munasqanman, jinallataj uj suyupi kuraj kaj kananpaj churasqanta aswan pisipaj qhawasqa runata, nispa.

Daniel (hebreo) 4:17 ပူးပေါင်းရင်းမြစ်များ

1 Reyes 21:25

Mana ujpis karqachu Ajab jina Tata Diospa ñawpaqenpi millay ruwanaman qokojqa, imaraykuchus Jezabel warmin paytaqa chayman tanqaykorqa.

2 Crónicas 28:22

Chay jina llakiywan ñit'isqa kashaspapis, Ajazqa Tata Diosta wasancharqa, contranpitaj juchallillarqapuni.

Salmos 103:19

Tata Dios janaj pachapi kamachinan tiyanata churarqa, chaymantapachataj tukuyta kamachin.

Salmos 12:8

8 (9) Millayta ruwaspa purejkunaqa tukuynejta qhawaspa purinku, tukuytaj mana allin kajta jatunchanku.

Salmos 9:16

16 (17) Tata Diosqa cheqan justiciata ruwaj kasqanwan rejsichikun. Millayta ruwaspa purejkunarí ruwasqallankupitaj urmanku.

Éxodo 9:16

Noqarí kawsanaykita munaniraj, atiyniyoj kasqayta rikunaykipaj, ajinamanta qannejta tukuy kay pachantinpi uyarisqa kanaypaj.

Isaías 6:3

Chantá purajmanta ninakusharqanku: Tukuy Atiyniyoj may llimphu, llimphu, llimphu Tata Diosqa. Tukuy kay pacha jatun kayninpa lliphipiyninwan junt'a kashan, nispa.

Isaías 6:8

Chaymantataj Tukuyta Kamachej Diosta tapojta uyarerqani: Noqamanta sut'inchananpaj pitataj kachasajri? Pitaj nisqanchejmanta willaj rinmanri? nispa. Chantá noqa nerqani: Noqa kaypi kashani, noqata kachaway ari, nispa.

Ezequiel 25:17

Paykunawanqa manchayta pagachikusaj, k'araj phiñakuyniywan paykunata jasut'ispa. Chay jinata ruwajtiy, paykuna yachanqanku noqa Tata Dios kasqayta, nispa.

Ezequiel 7:24

Chantá noqa waj suyukunamanta mana khuyakuyniyoj runakunata pusamusaj, paykuna israelitakunaj wasinkukunata jap'ikapunankupaj. Atiyniyoj israelitakunaj jatunchakuyninkuta chinkachisaj, yupaychananku cheqakunatapis p'enqayman tukuchisaj.

Daniel (hebreo) 11:21

Paypa qhepanta uj millay runa sayarenqa, pichus mana kuraj kamachejchu kanan karqa, chay. Paytajrí sajra yuyayninta mana sut'inchaspalla, misk'i simiwan ch'awkiyaspa kamachenqa.

Daniel (hebreo) 2:21

Paymin imachus kay pachapi kananta munayninman jina apaykachan. Kuraj kamachejkunata churantaj, orqhontaj. Paymin yachayniyojkunaman yachayta qon, tukuy imata yachajkunamanpis astawan yachayta qon.

Daniel (hebreo) 4:2

2 (3.32) Munani qankuna yachanaykichejta kay chhika t'ukuna imakunata Patapi Kaj Dios noqawan ruwasqanta.

Daniel (hebreo) 4:25

25 (22) Aswan qhepaman qanqa runakuna chawpimanta qharqosqa kanki, uywakunawantaj kawsanki. Waka jina qhorata mikhunki, chhullapis ukhuykita joq'osonqa. Ajinata kawsanki qanchis wata junt'ata, qan ninaykikama: Janaj pachapi kaj Diosmin kay pachapi kaj tukuy suyuta kamachin, paytaj pitachus munasqanta kamachinanpaj churan, nispa.

Daniel (hebreo) 7:25

Chantá janaj pachapi kaj Diospa contranta rimanqa, Diospa aylluntapis ñak'arichillanqataj. Jinallataj Diospa kamachisqankunata, rayminkunata ima waj jinaman tukuchiyta munanqa. Ajinamanta Diospa ayllun kinsa wata khuskanniyojta makinpi kanqa.

Romanos 13:1

Tukuyninchej kamachejkunata kasuna tiyan, imaraykuchus kamachinapaj atiytaqa Dios paykunaman qon, paykunataj Diospa churasqan kanku.

1 Corintios 1:28

Jinallataj Dios kay pachamanta mana walej kajta, qhesachasqata, qhasi manakajpaj qhawasqata ima ajllakorqa. Ajinata ruwarqa, runa imatachus aswan kasqanta qhawan, chayta manakajman tukuchinanpaj.

1 Timoteo 5:21

Noqaqa Diospa ñawpaqenpi, Tukuyta Kamachej Jesucristoj ñawpaqenpipis, chantá ajllasqa angelkunaj ñawpaqenpiwan ima kamachiyki kay kamachisqata junt'anaykita ama pitapis qhawaraspa, nitaj pimanpis uyata orqhospa.

Apocalipsis 4:8

Chay tawantin kawsajkunaqa sapa ujninku sojta lijrayoj karqanku, lijrankunataj patanpi ukhunpi ashkha ñawiwan junt'a karqa. Chantá tuta p'unchay mana sayk'uspa, nisharqanku: May llimphu, may llimphu, may llimphupuni Tukuy Atiyniyoj Diosqa, pichus karqapuni, kashantaj, jamonqataj, chay, nispa.

1 Samuel 2:8

Dioslla wajchata pampamanta aysarin. Mañakoj runatapis q'opa wijch'unamanta orqhospa, wiraqochikunawan khuska tiyachin maypaj qhawasqa cheqapi, imaraykuchus jallp'aj tijsinkunamanta Tata Diosllamin dueñoqa. Paymin kay pachata chay patapi sayacherqa.