Daniel (hebreo) 2:30 - DIOSPA QHELQACHISQ

³⁰ Noqamanpis chay pakasqa yachayta Dios sut'inchawarqa, mana tukuy runamanta astawan yachayniyoj kasqayraykuchu. Manachayqa Dios munan yachanaykita mosqoyniyki imatachus niyta munasqanta, ajinamanta sonqoykipi yuyaychakusqaykita yachanaykipaj.

Qheshwa Biblia DC

³⁰ Noqamampis kay mana yachay atina pakasqa kajta Dios rikuchiwarqa. Manamin tukuy runasmanta aswan yachayniyoj kasqayraykuchu, mana chayqa reyman sut'ita willanaypaj, imatachus niyta munasqanta chay mosqoynin, ajinamanta reyqa yachanampaj imastachus sonqompi yuyaychakusharqa chay imasmanta.

DIOSPA QHELQACHISQAN DEUTEROCANONICAL

³⁰ Noqamanpis chay pakasqa yachayta Dios sut'inchawarqa, mana tukuy runamanta astawan yachayniyoj kasqayraykuchu. Manachayqa Dios munan yachanaykita mosqoyniyki imatachus niyta munasqanta, ajinamanta sonqoykipi yuyaychakusqaykita yachanaykipaj.

Daniel (hebreo) 2:30 ပူးပေါင်းရင်းမြစ်များ

Génesis 41:16

Josetaj faraonta nerqa: Chayqa mana noqamantachu, Dioslla atin allinniykipaj sut'inchasuyta, nispa.

Salmos 139:2

Qan tukuy ruwasqayta yachanki. Tukuy imatachus yuyasqaytapis karumantapacha yachallankitaj.

Isaías 45:4

Kamachiy Jacobta munakusqayrayku, ajllakusqay Israelrayku sutiykimanta wajyarqayki. Mana rejsishawajtiykipis, jatunpaj qhawasqa sutita churarqayki.

Daniel (hebreo) 1:17

Chantá Diosqa chay tawa waynakunaman sumaj yachayta, yuyayniyoj kayta ima qorqa, imaymana qhelqakunata rejsinankupaj chantá entiendenankupaj ima. Chantapis Diosqa Danielman yachayta qollarqataj mosqoypi jina rikuykunata, mosqoykunatapis sut'inchananpaj.

Daniel (hebreo) 2:47

Chantá Danielta nerqa: Cheqapuni Diosniykichejqa tukuy dioskunaj Tukuyta Kamachej Diosnin, tukuy kamachejkunaj kuraj kamachejninkutaj, tukuy pakaypi kajta sut'inchaj ima, imaraykuchus qan pakasqa kajta sut'inchayta aterqanki, nispa.

Daniel (hebreo) 2:49

Jinallatataj Danielpa mañakusqanman jina kuraj kamachejqa Sadracta, Mesacta, Abednegotawan churallarqataj Babilonia jap'iymanta cargoyoj kanankupaj. Danieltajrí kuraj kamachejpa ñawpaqenpi karqa kamachejpa yuyaychajnin jina.

Amós 4:13

Tata Diosmin orqokunata, wayratapis ruwarqa. Runamanpis imatachus yuyasqanta rejsichillantaj. Payqa k'anchayta laqhaman tukuchin, kay pachaj aswan patanejtataj purin. Sutenqa Tukuy Atiyniyoj Tata Diosmin.

San Mateo 24:22

Manachus Dios chay p'unchaykunata pisiyachinman chayqa, mana pipis qhespichisqachu kanman. Aswanpis payqa ajllakusqankunata munakusqanrayku chay p'unchaykunata pisiyachenqa.

Marcos 13:20

Manachus Tukuyta Kamachej Dios chay p'unchaykunata pisiyachinman chayqa, mana pipis qhespichisqachu kanman. Aswanpis, payqa ajllakusqankunata munakusqanrayku chay p'unchaykunata pisiyachenqa.

Hechos 3:12

Chantá Pedro chayta rikuspa, paykunata nerqa: Israelitakuna, imaraykutaj kay jinata t'ukushankichejri? Imaraykutaj kay jinatapuni qhawawaykuri? Ichapis qankuna yuyashankichej noqayku atiyniykuwan, chayrí k'acha runa kasqaykurayku kay suchu runata puririchisqaykuta. Mana jinachu.

Romanos 8:28

Yachanchej Diosqa payta munakojkunaj allinninkupaj tukuy imata wakichisqanta, pikunatachus pay wajyarqa munasqanman jina, chaykunapaj.

2 Corintios 4:15

Chayrayku chay tukuy imata ñak'ariyku qankunaj allinniykichejpaj. Ajinaqa Diospa qhasilla k'acha yanapaynin astawan ashkha runaman chayajtin, aswan ashkhallataj Diosman pachis nispa nenqanku, ajinamanta pay may jatunchasqa kananpaj.