Daniel (hebreo) 3:18 - DIOSPA QHELQACHISQ

¹⁸ Mana kacharichiwaykumanchu chaypis, kamachejniyku, kayta allinta yachay: Manapuni diosniykikunata yupaychasqaykuchu, nitaj pampakama k'umuykusqaykuchu qorimanta ruwasqa lantiykej ñawpaqenpi, nispa.

Qheshwa Biblia DC

¹⁸ Mana salvawaykuman chaypis, yachay allinta reyniyku, manapuni dioskunasniykitaqa yupaychaykumanchu, nitaj qonqorikusqaykuchu, qorimanta ruwasqa chay lantiykimampis.

DIOSPA QHELQACHISQAN DEUTEROCANONICAL

¹⁸ Mana kacharichiwaykumanchu chaypis, kamachejniyku, kayta allinta yachay: Manapuni diosniykikunata yupaychasqaykuchu, nitaj pampakama k'umuykusqaykuchu qorimanta ruwasqa lantiykej ñawpaqenpi, nispa.

Daniel (hebreo) 3:18 ပူးပေါင်းရင်းမြစ်များ

1 Reyes 19:14

Eliastaj kuticherqa: Tukuy Atiyniyoj Tata Diosníy, noqaqa anchatapuni qanmanta sienteni, imaraykuchus israelitakunaqa paykunawan trato ruwasqaykita saqerparinku. Altarniykita urmachinku, qanmanta sut'inchajkunatapis wañurachinku. Noqallaña qhepakuni. Chaywanpis noqatapis wañuchinawankupaj mask'ashawanku, nispa.

1 Reyes 19:18

Chaywanpis noqaqa Israel suyupi 7.000 runakunata puchuchisaj, pikunachus Baal lantiman mana qonqorikorqankuchu, nitaj much'arqankuchu, chaykunata, nispa.

Job 13:15

Dios wañuchinawan kashajtinpis, paypi atinikullasajpuni. Noqa imaynachus kasqayta paywan sut'inta parlasaj.

Proverbios 28:1

Millayta ruwaj runaqa mana pi qhatiykachashajtillan ayqen. Cheqan runarí león jina ni imamanta manchachikuspa tiyakun.

Daniel (hebreo) 3:28

Chantá kuraj kamachej Nabucodonosor jatunmanta qhaparerqa: Yupaychasqa kachun Sadracpata, Mesacpata, Abednegojpatawan Diosninku, pichus angelninta paykunata waqaychananpaj kachamorqa, chay. Kuraj kamachej kajtiypis, kamachisqayta mana kasorqankuchu. Aswanpis wañuyta mana manchachikuspa, Diosninkumanta jawa waj diosman manapuni k'umuykorqankuchu nitaj yupaycharqankuchu.

Levítico 19:4

Ama lantikunata yupaychankichejchu, amallataj metalta unuyachispa, dioskunata ruwakunkichejchu. Noqa Tata Diosmin Diosniykichej kani.

San Mateo 10:28

Ama qankunata wañuchejkunata manchachikuychejchu, imaraykuchus paykuna almaykichejtaqa mana imanayta atinkuchu. Aswanpis, Diostamin manchachikuychej, imaraykuchus pay wañuchisuspa, lawrashaj nina qochaman wijch'uykusuyta atin.

San Mateo 10:39

Pichus noqata kasunawanmanta nisqa kawsaynin aswan kasqanta qhawanman chayqa, payqa mana wiñay kawsayman yaykonqachu. Chaywanpis pichus noqarayku kawsayninta mana may kasqanta qhawanchu, chay runa wiñay kawsayman yaykonqa.

San Mateo 16:2

Jesustajrí kuticherqa: Ch'isiyaykushajtin, qankuna ninkichej: Q'aya sumaj p'unchay kanqa, imaraykuchus janajpi phuyu pukata antawaramushan, nispa.

Hechos 4:19

Jinapi Pedrowan, Juanwan ima kuticherqanku: Qankuna unancharispa niwayku qankunata kasunaykuchus, chayrí Diosta kasunaykuchus aswan allin kasqanta.

Hebreos 11:25

Manallataj pay munarqachu juchallispa misk'irichikuyta pasapojlla kasqanrayku. Manachayqa Diospa ayllunwan khuska ñak'arichisqa kayta ajllakorqa.

Josué 24:15

Sichus Tata Diosta mana kasuyta munankichejchu chayqa, kunanpacha pitachus kasunaykichejta ajllakuychej: Mayqen dioskunatachus ñawpa tataykichejkuna mayu chimpapi yupaycharqanku, chaykunata, chayrí, maypichus kunan tiyakushankichej, chay amorreokunaj diosninkukunatachus. Noqarí tukuy aylluywan Tata Diostapuni yupaychanaykuta niyku, nispa.

Apocalipsis 12:11

Wawqe pananchejkunaqa Cordero cruzpi wañuspa yawar jich'asqanrayku, chantá Diosmanta willasqankurayku Supayta atiparqanku. Paykuna kawsayninkuta pisipaj qhawasqankurayku, wañuyta mana manchachikorqankuchu.