Daniel (hebreo) 2:47 - DIOSPA QHELQACHISQ

⁴⁷ Chantá Danielta nerqa: Cheqapuni Diosniykichejqa tukuy dioskunaj Tukuyta Kamachej Diosnin, tukuy kamachejkunaj kuraj kamachejninkutaj, tukuy pakaypi kajta sut'inchaj ima, imaraykuchus qan pakasqa kajta sut'inchayta aterqanki, nispa.

Qheshwa Biblia DC

⁴⁷ Chanta Danielman nerqa: Cheqamanta Diosniykichejqa aswan jatun tukuynin dioskunamanta. Paymin reykunaj Señornenqa, tukuy pakaypi kajta sut'inchajtaj. Qan aterqanki kay pakaypi kaj imasta sut'inchayta.

DIOSPA QHELQACHISQAN DEUTEROCANONICAL

⁴⁷ Chantá Danielta nerqa: Cheqapuni Diosniykichejqa tukuy dioskunaj Tukuyta Kamachej Diosnin, tukuy kamachejkunaj kuraj kamachejninkutaj, tukuy pakaypi kajta sut'inchaj ima, imaraykuchus qan pakasqa kajta sut'inchayta aterqanki, nispa.

Daniel (hebreo) 2:47 ပူးပေါင်းရင်းမြစ်များ

Génesis 41:39

Chantá faraonqa Joseta nerqa: Mana pipis qan jina sumaj yuyayniyoj, yachayniyoj runaqa kanchu. Kay tukuy imachus kananmanta Diosllamin qanman yachachisunki.

2 Reyes 5:15

Chaymanta Namanqa paywan tukuy rejkuna ima Eliseojpaman kutirerqanku. Chantá Eliseoj wasinman chayaspa, Namán nerqa: Kunan yachani kay pachantinpi mana waj Dios kasqanta, manachayqa Israel suyullapi. Chayrayku ama jina kaspa, apamusqaymanta waqeta jap'ikuway, nispa.

Job 12:19

Sacerdotekunata ruwanankumanta wijch'un, kamachejkunatapis kamachiyninkumanta orqhopun.

Salmos 136:2

Dioskunaj Diosninman pachis niychej, imaraykuchus munakuynenqa wiñay wiñaypajmin.

Salmos 136:3

Tukuy kamachejkunata kamachej Diosta pachis niychej, imaraykuchus munakuynenqa wiñay wiñaypajmin.

Salmos 72:11

Tukuy kuraj kamachejkuna paypa ñawpaqenpi qonqorikuchunku, tukuy suyutaj paypa kamachiyninpi kachunku.

Salmos 82:1

(1b) Diosqa dioskunaj jatun tantakuyninkupi sayarispa, parlarin, dioskunaj chawpinkupitaj juzgan.

Salmos 96:4

Tata Dios may jatunmin, yupaychanapaj jina. Payqa tukuy dioskunamanta nisqaqa aswan manchachikuna.

Ezequiel 26:7

Tukuyta Kamachej Tata Dios ajinata nillantaj: Noqaqa wichaynejmanta Babiloniata kuraj kamachej Nabucodonosorta Tiroj contranpi kachaykamusaj. Paymin tukuy kuraj kamachejkunamanta nisqaqa aswan atiyniyoj. Chayrayku pay jamonqa caballokunawan, carretakunawan, carretata purichejkunawan, may ashkha soldadokunawan ima.

Daniel (hebreo) 11:36

Wichaymanta kaj kuraj kamachejqa munasqanta ruwanqa. Maytapuni jatunchakonqa, jinataj tukuy dioskunamanta aswan kasqanta yuyakonqa. Cheqan kaj Diospa contrantapis manchay millayta parlallanqataj. Paytataj tukuy imapi allin renqa, Dios payta jasut'inankama, imaraykuchus imatachus Dios ruwanan karqa, chayta junt'anqapuni.

