Daniel (hebreo) 2:44 - DIOSPA QHELQACHISQ

⁴⁴ Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Qheshwa Biblia DC

⁴⁴ Chay reykuna kamachishajtinkutaj, janaj pachapi kaj Dios uj reinota sayarichenqa, chaytaj mana jayk'ajpis t'unasqachu kanqa manataj mayqen reinopis payta atipanqachu. Tukuynin waj reinosta tukuchenqa, chay atipaj reinotajrí wiñaypaj sayanqa.

DIOSPA QHELQACHISQAN DEUTEROCANONICAL

⁴⁴ Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Daniel (hebreo) 2:44 ပူးပေါင်းရင်းမြစ်များ

Génesis 49:10

Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

2 Samuel 7:13

Paymin templota ruwapuwanqa, noqataj wiñaypaj kamachinanta sayachisaj.

2 Samuel 7:16

Mirayniykita, kamachinaykitapis noqa wiñaypaj waqaychasaj, ajinallatataj wiñaypaj churasqa kanqa, nispa.

Salmos 145:13

Kuraj kamachej kasqaykeqa wiñay wiñaypajmin, kamachiyniykitaj miraymanta miraykama.

Isaías 60:12

Mayqen suyuchá, chayrí ima llajtachá munasqaykita ruwayta mana munajqa chinkachisqa, ch'inyachisqataj kanqa.

Ezequiel 37:25

Kamachiy Jacobman qorqani, chay suyupi tiyakonqanku, maypichus ñawpa tatankukuna tiyakorqanku, chaypi. Chay suyupi paykuna, churinkuna, mirayninku ima wiñaypaj tiyakonqanku. Kamachiy Davidtaj paykunaj kuraj kamachejninku kanqa wiñay wiñaynintinkama.

Daniel (hebreo) 2:28

Chaywanpis janaj pachapi uj Dios tiyan, pichus pakaypi kaj tukuy imata sut'ita rikuchin, chay. Paymin qan kuraj kamachej Nabucodonosorman sut'ita rikuchisorqa jamoj p'unchaykunapi imachus kananmanta. Kunantaj imatachus puñushaspa mosqokusqaykita noqa willasqayki:

Daniel (hebreo) 2:34

Chantá qhawashajtillayki, orqomanta ni pejpa kachaykamusqallan uj rumi urmamusqa, jinataj chay lantej chakinpi jap'ispa, lantita phirirparisqa.

Daniel (hebreo) 2:35

Chantá ujllata fierropis, t'urupis, broncepis, qolqe metalpis, qoripis ima ñut'u jallp'a jina rikhurisqa. Jinataj imaynatachus trigota wayrajtinchej wayraqa pajata apakapun, ajinata wayraqa chay tukuyta oqharisqa mana imata puchuchispa. Lantita phiriykusqa, chay rumitajrí jatun orqoman tukusqa, tukuy kay pachamantaj junt'aykusqa.

Daniel (hebreo) 2:37

Kamachejníy, qan tukuynin kuraj kamachejkunamanta aswan atiyniyoj kanki, imaraykuchus janaj pachapi kaj Diosmin kamachinata, atiyta, kallpata ima qorqasunki jatunchasqa kanaykipaj.

Daniel (hebreo) 2:43

Imaynatachus fierrowan t'uruwan chajrusqata rikorqanki, kikinta chaypacha suyukunata kamachejkunaqa casaraspa aylluchakuyta munanqanku, suyunkukuna chaynejta aswan kallpachasqa kanankupaj. Chaywanpis mana sumaj ujchasqachu kanqanku, imaynatachus fierrowan t'uruwan mana chajrukuyta atinkuchu, ajinata.

Daniel (hebreo) 4:3

3 (3.33) Paypa ruwasqanqa manchay t'ukuna, may jatuntaj. Kamachisqanpis wiñay wiñaypaj kanqa, manapunitaj tukukonqachu.

