Daniel (hebreo) 3:10 - DIOSPA QHELQACHISQ

¹⁰ Kamachejniyku, qan kamacherqanki: Maypachachus runakuna tocanakunaj waqasqanta uyarispa, pampakama k'umuykuytawan, qorimanta ruwasqa lantiyta yupaychachunku, nispa.

Qheshwa Biblia DC

¹⁰ Reyníy, qan kamacherqanki runakunata tukuyninku qonqorikunankuta, qorimanta ruwasqa lantitataj yupaychanankuta, tukuy tocanasta ch'ajwarejta uyariytawan.

DIOSPA QHELQACHISQAN DEUTEROCANONICAL

¹⁰ Kamachejniyku, qan kamacherqanki: Maypachachus runakuna tocanakunaj waqasqanta uyarispa, pampakama k'umuykuytawan, qorimanta ruwasqa lantiyta yupaychachunku, nispa.

Daniel (hebreo) 3:10 ပူးပေါင်းရင်းမြစ်များ

1 Crónicas 15:16

Jinallataj Davidqa levitakunaj kamachejninkukunata kamachillarqataj, ayllunkumanta takejkunata, chantá salteriota, arpata, platillokunata tocayta yachajkunata ima churanankuta, kusikuywan tocaspa takinankupaj.

1 Crónicas 15:28

Ajinata tukuy israelitakuna Tata Diospa trato ruwasqan arcata kusiymanta qhaparirispa aparqanku, pututukunata, trompetakunata, platillokunata, jinataj cuerdayoj tocanakunata, chantá arpakunata ima tocarispa.

2 Crónicas 29:25

Chantá kuraj kamachej Ezequiasqa Tata Diospa Templonpi levitakunata platillokunayojta, salteriokunayojta, arpakunayojta ima churallarqataj. Chay karqa, imaynatachus Tata Dios kamachisqa kuraj kamachej Davidman Diospa rikuchisqanta willaj Gatnejta, jinataj Diosmanta sut'inchaj Natannejtapis, ajinata. Ajina ruwanata Tata Diospuni sut'inchajkunaman kamachisqa.

Salmos 94:20

Qanqa mana cheqanta ruwaj juezkunaj masinchu kanki. Paykuna mana cheqanta ruwaspa, kamachisqaykikunata p'akinku.

Éxodo 1:16

Israelitakunaj warminkuna onqokushajtinku, allinta qhawankichej. Qhari wawa kajtenqa, wañuchinkichej. Warmi wawatatajrí kawsajta saqellankichej, nispa.

Éxodo 1:22

Faraontajrí tukuy Egipto llajtayojkunata kamacherqa: Israelitakunaj qhari wawanku paqarejkunamanta tukuyninkuta Nilo mayuman wijch'uychej. Warmi wawakunatatajrí ama imanaychejchu, nispa.

Eclesiastés 3:16

Kay pachapi rikullarqanitaj justicia kananmantaqa millay ruwaylla kasqanta, imapis cheqan kananmantaqa mana allin kajlla kasqanta.

Isaías 10:1

Ay, qankunata imallachus qhatirisonqachej, mana allin kamachisqakunata wakichejkuna, runakunata ñak'arichinapaj kamachisqakunata qhelqajkuna.

Daniel (hebreo) 3:11

Nillarqankitaj pichus mana jinata ruwajqa lawrashaj jatun hornoman wijch'uykusqa kananta, icharí?

Daniel (hebreo) 3:15

Kunanrí ujtawan pututoj waqasqanta, chay waj tocanakunaj waqasqanta ima uyariytawan, pampakama k'umuykuspa lanti ruwachisqayta yupaychankichejchu, chayrí manachu? Sichus lantiyta mana yupaychankichej chayqa, chaypachapacha sumaj parichisqa hornoman wijch'uykusqa kankichej. Chaypacha, ima diostaj qankunata makiymanta kacharichiyta atisunkichejmanri? nispa.

Daniel (hebreo) 6:12

12 (13) Chayrayku paykuna kuraj kamachejman rispa, chay kamachisqanmanta nerqanku: Kuraj kamachejniyku, qan kay jinata kamacherqanki: Sichus pipis kay kinsa chunka p'unchaypi waj diosmanta imatapis mañakunman, chayrí, qanmanta mañakunanta wajmanta mañakunman chayqa, leonkunaj t'oqonman wijch'uykusqa kananta, icharí? nispa. Kuraj kamachejtaj kuticherqa: Arí, ajina karqa. Chay kamachisqataj junt'akunanpuni tiyan, imaraykuchus medokunaj, persakunaj usunchejman jina manapuni pipis chayta yanqhayachiyta atinchu, nispa.

Amós 6:5

Arpaj waqayninpi imapis kachunta takirinkichej, ñawpaj kuraj kamachej Davidpis kawajchej jinataj mosoj tocanakunata ruwakunkichej.

San Juan 11:57

Chaywanpis kuraj sacerdotekuna, chantá fariseokuna ima kamacherqanku, pillapis Jesús maypichus kashasqanta yachanman chayqa, paykunaman willanankuta, payta jap'ispa wisq'aykunankupaj.