Daniel (hebreo) 2:19

Chay tutapeqa Tata Dios mosqoypi jina Danielman parlaspa, rikucherqa imatachus kuraj kamachej mosqokusqanta. Jinallatataj pay sut'incharqa imatachus kuraj kamachejpa mosqokusqanta niyta munasqanta. Chayrayku Danielqa janaj pachapi kaj Diosta yupaycharqa:

Daniel (hebreo) 2:22

Diosqa pakasqa kajta sut'inchan, mana yachay atina kajtapis. Paymin imachus laqhayaypi kajtapis rejsin. Payqa k'anchaymin.

Daniel (hebreo) 2:28

Chaywanpis janaj pachapi uj Dios tiyan, pichus pakaypi kaj tukuy imata sut'ita rikuchin, chay. Paymin qan kuraj kamachej Nabucodonosorman sut'ita rikuchisorqa jamoj p'unchaykunapi imachus kananmanta. Kunantaj imatachus puñushaspa mosqokusqaykita noqa willasqayki:

Daniel (hebreo) 2:29

Kuraj kamachejníy, puñunaykipi kashaspa, qhepanejman imachus kananmanta unancharisharqanki. Jinapi pakasqa kajta sut'inchaj Dios imachus qhepaman kananta rikuchisorqa.

Daniel (hebreo) 2:30

Noqamanpis chay pakasqa yachayta Dios sut'inchawarqa, mana tukuy runamanta astawan yachayniyoj kasqayraykuchu. Manachayqa Dios munan yachanaykita mosqoyniyki imatachus niyta munasqanta, ajinamanta sonqoykipi yuyaychakusqaykita yachanaykipaj.

Daniel (hebreo) 2:37

Kamachejníy, qan tukuynin kuraj kamachejkunamanta aswan atiyniyoj kanki, imaraykuchus janaj pachapi kaj Diosmin kamachinata, atiyta, kallpata ima qorqasunki jatunchasqa kanaykipaj.

Daniel (hebreo) 3:15

Kunanrí ujtawan pututoj waqasqanta, chay waj tocanakunaj waqasqanta ima uyariytawan, pampakama k'umuykuspa lanti ruwachisqayta yupaychankichejchu, chayrí manachu? Sichus lantiyta mana yupaychankichej chayqa, chaypachapacha sumaj parichisqa hornoman wijch'uykusqa kankichej. Chaypacha, ima diostaj qankunata makiymanta kacharichiyta atisunkichejmanri? nispa.

Daniel (hebreo) 3:28

Chantá kuraj kamachej Nabucodonosor jatunmanta qhaparerqa: Yupaychasqa kachun Sadracpata, Mesacpata, Abednegojpatawan Diosninku, pichus angelninta paykunata waqaychananpaj kachamorqa, chay. Kuraj kamachej kajtiypis, kamachisqayta mana kasorqankuchu. Aswanpis wañuyta mana manchachikuspa, Diosninkumanta jawa waj diosman manapuni k'umuykorqankuchu nitaj yupaycharqankuchu.

Daniel (hebreo) 3:29

Chayrayku noqa kayta kamachini: Sichus pipis kay waynakunaj Diosninkoj contranpi imatapis parlanman chayqa, mayqen suyumantapis, chayrí mayqen parlayniyojpis kachun, pay wañuchisqa kanqa, ayantaj chhikan chhikan khuchurasqa kanqa. Wasinpis thuñisqallataj kanqa, imaraykuchus chay jinata qhespichej Dios jina manapuni waj dios kanchu, nispa.

Daniel (hebreo) 4:17

17 (14) Diospa angelninkuna ajina kananta kamachinku, tukuy runakuna yachanankupaj janaj pachapi kaj Tata Dios tukuy suyukunata kamachinanpaj atiyniyoj kasqanta. Yachallachunkutaj paymin kamachina atiyta qosqanta, pimanchus qoyta munasqanman, jinallataj uj suyupi kuraj kaj kananpaj churasqanta aswan pisipaj qhawasqa runata, nispa.