Daniel (hebreo) 4:34

34 (31) Qanchis wata junt'akojtin, noqa Nabucodonosor janaj pachata qhawarerqani, loco kayniymantataj yuyayniyman kutiripusqayta reparakorqani. Chaypacha janaj pachapi kaj Diosta yupaycharqani, kay jinatataj Wiñaypaj Kawsajta jatuncharqani: Paypa atiynenqa wiñaypaj, suyukunata kamachiyninpis tukuy mit'apaj.

Daniel (hebreo) 6:26

26 (27) Kayta kamachini: Tukuynin suyuypi Danielpa Diosninta manchachikuychej, kharkatitispataj payllamantaj k'umuykuychej, imaraykuchus paymin kawsaj Diosqa. Payllapuni wiñaypaj wiñaynintinkama kawsan. Kamachiynenqa mana jayk'ajpis chinkarenqachu, nitaj atiyninpis tukukonqachu.

Daniel (hebreo) 6:27

27 (28) Paymin qhespichej, kacharichejtaj. Payllataj janajpi jinallataj kay pachapipis runaj mana jayk'aj rikusqanta, chantá may t'ukuna imakunata ruwan. Paymin Danielta leonkunaj siminkumanta qhespicherqa, nispa.

Daniel (hebreo) 7:27

Chantá kay pachapi kamachinapaj atiywan, kallpawan, jatunchasqa kaywan ima Patapi Kaj Diospa ayllunman qosqa kanqa. Paypa kamachiynenqa wiñaypaj kanqa, jinataj kay pachapi kaj chhika suyukuna payta kasonqanku, munaynintataj ruwanqanku, nispa.

Daniel (hebreo) 8:25

Ch'awkiyanapaj churasqa kasqanrayku, tukuy millay ruwasqanpi allin renqa, maytataj runaykachanqa. Ni imamanta llakiyniyoj tiyakojkunata wasanchaspa, ch'inllamanta wañurachenqa. Tukuy Kurajkunaj Kurajninkoj contranpipis sayaykullanqataj. Chay Kuraj Kajrí millay kuraj kamachejta atipanqa. Chaytaqa mana pi runachu ruwanqa.

Miqueas 4:7

Chaykunawan, qhepakojkunawantaj kallpayoj suyuta ruwasaj. Chantá noqa Tata Diosmin Sión orqopi Israel suyuyta wiñaypaj kamachisaj.

Hageo 2:22

Kay pachapi atiyniyojkunata phiriykusaj, kamachinanku tiyanakunatapis urmarachisaj. Urmarachillasajtaj carretakunata, chay carretakunapi purejkunatawan. Caballokuna, chaypi purejkunapis wañullanqankutaj, paykunapurataj espadawan wañuchinakonqanku.

Hageo 2:7

Tukuy suyukunatapis kharkatitichillasajtaj, chay runakunataj tukuy kapuyninkuta apamonqanku. Noqataj Temploytataj jatun kayniypa lliphipiyninwan junt'achisaj, nispa. Ajinata nisunkichej Tukuy Atiyniyoj Tata Dios.

San Mateo 28:18

Chantá Jesús qayllaykuspa, paykunata nerqa: Tata Diosneyqa kamachinapaj tukuy atiyta qowan janaj pachapi, kay pachapipis.

San Juan 12:34

Chay runakunatajrí payta nerqanku: Noqayku kamachisqa qhelqasqata ñawirispa, yachayku Cristoqa wiñaypaj kawsananta. Jina chayqa, imaraykutaj qan nishanki Runaj Churin cruzman chakatasqa kanantari? Pitaj chay Runaj Churinri? nispa.

Hebreos 12:28

Chayrayku Diosta pachis nina, imaraykuchus noqanchej mana kuyuchisqa kayta atej kamachinata jap'inchej. Pachis nina, sonqowantaj Diosta munasqanman jina yupaychana, tukuy sonqo payta may jatun respetowan qhawaspa, manchachikuspataj.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Apocalipsis 2:27

imaynatachus Tatay noqamanpis kamachinaypaj atiyta qowarqa, ajinata. Paykunataj fierro varawan suyukunata kamachenqanku, t'uru mankata jinataj phiriranqanku.