Daniel (hebreo) 3:13 - DIOSPA QHELQACHISQ

¹³ Chantá Nabucodonosor manchayta phiñakuspa, Sadracta, Mesacta, Abednegotawan ñawpaqenman pusamunankuta kamacherqa. Ñawpaqenpi sayashajtinkutaj,

Qheshwa Biblia DC

^13-14 Chanta Nabucodonosorqa manchayta phiñakorqa, kamacherqataj ñaupaqenman pusarichimunankuta Sadracta, Mesacta, Abed-negotawan. Paykunata ñaupaqenman pusachimuspataj, tapurerqa: Cheqamanta qankuna mana yupaychankichejchu diosniykunata, nitaj qorimanta ruwacherqani chay lantitapis?

DIOSPA QHELQACHISQAN DEUTEROCANONICAL

¹³ Chantá Nabucodonosor manchayta phiñakuspa, Sadracta, Mesacta, Abednegotawan ñawpaqenman pusamunankuta kamacherqa. Ñawpaqenpi sayashajtinkutaj,

Daniel (hebreo) 3:13 ပူးပေါင်းရင်းမြစ်များ

Génesis 4:5

Caintarí, jinallataj imatachus jaywasqantapis Dios mana sonqo junt'asqachu qhawarqa. Chayrayku Cainqa maytapuni phiñakorqa, uyanpis uj jinayarqa.

Proverbios 17:12

Astawan allinraj uñankunata qhechuchikoj china jukumariwan tinkunaqa, mana uyarikoj wampu runawan tinkunamantaqa.

Proverbios 27:3

Rumiwan, t'iyuwanqa llasa kanku. Wampu runaj phiñakuyninrí astawan llasaraj.

Proverbios 29:22

Usqhayllata phiñakoj runaqa ch'ajwata jatarichin. Runata maqanachin, anchata pantaspataj juchallin.

Daniel (hebreo) 1:7

Kamachina wasipi kamachikunaj kurajninkutaj paykunata waj sutiwan suticharqa: Danielta Beltsasar nispa, Jananiasta Sadrac nispa, Misaelta Mesac nispa, Azariastataj Abednego nispa.

Daniel (hebreo) 2:12

Chayta uyarispa, kuraj kamachej Nabucodonosorqa manchayta phiñakorqa, jinataj soldadonkunata kamacherqa Babiloniapi kaj tukuy yachayniyojkunata wañurachinankuta.

Daniel (hebreo) 3:19

Nabucodonosor imachus nisqankuta uyariytawan, chay kinsantin waynakunaj contrankupi sinch'ita phiñakusqanrayku, uyan pukayarqa. Chantá soldadonkunata kamacherqa hornota qanchis kutitawan astawan parichinankuta.

San Mateo 10:18

Noqaraykutaj llajtata kamachejkunaman, kuraj kamachejkunaman ima pusasonqachej. Chantá, ñawpaqenkupi paykunaman, mana judío kajkunamanpis noqamanta testigo jina willankichej.

Marcos 13:9

Chayrayku qankuna sumajta qhawakuychej, imaraykuchus awqaykichejkunaqa qankunata jap'ichispa, llajtapi kurajkunaman jaywasonqachej, tantakuna wasikunapitaj jasut'isonqachej. Noqaraykutaj kamachejkunaman, kuraj kamachejkunaman ima qhatatisonqachej. Qankunarí, paykunaj ñawpaqenkupi testigo jina noqamanta parlankichej.

San Lucas 21:12

Chaywanpis manaraj chay tukuy ima kashajtin, runakuna qankunata ñak'arichisunaykichejpaj presochasonqachej. Chantá tantakunanku wasiman apasonqachej, carcelkunamantaj wisq'arasonqachej. Jinallatataj kuraj kamachejkunaj ñawpaqenman, llajtata kamachejkunaj ñawpaqenman ima pusasonqachej yachachisqaykuna kasqaykichejrayku.

San Lucas 6:11

Kurajkunarí chaymanta mayta phiñarikuspa, paykunapura parlarqanku imatachus Jesuswan ruwanankuta.

Hechos 24:24

Pisi p'unchaykunamantawan, kamachej Félix kutimorqa Drusila warminwan. Drusilaqa judía karqa. Chantá Félix Pablota wajyacherqa, imaynatachus Jesucristopi atinikusqanmanta uyariyta munaspa.