Daniel (hebreo) 4:25

25 (22) Aswan qhepaman qanqa runakuna chawpimanta qharqosqa kanki, uywakunawantaj kawsanki. Waka jina qhorata mikhunki, chhullapis ukhuykita joq'osonqa. Ajinata kawsanki qanchis wata junt'ata, qan ninaykikama: Janaj pachapi kaj Diosmin kay pachapi kaj tukuy suyuta kamachin, paytaj pitachus munasqanta kamachinanpaj churan, nispa.

Daniel (hebreo) 4:32

32 (29) Aswanpis qan runakuna chawpimanta qharqosqa kanki, k'ita animalkunawantaj kawsanki. Buey jina qhorata mikhunki, qanchis wata junt'atataj ajina kanki ninaykikama: Janaj pachapi kaj Diosllamin atiyniyoj kay pachapi tukuy suyukunaj patankupi kamachinanpaj, payllataj munasqanman jina kamachejkunata churan, nispa.

Daniel (hebreo) 5:11

Suyuykipi uj runa tiyan, paypitaj may llimphu dioskunaj espiritunku paypi tiyakun. Tatayki kamachishajtin, chay runa manchay uyarisqa karqa dioskuna jina sumaj yuyayniyoj, yachayniyoj ima kasqanrayku. Chayrayku tatayki Nabucodonosor chay runata churarqa tukuy suyupi tukuy yachaysapakunata, yatirikunata, sumaj yachajkunata, ch'askakunata qhawaspa watojkunata ima kamachinanpaj.

Amós 3:7

Tata Dios manamin imatapis ruwanchu, manaraj ñawpajta paymanta sut'inchajkunaman willaspaqa.

1 Corintios 14:25

Ajinamanta sonqon ukhupi pakasqa kaj sut'inchasqa kanqa, paytaj qonqorikuspa, Diosta yupaychanqa: Cheqapuni Dios qankunawan kashan, nispa.

Deuteronomio 10:17

Tata Diosniykichejqa dioskunaj Diosnin, tukuy kamachejkunaj kamachejnintaj. Payqa kamachinanpaj mana pitapis tapunrajchu, jinallataj may atiyniyoj, manchachikunataj. Tukuyta uj rejllata qhawan, nitaj piwanpis lluk'ichikunchu.

1 Timoteo 6:15

Chantá k'ata Diosqa maychus tiemponpi Jesucristota rikhurichimonqa. Paymin yupaychasqa k'ata Kuraj Kamachejqa, tukuy kuraj kamachejkunaj kamachejnin, waj kamachejkunaj Kurajninkutaj.

Josué 22:22

Tukuy dioskunaj Diosnin yachan, mana paypa contranpichu, nitaj paymanta karunchakuyta munaspachu kay altarta ruwasqaykuta. Pay yachan imaraykuchus ruwasqaykuta, kunantaj qankunapis yachallaychejtaj. Sichus Tata Diospa contranta oqharikuyta munaspa, paymanta t'aqakunaykurayku kay altarta ruwayku chayqa, kunanpacha wañurachiwayku.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

Apocalipsis 17:14

Chantá paykuna Corderoj contranpi maqanakonqanku. Corderotajrí paykunata atipaykonqa, imaraykuchus payqa tukuy kamachejkunaj Kuraj Kamachejninku, tukuy wiraqochikunaj Kamachejninkutaj. Pikunatachus Dios wajyaspa ajllakorqa, jinataj payta kasunku chaykuna paywan khuska kanqanku.

Apocalipsis 19:16

P'achanpitaj, moqon patanejpitaj kay suti qhelqasqa karqa: Kamachejkunaj Kuraj Kamachejninku, Wiraqochikunaj Kamachejnintaj, nispa.