Daniel (hebreo) 3:22 - DIOSPA QHELQACHISQ

²² Kuraj kamachejqa horno manchay parichisqa kananta kamachisqanrayku, pikunachus waynakunata wijch'uykusharqanku, chay soldadokunaqa ninaj ruphasqan wañorqanku.

Qheshwa Biblia DC

²² Reytaj kamacherqa chay ratopacha kamachisqanqa junt'akunanta, hornotaj manchay pareqa karqa, chayrayku nina larwayqa wijch'uykojkuna soldadokunata wañuracherqa, chay kinsa waynakunata wijch'uykushajtinku.

DIOSPA QHELQACHISQAN DEUTEROCANONICAL

²² Kuraj kamachejqa horno manchay parichisqa kananta kamachisqanrayku, pikunachus waynakunata wijch'uykusharqanku, chay soldadokunaqa ninaj ruphasqan wañorqanku.

Daniel (hebreo) 3:22 ပူးပေါင်းရင်းမြစ်များ

1 Reyes 13:28

Rispataj, payqa ñanpi chay uj sut'inchajpa ayanta wijch'urashajta tariparqa. Leonwan, burrowantaj chay ayaj qayllanpi kasharqanku, manataj leonqa wañusqata mikhusqachu, nillataj burrotapis imanasqachu.

Éxodo 12:33

Jinapi Egipto llajtayojkunaqa israelitakuna llajtankumanta ripunankupaj usqhay usqhayta yanaparqanku. Ajinata ruwarqanku, imaraykuchus nerqanku: Manachus riponqanku chayqa, tukuyninchej wañusunchej, nispa.

Proverbios 11:8

Cheqan runataqa ima llakiymantapis Tata Dios qhespichenqa, chay llakiymantaj millayta ruwaj runata cheqan runaj cuentanmanta churanqa.

Proverbios 21:18

Cheqan runata jasut'inankutaqa millayta ruwaj runata jasut'enqanku, cheqan sonqoyoj runakunaj cuentanpitaj juchallikoj runata ñak'arichenqanku.

Daniel (hebreo) 1:7

Kamachina wasipi kamachikunaj kurajninkutaj paykunata waj sutiwan suticharqa: Danielta Beltsasar nispa, Jananiasta Sadrac nispa, Misaelta Mesac nispa, Azariastataj Abednego nispa.

Daniel (hebreo) 2:15

Chantá Daniel payta taporqa: Kuraj kamachej kayta kamachinanpaj imataj tiyanri? nispa. Arioctaj Danielman sut'inta willarqa imajtinchus jina kasqanta.

Daniel (hebreo) 6:24

24 (25) Chaymantataj kuraj kamachejqa kamacherqa Danielpa contranta ch'ataykoj runakunata apamunankuta, warminkunatawan, wawankunatawan ima. Chantá paykunata leonkunaj t'oqonman wijch'uykurarqanku. Manaraj pampaman chayashajtinkutaj, leonkuna phinkimuytawan, paykunata mitharaspa, tukuy tullunkunata p'akiykorqanku.

San Mateo 27:5

Chantá Judasqa Templo ukhupi qolqeta qhallirparispa, riporqa. Chaymantataj sipikamorqa.

Hechos 12:19

Herodestaj tukuynejta mask'acherqa, nitaj Pedrota tarerqankuchu. Chantá chay qhawaj soldadokunatañataj allinta tapucherqa, mana imatapis yachajtinkutaj, paykuna wañuchisqa kanankuta kamacherqa. Chaymantataj Herodesqa Judeamanta Cesareaman rerqa, chaypitaj qhepakorqa.