Daniel (hebreo) 2:29 - DIOSPA QHELQACHISQ

²⁹ Kuraj kamachejníy, puñunaykipi kashaspa, qhepanejman imachus kananmanta unancharisharqanki. Jinapi pakasqa kajta sut'inchaj Dios imachus qhepaman kananta rikuchisorqa.

Qheshwa Biblia DC

²⁹ Arí rey, qanqa puñunaykipi kasharqanki, yuyayniykimantaj chayamusorqa imaschus qhepa p'unchaykunapi kanqa chay imasmanta. Pakaypi kaj imasta sut'inchaj Diostaj rikuchisunki, imaschus jamoj p'unchaykunapi kanqa chaykunata.

DIOSPA QHELQACHISQAN DEUTEROCANONICAL

²⁹ Kuraj kamachejníy, puñunaykipi kashaspa, qhepanejman imachus kananmanta unancharisharqanki. Jinapi pakasqa kajta sut'inchaj Dios imachus qhepaman kananta rikuchisorqa.

Daniel (hebreo) 2:29 ပူးပေါင်းရင်းမြစ်များ

Génesis 41:25

Chantá José faraonta nerqa: Iskaynin mosqokusqaykeqa ujlla kanku. Ajinamanta Diosmin imatachus ruwayta yuyashasqanta yachayta qoshasunki.

Ezequiel 38:10

Tukuyta Kamachej Tata Dios kay jinata nillantaj: Chay p'unchaypi sonqoykiman mana allin yuyay jamusonqa, millay kajta ruwanata wakichinaykipaj.

Daniel (hebreo) 2:22

Diosqa pakasqa kajta sut'inchan, mana yachay atina kajtapis. Paymin imachus laqhayaypi kajtapis rejsin. Payqa k'anchaymin.

Daniel (hebreo) 2:23

Ñawpa tataykunaj Diosnin, qanman pachis niyki, yupaychaykitaj, imaraykuchus qan yachayta, kallpatawan qowanki. Kunantaj imatachus mañakorqayku, chayta qan sut'ita rikuchiwanki, imaraykuchus kuraj kamachejpa mosqokusqanta sut'inchawanki, nispa.

Daniel (hebreo) 2:28

Chaywanpis janaj pachapi uj Dios tiyan, pichus pakaypi kaj tukuy imata sut'ita rikuchin, chay. Paymin qan kuraj kamachej Nabucodonosorman sut'ita rikuchisorqa jamoj p'unchaykunapi imachus kananmanta. Kunantaj imatachus puñushaspa mosqokusqaykita noqa willasqayki:

Daniel (hebreo) 2:45

Chantá qan kamachejníy, mana pejpa tanqarimusqallan rumita orqomanta choqakamojta rikorqanki, mayqenchus fierrota, bronceta, t'uruta, qolqe metalta, qoritapis ñut'u jallp'aman tukuchisqa, chay, icharí? Chaymin tukuyta atipaj chay suyu karqa. Ajinamanta Tukuy Atiyniyoj Tata Diosqa qhepanejman imachus kananmanta qanman rikuchisunki. Mosqokusqaykeqa cheqamin, sut'inchayninpis cheqallataj, nispa.

Daniel (hebreo) 2:47

Chantá Danielta nerqa: Cheqapuni Diosniykichejqa tukuy dioskunaj Tukuyta Kamachej Diosnin, tukuy kamachejkunaj kuraj kamachejninkutaj, tukuy pakaypi kajta sut'inchaj ima, imaraykuchus qan pakasqa kajta sut'inchayta aterqanki, nispa.

Amós 4:13

Tata Diosmin orqokunata, wayratapis ruwarqa. Runamanpis imatachus yuyasqanta rejsichillantaj. Payqa k'anchayta laqhaman tukuchin, kay pachaj aswan patanejtataj purin. Sutenqa Tukuy Atiyniyoj Tata Diosmin.