Daniel (hebreo) 3:7 - DIOSPA QHELQACHISQ

⁷ Jinataj, tantasqa karqanku, chay runakuna tocanakunaj waqasqanta uyariytawankama, pampakama k'umuykorqanku qorimanta ruwasqa lantita yupaychanankupaj.

Qheshwa Biblia DC

⁷ Ajinataj ari, ashkha tantakamorqanku chay runakunaqa, tocanasta ch'ajwarejta uyariytawankama qonqorikorqanku, yupaycharqankutaj chay qorimanta ruwasqa lantita.

DIOSPA QHELQACHISQAN DEUTEROCANONICAL

⁷ Jinataj, tantasqa karqanku, chay runakuna tocanakunaj waqasqanta uyariytawankama, pampakama k'umuykorqanku qorimanta ruwasqa lantita yupaychanankupaj.

Daniel (hebreo) 3:7 ပူးပေါင်းရင်းမြစ်များ

Jeremías 51:7

Babiloniaqa Tata Diospa makinpi qori vaso jina karqa. Payqa tukuy kay pachata machacherqa. Tukuy suyukunaqa vinonmanta ujyarqanku, chaywantaj yuyayninkuta chinkachikorqanku.

Daniel (hebreo) 2:46

Chantá kuraj kamachej Nabucodonosor Danielpa ñawpaqenman pampakama k'umuykukorqa. Jinaspataj, kamacherqa uywa ñak'asqa q'olachinata Danielman jaywanankuta, inciensotataj payman q'oshñichinankuta.

Daniel (hebreo) 3:10

Kamachejniyku, qan kamacherqanki: Maypachachus runakuna tocanakunaj waqasqanta uyarispa, pampakama k'umuykuytawan, qorimanta ruwasqa lantiyta yupaychachunku, nispa.

Daniel (hebreo) 3:4

Jinapi lanti raymichayta qallarej jatunmanta qhaparispa, nerqa: Tukuy suyukunamanta, tukuy llajtakunamanta kajkuna, imaymana parlayniyojkuna ima, uyariwaychej:

Daniel (hebreo) 3:5

Maypachachus putututa, pinkilluta, bombota, arpata, salteriota, zampoñata ima waqajta uyarinkichej chaypacha, pampakama k'umuykuspa, kuraj kamachej Nabucodonosorpa ruwachisqan qori lantita yupaychankichej.

Daniel (hebreo) 3:6

Tukuy pikunachá mana pampakama k'umuykuspa lantita yupaychanqankuchu, chaykuna chaypachapacha lawrashaj uj jatun hornoman wijch'uykusqa kanqanku, nispa.

Daniel (hebreo) 3:8

Chaywanpis Caldeamanta wakin runakuna judiokunawan jap'inakuspa, kuraj kamachej Nabucodonosorman rerqanku, wakin judiokunata ch'ataykunankupaj.

Hechos 14:16

Ñawpajtaqa Dios saqellarqa tukuy runakuna munayninkuta ruwajta.

1 Juan 5:19

Yachallanchejtaj noqanchej Diospata kasqanchejta, kay pachapi tukuy millayta ruwaspa purejkunatajrí Kuraj Supaypa makinpi kasqankuta.

Apocalipsis 12:9

Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Apocalipsis 13:14

Jinallataj jallp'amanta rikhurimoj sierpeqa ñawpa kaj sierpe atiyta qosqanwan t'ukuna imakunata ruwarqa, chaykunawantaj kay pachapi tukuy runata q'otiyarqa. Chantá jallp'amanta rikhurimoj sierpe kamachillarqataj, chay ñawpaj kaj sierpej lantinta ruwanankuta, mayqenpa ujnin umanchus k'irisqa kashajtin thañiporqa, chaypata.

Apocalipsis 13:3

Jinallataj noqa chay waj sierpej ujnin umanta allin k'irisqata rikorqani, wañunanpaj jina. Chaywanpis chay k'irisqa umanqa thañiporqa. Chayrayku kay pachapi kaj chhika runa t'ukuspa, chay waj sierpeta kasorqanku.

Apocalipsis 13:8

Kay pachapi tukuy runataj chay waj sierpeta yupaycharqanku. Kay pacha manaraj ruwasqa kashajtin, pichus wañuchisqa kanan karqa, chay Corderoqa kawsay p'anqapi qhelqasqa, pikunachus wiñay kawsayniyoj kananku karqa, chay sutinkuta. Kay ujkunaj sutinkurí mana chay p'anqapi qhelqasqachu karqa.

Apocalipsis 17:8

Chay rikusqayki sierpe ñawpajta karqa, kunantajrí manaña kanchu. Chaywanpis manaraj wiñaypaj chinkachisqa kashaspa, ukhu pachamanta ujtawan rikhurimonqa. Kay pacha ruwasqa kasqanmantapacha pikunaj sutinkuchus kawsay p'anqapi mana listasqachu kashan, chaykunaqa sierpeta rikuspa, t'ukonqanku. Chay sierpeqa ñawpajta karqa, kunantaj manaña kanchu, chaywanpis kutimonqarajmin.

Apocalipsis 19:20

Chantá sierpeqa jap'ichisqa karqa, jinallataj llullakuspa sut'inchajpis. Chay sut'inchajqa sierpej sutinpi runa mana jayk'aj rikusqan t'ukunata ruwaspa, sierpej marcanta apajkunata q'otiyasqa, lantinta yupaychanankupaj. Jinataj sierpewan, llulla sut'inchajninwan ima azufrewan lawrashaj nina qochaman kawsashaj wijch'uykusqa karqanku.