Daniel (hebreo) 3:17 - DIOSPA QHELQACHISQ

¹⁷ Noqayku yupaychayku, chay Diosniykumá nina lawrashaj hornoman wijch'uykuwasqaykumanta qhespichiyta atiwayku. Jinallataj qan mana allin kajta ruwanawaykuta yuyashanki, chaymantapis kacharichiwasqayku.

Qheshwa Biblia DC

¹⁷ Noqayku yupaychayku chay Diosniyku salvayta atiwasqayku nina larwashaj hornomanta, tukuy laya sajrata ruwayta yuyashawayku rey kayniykipi chaykunamantapis salvawasqaykupuni.

DIOSPA QHELQACHISQAN DEUTEROCANONICAL

¹⁷ Noqayku yupaychayku, chay Diosniykumá nina lawrashaj hornoman wijch'uykuwasqaykumanta qhespichiyta atiwayku. Jinallataj qan mana allin kajta ruwanawaykuta yuyashanki, chaymantapis kacharichiwasqayku.

Daniel (hebreo) 3:17 ပူးပေါင်းရင်းမြစ်များ

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

Génesis 18:14

Tata Diospaj imallapis ruway mana atina kanmanchu? Watapaj kunanta jinallataj kutimuspa, watukusqayki, chaypajtaj Sara wawayojña kanqa, nispa.

Job 34:29

Chaywanpis, sichus Dios ch'inlla kakun chayqa, pitaj payta juchachayta atinmanri? Sichus uyanta pakan chayqa, pitaj rikuyta atinmanri? Payqa tukuy suyuta qhawashan, jinallataj sapa uj runatapis.

Job 5:19

Ashkha kutita jatun llakiymanta orqhosonqa, mana allin kajtaj qanman mana chayamusonqachu.

Salmos 115:3

Diosninchejqa janaj pachapi, paytaj imatachus munasqanta ruwan.

Salmos 37:39

Cheqan runataqa Tata Dios qhespichin. Llakiy tiempopi paymin chay runaj pakakunan.

Salmos 37:40

Tata Dios cheqan runata mana allin kajmanta kacharichispa, yanapan. Millayta ruwajkunaj makinmanta payta kacharichenqa, imaraykuchus cheqan runaqa Tata Diospi pakananta mask'arqa.

Salmos 73:20

Imaynatachus runa mosqokuspa ujllata rijch'arin, ajinata rijch'arispa, Tukuyta Kamachej Dios, paykunata chinkarparichinki.

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Isaías 54:14

Cheqan kajwan sumaj sayachisqa kanki. Manaña ñak'arichisqachu kanki, manañataj manchachikunkichu, imaraykuchus manchachikoyqa manaña qanman qayllamusonqachu.

Jeremías 1:8

Ama paykunamanta manchachikuychu, imaraykuchus noqa qanwan kashani yanapasunaypaj. Noqa Tata Diosmin chayta nini, nispa.

Jeremías 15:20

Noqa broncemanta perqata jina kay runakunaj ñawpaqenkupi sayachisqayki. Paykuna maqanakusonqanku chaypis, mana atipasonqankuchu, imaraykuchus noqamin qanwan kashani waqaychasunaypaj, kacharichisunaypajtaj. Noqa Tata Dios tiluspa chayta niyki.

Jeremías 15:21

Noqamin preciota pagaspa millay runakunaj makinkumanta kacharichisqayki, mana khuyakojkunaj atiyninkumantataj qhespichisqayki, nispa.

Daniel (hebreo) 3:26

Chantá horno punkuman qayllaykuspa, Nabucodonosor qhaparerqa: Sadrac, Mesac, Abednego, Patapi Kaj Diospa kamachinkuna, llojsimuychej, kaymantaj jamuychej, nispa. Chantá kinsantin runakuna nina lawrashaj chawpimanta llojsimorqanku.

