Daniel (hebreo) 4:14 - DIOSPA QHELQACHISQ

¹⁴ 14 (11) Chantá jatunmanta qhaparispa, nisqa: Chay sach'ataqa urmachiychej, thansantapis k'utuychej. Laqhentapis p'itiychej, poqoynintataj qhallirpariychej. Llanthunpi kashaj uywakunapis ayqechunku, thansanpi chukoj p'isqokunapis.

DIOSPA QHELQACHISQAN DEUTEROCANONICAL

¹⁴ 14 (11) Chantá jatunmanta qhaparispa, nisqa: Chay sach'ataqa urmachiychej, thansantapis k'utuychej. Laqhentapis p'itiychej, poqoynintataj qhallirpariychej. Llanthunpi kashaj uywakunapis ayqechunku, thansanpi chukoj p'isqokunapis.

Daniel (hebreo) 4:14 ပူးပေါင်းရင်းမြစ်များ

Job 24:20

Paykunamantaqa kikin mamanku qonqaponqa, khurukunataj paykunata mikhukaponqanku. Ni jayk'aj paykunamanta pipis yuyarikonqachu. Millayta ruwajkunaqa k'utusqa sach'a jina urmanqanku.

Jeremías 27:5

Jatun atiyniywan noqa kay pachata, runakunata, kay pachapi kashanku, chay animalkunatapis ruwarqani. Chantá chay tukuy imata pimanchus munarqani, chayman qorqani.

Jeremías 51:6

Babiloniamanta ayqeychej. Pichus atejqa ayqekuchun. Ama qankunapis Babiloniaj millayta ruwasqanrayku wañuchisqachu kaychej, imaraykuchus Tata Diospa vengakunan p'unchay chayamun, paytaj ruwasqankuman jina paykunaman kutichiponqa.

Jeremías 51:9

Babiloniata jampiykunchejña, jinapis manapuni qhaliyanchu. Payta saqerparispa, suyunchejman jaku ripunachej, imaraykuchus juchachasqa kasqanqa janajkama chayan, phuyukamataj oqharikun.

Ezequiel 31:10

Chayrayku Tukuyta Kamachej Tata Diosqa Egiptomanta nin: Chay sach'aqa chay jina jatuntapuni wiñaspa, puntanpis phuyukama taripajtin, jatun kasqanrayku umata oqharerqa.

Daniel (hebreo) 2:21

Paymin imachus kay pachapi kananta munayninman jina apaykachan. Kuraj kamachejkunata churantaj, orqhontaj. Paymin yachayniyojkunaman yachayta qon, tukuy imata yachajkunamanpis astawan yachayta qon.

Daniel (hebreo) 3:4

Jinapi lanti raymichayta qallarej jatunmanta qhaparispa, nerqa: Tukuy suyukunamanta, tukuy llajtakunamanta kajkuna, imaymana parlayniyojkuna ima, uyariwaychej:

Daniel (hebreo) 4:12

12 (9) Laqhenqa may k'achitu kasqa, poqoynintaj may ashkha kasqa. Poqoyninmanta tukuy mikhusqanku. K'ita animalkunapis llanthunpi llanthurikoj kasqanku. Thansanpi p'isqokunapis thapachakoj kasqanku. Kay pachapi tukuy kawsajpis chay sach'aj poqoyninwan kawsaj kasqanku.

Daniel (hebreo) 4:23

23 (20) Kamachejníy, rikullarqankitaj janaj pachamanta uj angelta urayk'amojta, uyarerqankitaj nejta: Kay sach'ata urmachiychej, llant'arpaychejtaj. Chaywanpis k'ullunta, saphinllatawan jallp'api saqespa, wataykuychej fierro cadenawan, bronce cadenawan ima. Qhora chawpipi saqeychej. Chantá patanman chhulla urmachun, uywakunawan khuskataj qanchis wata junt'ata qhorata mikhuchispa kawsachun, nispa.

Daniel (hebreo) 4:29

29 (26) Chaymanta uj wataman, kuraj kamachej Babilonia llajtapi kamachinan wasipi puriykachashaspa,

Daniel (hebreo) 5:20

Chaywanpis tatayki sonqonpi jatunchakusqanrayku, runaykachaspa k'ullu kasqanraykutaj, Tata Diosqa paymanta kamachej kayninta, jinataj jatunpaj qhawasqa kaynintawan qhechorqa.

Daniel (hebreo) 5:21

Runakuna chawpimanta qharqosqa karqa. Yuyayninpis uywaj yuyayninman jina tukorqa, k'ita burrokunawan khuskataj kawsarqa. Buey jina qhorata mikhorqa, chhullataj payta joq'orqa. Ajina karqa rimarinankama: Patapi Kaj Diosllamin tukuy atiyniyoj tukuy suyukunata kamachinanpaj. Jinallataj payllamin pitachus munasqanta churan runakunata kamachinanpaj, nispa.

San Mateo 3:10

Jachaqa ñapis wakichisqaña kashan sach'akunata saphinmanta k'utunanpaj. Chayrayku mana allinta poqoj tukuy sach'akunaqa k'utusqa kanqanku, ninamantaj enqhaykusqa.

San Mateo 7:19

Ima sach'apis mana allinta poqospa, k'utusqa kanqa, ninamantaj enqhaykusqa.

San Lucas 3:9

Jachaqa ñapis wakisqaña kashan sach'akunata saphinmanta k'utunanpaj. Chayrayku, mana allinta poqoj tukuy sach'aqa urmachisqa kanqa, ninamantaj enqhaykusqa, nispa.

Apocalipsis 10:3

Chaypachataj chay angelqa leonpis qhaparishanman jina sinch'ita qhaparerqa. Qhaparejtintaj, qanchis qhon qhonkuna kutichimorqanku.

Apocalipsis 18:2

Paytaj jatunmanta qhaparerqa: Urmanña, Babilonia jatun llajta urmanña. Chay llajtaqa supaykunaj wasinman tukun, tukuy millay espiritukunaj pakakunanman, chantá tukuy imaymana millay ch'ichipaj qhawasqa phawajkunaj thapanman ima.