Daniel (hebreo) 3:25 - DIOSPA QHELQACHISQ

²⁵ Nabucodonosortajrí nerqa: Noqa tawa runakunata rikushani phaskarasqata, jinataj nina ukhupi mana imanasqa purishajta. Chay tawa kaj runataj dioskunaj churinman rijch'akun, nispa.

Qheshwa Biblia DC

²⁵ Noqa rikuni tawa qharikunata phaskarasqasta. Mana imanasqaslla nina chaupipi purikushanku. Tawantinmanta uj kajtaj uj dioskunaj wawanman rijch'akun.

DIOSPA QHELQACHISQAN DEUTEROCANONICAL

²⁵ Nabucodonosortajrí nerqa: Noqa tawa runakunata rikushani phaskarasqata, jinataj nina ukhupi mana imanasqa purishajta. Chay tawa kaj runataj dioskunaj churinman rijch'akun, nispa.

Daniel (hebreo) 3:25 ပူးပေါင်းရင်းမြစ်များ

Isaías 43:2

Mayuta chimpashajtiyki, noqa qanwan kasaj, manataj mayupis apasonqachu. Nina chawpita purishaspapis, mana ruphachikunkichu, lawrayninpis mana q'aspallasonqapischu.

Hechos 28:5

Pablotajrí makinmanta katarita ninaman thalaykuspa, mana imanasqa karqa.

Marcos 16:18

Paykuna makinkuwan katarikunata oqharenqanku, venenota ujyaspapis, mana imanakonqankuchu. Chantá onqosqakunata makinkuwan llankhajtinku, qhaliyanqanku, nispa.

Job 1:6

Ujpacha Diospa munasqanta junt'aj angelkuna Tata Diospa ñawpaqenman jamorqanku, chaypachallataj paykunawan khuska ch'ataykoj angelpis jamullarqataj.

Daniel (hebreo) 3:28

Chantá kuraj kamachej Nabucodonosor jatunmanta qhaparerqa: Yupaychasqa kachun Sadracpata, Mesacpata, Abednegojpatawan Diosninku, pichus angelninta paykunata waqaychananpaj kachamorqa, chay. Kuraj kamachej kajtiypis, kamachisqayta mana kasorqankuchu. Aswanpis wañuyta mana manchachikuspa, Diosninkumanta jawa waj diosman manapuni k'umuykorqankuchu nitaj yupaycharqankuchu.

Salmos 34:7

7 (8) Tata Diospa angelnenqa Diosta jatun respetowan qhawajkunaj muyuyninkupi jaraykukuspa, jark'an.

1 Pedro 3:13

Sichus tukuy sonqo allin kajta ruwankichej chayqa, ni pi imanasonqachejchu.

Daniel (hebreo) 3:18

Mana kacharichiwaykumanchu chaypis, kamachejniyku, kayta allinta yachay: Manapuni diosniykikunata yupaychasqaykuchu, nitaj pampakama k'umuykusqaykuchu qorimanta ruwasqa lantiykej ñawpaqenpi, nispa.

Job 38:7

Chaypacha ch'askakuna uj kunkalla takisharqanku, Diospa angelninkunataj janaj pachapi mayta kusikusharqanku. Qanrí mana chaypichu karqanki.

Romanos 1:4

Jinallataj Santo Espíritu sut'ita sut'incharqa Jesusqa Diospa Churinpuni kasqanta, maypachachus jatun atiyninnejta payta wañusqamanta kawsaricherqa, chaypacha. Paymin Tukuyta Kamachej Jesucristo.

San Lucas 1:35

Angeltaj kuticherqa: Santo Espíritu qanman jamonqa, Diospa atiynintaj llanthuykusonqa. Chayrayku paqarichikunki, chay wawaqa Diospaj t'aqasqa kanqa, Diospa Churin sutichasqataj.

Proverbios 30:4

Pitaj janaj pachaman wicharerqa, urayk'amorqatajri? Pitaj wayrata makinpi q'apiyta atinmanri? Pitaj mama qochata llijllapi q'epichaykorqari? Pitaj kay pachaj mojonninkunata churarqari? Chaytachus yachanki chayqa, willaway: Imataj paypa sutinri? Imataj churinpa sutinpisri?

Jeremías 1:8

Ama paykunamanta manchachikuychu, imaraykuchus noqa qanwan kashani yanapasunaypaj. Noqa Tata Diosmin chayta nini, nispa.

Jeremías 1:19

Paykunaqa qanwan maqanakonqanku, jinapis mana atipasonqankuchu, imaraykuchus noqa yanapasunaypaj qanwan kasaj, nispa. Noqa Tata Diosmin chayta nini.

Jeremías 15:21

Noqamin preciota pagaspa millay runakunaj makinkumanta kacharichisqayki, mana khuyakojkunaj atiyninkumantataj qhespichisqayki, nispa.

Daniel (hebreo) 3:24

Chaywanpis tumpamantawan kuraj kamachej Nabucodonosorqa chayta mayta mancharikuspa, ujllata sayarerqa, jinaspataj yuyaychajninkunata nerqa: Manachu kinsa runakunata ninaman wijch'uykucherqanchej? nispa. Paykunataj kuticherqanku: Arí, kinsalla karqanku, nispa.

Daniel (hebreo) 6:23

23 (24) Chantá kuraj kamachejqa mayta kusikuspa, leonkunaj t'oqomanta Danielta orqhomunankuta kamacherqa. Orqhomuspataj, paykuna rikorqanku Daniel mana imanasqa kasqanta, imaraykuchus pay Diosninpi atinikorqa.

Job 5:19

Ashkha kutita jatun llakiymanta orqhosonqa, mana allin kajtaj qanman mana chayamusonqachu.