Daniel (hebreo) 4:35

35 (32) Paypa ñawpaqenpi kay pachapi tiyakoj runakuna manakaj jinalla kanchej. Payqa munayninman jina ruwan janaj pachapi, jinallataj kay pachapipis. Manataj pipis Diospa atiyninman sayaykojqa kanchu, manallataj pipis payta tapurej kanchu: Imarayku kay jinata ruwankiri? nispa.

Daniel (hebreo) 6:16

16 (17) Chantá kuraj kamachejqa Danielta pusachimuspa, kamacherqa leonkunaj t'oqonkuman wijch'uykunankuta. Chaywanpis manaraj payta wijch'uykushajtinku, kuraj kamachejqa Danielta nerqa: Pitachus tukuy sonqo kasuspa yupaychanki, chay Diosniyki leonkunamanta waqaychasuchun, nispa.

Daniel (hebreo) 6:23

23 (24) Chantá kuraj kamachejqa mayta kusikuspa, leonkunaj t'oqomanta Danielta orqhomunankuta kamacherqa. Orqhomuspataj, paykuna rikorqanku Daniel mana imanasqa kasqanta, imaraykuchus pay Diosninpi atinikorqa.

Daniel (hebreo) 6:27

27 (28) Paymin qhespichej, kacharichejtaj. Payllataj janajpi jinallataj kay pachapipis runaj mana jayk'aj rikusqanta, chantá may t'ukuna imakunata ruwan. Paymin Danielta leonkunaj siminkumanta qhespicherqa, nispa.

Miqueas 7:7

Noqatajrí Tata Diospi atinikusaj, qhespichiwajniy Diosnillaypi atinikuspa suyakusaj, imaraykuchus pay mañarikusqayta uyariwanqa.

San Lucas 1:37

Chayqa ajina, imaraykuchus Diospaj mana imapis mana atikojqa kanchu, nispa.

Hechos 20:24

Chaywanpis manapuni chayta manchachikunichu, nitaj wañuytapis. Aswanpis kusiywan kawsayniyta tukuchiyta munani Tukuyta Kamachej Jesuspa kamachiwasqanta junt'aspa. Jinallataj munani Diospa qhasilla k'acha yanapayninmanta sumaj willaytapis tukuyman willarayta.

Hechos 21:13

Pablotajrí niwarqayku: Imaraykutaj chay jinatapuni waqaspa sonqoyta wawayachiwankichejri? Noqaqa wakichisqaña kani, mana watachikunallaypajchu, aswanpis Jerusalenpi wañuchisqa kanaypaj Tukuyta Kamachej Jesusrayku, nispa.

Romanos 8:31

Astawan ima nisunmantajri? Sichus Dios noqanchejman kutisqa kashan chayqa, mana pipis contranchejpi sayaykuyta atiwasunmanchu.

2 Corintios 1:10

Diostaj wañunaykumanta waqaychawarqayku. Paymin waqaychawayku jinallataj paypi atinikuyku aswan qhepamanpis waqaychanallawaykutapuni.

Hebreos 7:25

Chayrayku pay wiñaypaj qhespichiyta atin, pikunachus paynejta Diosman qayllakojkunata, imaraykuchus pay wiñaypaj kawsallanpuni paykunarayku Diosmanta mañapunanpaj.

1 Samuel 17:37

Davidqa nillarqataj: Tata Diosqa leonpa siminmanta, jinataj jukumarej siminmantapis qhespichiwarqa. Jinallatataj kay filisteoj makinmantapis qhespichiwanqa, nispa. Chantá Saúl nerqa: Riy ari, Tata Diostaj yanapasuchun, nispa.

1 Samuel 17:46

Kunanpacha Tata Diosqa qanta atipayta yanapawanqa, noqataj wañuchisqayki, umaykitataj qholurparisqayki. Jinataj tukuy filisteokunaj ayankuta suwintukunaman, aycha mikhoj animalkunamanwan qarasaj. Jinamanta tukuy yachanqanku Israel ukhupi Dios kasqanta.